APOCALIPSIS 22:3 - Lengua Sur (Enxet) Nuevo Testamento

³ Méko sat nahan katnehek aksok aptaknagkamol'a Dios ma'a, hakte keytek sat Dios aptaháno ektakmalma m'a tegma apwányam nak, exek sat nahan Nekkések Apketkok ma'a, elpeykeshok sat nahan ma'a ektaha nak apkelásenneykha.

APOCALIPSIS 22:3 ပူးပေါင်းရင်းမြစ်များ

SAN MATEO 25:21

Aptahak axta apcháneya wese' apagkok se'e: ‘Takmelakxoho, xép aptaha seláneykha ektakmela aptémakxa apteme nahan meyenseyam aptamheykha; axámaseshok sat kaxwo' selméso exchep selyakye yakwayam heltakmelchesesek, hakte aptakmelchesek axta m'a selyakye étkok sekmésa axta exchep. Etex kañe', kalpayhekxak sat egwáxok.’

SAN MATEO 25:41

“Keñe sat etnehek yának Wese' apwányam ma'a apheykha nak ekpayhókxa nepsagkalwa: ‘Kólmohok kéxegke mók nekha cháxa eyéméxko nak kóllegásesagkohok; kólmohok ma'a megkaspóneykxa nak táxa kéllánesamakxa axta kelyekhama' tén han ma'a elásenneykha.

SAN JUAN 12:26

Enxet ektahakxa enxoho apmáheyo etnehek seláneykha ko'o, hetlawha sat; exnók sat nahan ma'a sekhámxa enxoho. Táta sat egkések yakwayam kóltehek kéláyo m'a énxet apteme nak seláneykha ko'o.

SAN JUAN 13:32

Apxekmósek agkok ektémakxa apcheymákpoho Dios ma'a ektaha nak Apketche énxet, keñe sat nahan Dios exekmósek ektémakxa apcheymákpoho m'a ektaha nak Apketche énxet; kaxwo' sat nahan henxekmósek.

SAN JUAN 14:3

Atakhekxak sat ko'o, sat awatak makham ma'a sekpenchesa enxoho seláneso yakwánxa kólhakha kéxegke m'a néten, yakwayam enxoho anaklósawatak kéxegke, yakwayam enxoho nahan kólhakha m'a yakwánxa nak axek ko'o.

SAN JUAN 17:24

“Táta, egkések axta ko'o exchep xa énxet'ák nak, emenyék nahan ko'o hexhok xamo' xa énxet'ák nak, cham'a yakwánxa nak axnók ko'o, yakwayam enxoho elwetak ektémakxa nak ko'o seyeymáxkoho, cham'a seyeymáxkoho segkésa axta exchep; hakte eyásekhayók axta exchep amonye elánamáxche axta keso náxop.

APOCALIPSIS 7:10

Axta etnehek cha'a elyennaktéshok apkelpeywa s'e: “¡Dios apha nak néten aptaháno ektakmalma apteme sẽlwagkaso teyp tén han ma'a Nekkések Apketkok!”

APOCALIPSIS 7:9

Enmexawok axta ko'o natámen xa, ekwet'ak axta ko'o énxet apxámokma apyókxoho pók aptémakxa énxet nak, tén han ma'a móktémakxa nak apkelpakmeyesma. Amonye taháno ektakmalma axta apchakneykha m'a, nápakto' ma'a Nekkések Apketkok. Apxámok apagko' axta m'a, megkólwanchek axta kólyetsetek. Apkelmopé axta nahan apkelántaxno, áxa áwa' axta anhan apkelmeykha.