APOCALIPSIS 21:4 - Lengua Sur (Enxet) Nuevo Testamento

⁴ Emasésesek sat Dios apaktégmenek xa énxet'ák nak, kamaskok sat nétsapma, kamaskok sat nahan ma'a nenlekxagweykha nak, kamaskok sat nahan ma'a senlapwayam nak, kamaskok sat nahan ma'a nenlegeykegkoho ekmáske nak, hakte massegwokmek axta m'a ekyókxoho aksok ekyetnama axta nano' axta.”

APOCALIPSIS 21:4 ပူးပေါင်းရင်းမြစ်များ

SAN MATEO 24:35

Kamaskok sat néten, kamaskok sat nahan keso náxop, wánxa agkok megkamassegwomek eyke ko'o sekpeywa.

1 CORINTIOS 15:26

axayók agko' sat katnehek kélmaséseyam ma'a nétsapma ektaha nak han megkatnaha egmók.

1 CORINTIOS 7:31

Enxet'ák ektahakxa enxoho apkelyanmagkásamap keso náxop kéméxchek etnehek máxa mexámáseyak aksok apagkok, hakte peyk kamassegwók keso náxop, ekhawo ektahakxa nak negwetayo.

2 CORINTIOS 5:17

Negko'o ektahakxa enxoho negyepetcheyo Cristo, axnagkok nentémakxa katnehek, massegwokmek ma'a nentémakxa nano' axta, axnagkok nentémakxa eyke kaxwo' yetnak.

2 CORINTIOS 6:17

Aptahak axta anhan appeywa Wese' egegkok se'e: “Kólántep nepyeseksa xa énxet'ák nak, nágkólpaxkaha anhan. Nágkólpaknegwomho nahan ma'a aksok ekmanyása nak. Keñe sat ko'o almok takha' kéxegke.

HEBREOS 12:27

Negya'ásegkok negko'o peya kólyakmagkasek mók ma'a ekyókxoho aksok ektaha axta Dios apkelané kélmowánal'a kóltakhesha, cham'a aptaha axta appeywa Dios se'e: “Mók sat makham”. Elának sat xa yakwayam enxoho megkaltakheykha m'a aksok megkólmowána nak kóltakhesha.

2 SAN PEDRO 3:10

Katlakkasek sat ewatak Wese' egegkok, ektémol'a énxet apmenyexma ekpelakkaso ewa'. Keñe sat kamaskok ma'a néten yetlo ekyennakte extegyawa. Táxa sat kamasesók ekyókxoho aksok ekhéyak nak néten tén han náxop, kasawhaxkohok sat kalmétek ekyókxoho aksok

1 SAN JUAN 2:17

Wánxa agkok, peyk eyke kamassegwók keso náxop, yetlo m'a ekyókxoho aksok ekmaso negyespagko ekyetna nak keso náxop; keñe m'a enxama apkelané nak Dios apmopmenyého, memassegwomek sat cha'a.

APOCALIPSIS 20:13

Wátsam ekwányam axta nahan apkelenyektak ma'a ektaha axta apkeletsapwayam kañe' wátsam ekwányam, ektémakxa wese' ekwányam nétsapma axta anhan apkelenyektak ma'a ektaha axta apkeletsapma; kéltemék axta nahan kélyekpelchémo apyókxoho xa énxet'ák nak, cham'a ektémakxa axta aksok apkeláneyak.

APOCALIPSIS 20:14

Keñe axta kélyenyawa neyseksa táxa m'a ektémakxa nak wese' nétsapma, cham'a ektahakxa nak ánet nétsapma,

APOCALIPSIS 21:1

Ekwet'ak axta ko'o axnagkok néten tén han xóp axnagkok natámen xa, hakte massegwokmek axta m'a néten ektaha axta émha amonye, tén han ma'a xóp émha amonye axta, massegwokmek axta anhan wátsam ekwányam.

APOCALIPSIS 22:3

Méko sat nahan katnehek aksok aptaknagkamol'a Dios ma'a, hakte keytek sat Dios aptaháno ektakmalma m'a tegma apwányam nak, exek sat nahan Nekkések Apketkok ma'a, elpeykeshok sat nahan ma'a ektaha nak apkelásenneykha.

APOCALIPSIS 7:17

hakte eltakmelchesek sat ma'a Nekkések Apketkok apha nak ma'a néten aptaháno ektakmalma nak, ekhawo aptemésesamakxa nak apkeltakmelchesama m'a nekkések. Enaklók sat nahan ma'a ekteyapmakxa nak yegmen ekyennaktésamo nak egnenyek. Dios sat nahan emasésesek apaktek égmenek xa énxet'ák nak.”