APOCALIPSIS 20:5 - Lengua Sur (Enxet) Nuevo Testamento

⁵ Wánxa agkok axta eyke enakxétehágwokmok nápakha m'a ektaha axta apkeletsapma megkayeyk'a xa mil apyeyam nak. Cháxa ektaha nak émha amonye nennakxétekhágwayam xa.

APOCALIPSIS 20:5 ပူးပေါင်းရင်းမြစ်များ

SAN LUCAS 14:14

kapayhekxak sat nahan kélwáxók, hakte mopwancha'ak eyanmagkasesek kéxegke xa énxet'ák nak, keytek sat eyke kéxegke ekyakmageykekxa kéltahakxa m'a ekhem apnakxétekhágwokmo sat énxet'ák apkelpéwomo nak.

ROMANOS 11:15

Sawheykxók agkok Dios segásekheykekxoho keso náxop, eñama m'a apkelyetnakhaso axta Dios énxet'ák judíos, ¿háxko katnehek apkelásekhákxoho enxoho makham Dios xa énxet'ák judíos? Elmekxak apkelyennakte m'a énxet apkeletsapma axta.

FILIPENSES 3:11

yakwayam enxoho ko'o xa helxátekhásók nepyeseksa m'a énxet'ák apkeletsapma axta.

1 TESALONICENSES 4:16

Hakte kañexchek sat ekyennakte kélpeywa, kañexchek sat nahan appeywa m'a apkemha apmomye Dios apchásenneykha, kañexchek sat nahan ekpáwá kélakkahaso eñama nak Dios, Wese' egegkok apagko' sat eweywentak apkeñama m'a néten, apmonye'e sat nahan enakxátekhágwók énxet'ák apkeletsapma apteme axta melya'áseyam Cristo.

APOCALIPSIS 11:11

Yeyk'ak axta xa antanxo ekhem náxet mók nak, apnakxetekhásekmek axta Dios xa énxet'ák nak, apchaknákxeyk axta nahan néten, apkelakak agko' axta nahan ma'a ektaha axta apkelweté.

APOCALIPSIS 11:15

Siete axta apwokmok Dios apkelásenneykha appawaso apchakkahaso, keñe axta eklegáxko ekyennakte agko' kélpeywa eñama néten. Entahak axta amya'a s'e: “Wese' egegkok kaxwo' aptahak Wese' apwányam keso náxop, tén han ma'a Mesías apkeñama nak Dios. Etnahagkok sat Kelwese'e apkelwányam megkatnegwayam enéxa.”