APOCALIPSIS 2:3 - Lengua Sur (Enxet) Nuevo Testamento

³ Apkelenxáneykmok axta exchep, awanhek axta nahan aplegeykegkoho meyke ekleklágwayam ko'o eñamakxa.

APOCALIPSIS 2:3 ပူးပေါင်းရင်းမြစ်များ

SAN MARCOS 15:21

Apkeltahanya'awók axta xama énxet apkeñama axta Cirene, apwesey axta Simón, Alejandro axta apyap ma'a tén han ma'a Rufo. Yókxexma nepyáwa tegma apwányam axta apkenyekta'. Kéltamhok axta epatmok Jesús aksok ektegyéso apagkok.

SAN LUCAS 14:27

Agkok kólpatmak aksok ektegyéso kélagkok, tén han mehelyetlokmo enxoho, megkólwanchek kóltehek seltámeséyak.

SAN LUCAS 18:1

Apkeltennáseyha axta Jesús apkeltámeséyak se'e apyetcháseykekxoho nak, yakwayam enxoho elxekmósek eyéméxko etnahagkok cha'a nempeywa nelmaxnagko meyke elleklágwayam.

SAN LUCAS 21:19

¡Kóllenxanmoho kélyennaktésamo kélteme megkólya'áseyam yakwayam enxoho kólewának kólwagkasaxchek teyp!

SAN LUCAS 5:5

Aptahak axta apchátegmowágko Simón se'e: —Sẽlxekmóso, yókxoho axta'a exchek negko'o nentegye kelasma, exchek eyke agmak kelasma xama enxoho; eynyentak sat ko'o yam'én neygmen, hakte apkeltamhok xép eynyentak.

SAN LUCAS 8:15

Aktek ekpálwayam axta ektakmelakxa xóp ekyetchesamaxkoho m'a énxet'ák ektakmela nak apwáxók, emawhok nahan yeyxhok amya'a kéltenneykha, elyahakxohok nahan, meyensemek nahan apteme mey'áseyam, tásek nahan katnehek ekteyapma apkelyakmagkaso apkeltémakxa, ekhawo m'a aksok ekyexna eknakxamáxche nak.

SAN JUAN 15:21

Etnésesek sat kéxegke énxet'ák ekyókxoho xa, ko'o eñamakxa, hakte melya'ásegkok énxet'ák ma'a aptaha axta seyáphaso ko'o.

ROMANOS 12:12

Kalpayhekxa cha'a kélwáxok eñama m'a ektémakxa nak kélhaxneykha; kólenmaxaxkoho cha'a yetlo kélwaskápeykekxoho m'a kéllegeykegkoho nak; nágkólyensem nahan kélteme nempeywa nelmaxnagko.

ROMANOS 16:12

Kóltennés sat seyáphásesa ekxeyenma ewáxok ko'o Trifena tén han Trifosa, eláneykegko nak han eltamheykha eñama nak Wese' egegkok, tén han ma'a egyáxeg Pérsida ektaha nak egyáxeg negásekhayo ekxámokma axta ektamheykha eláneya m'a nentamheykha eñama nak Wese' egegkok.

ROMANOS 2:7

Egkések sat Dios ekyennakte apnenyek megkatnegwayam enéxa m'a énxet'ák meyenseykmo axta apkeláneyak ma'a ekpayhawo nak anlána', cham'a apketamsama axta negeymáxkoho eñama nak Dios, tén han apketamsama m'a yakwayam nak etnésesek Dios ekha kéláyo, tén han apketamsama m'a mótsapma nak;

ROMANOS 8:25

Nelhaxneyha agkok ma'a aksok magwetayo nak, kéméxchek anleyxmakha meyke nelwáteseyam.

1 CORINTIOS 13:7

Ekha negásekhayo ekteme m'a nenlegeykegkoho nak ekyókxoho aksok, tén han ma'a magya'áseyam nak ekyókxoho aksok, tén han ma'a nelhaxanma nak ekyókxoho aksok, tén han ma'a nelenmáxamáxkoho nak ekyókxoho aksok.

1 CORINTIOS 16:16

Emenyék ko'o kólyahakxohok kéxegke aptahakxa enxoho apkeláneya énxet'ák ekhawo nak apkeltamheykha xa énxet'ák nak, kólyahakxoho nahan cha'a m'a énxet'ák ektaha nak appasmeykha apnámokkok aptamheykha, apkeláneykegkek nahan se'e ektémakxa nak negko'o nentamheykha.

2 CORINTIOS 10:15

Megkeyxkók cha'a negko'o nelpeywa anxének ma'a pók énxet'ák nak apkeltamheykha. Magyeykhágwokmohok cha'a negko'o m'a ekwánxa axta sempekkencheso néxa Dios. Egmenyék eyke negko'o agyánchesamhok nentamheykha kélnepyeseksa kéxegke neyseksa kélyancháseyak kélteme megkólya'áseyam, akke cha'a agyeykhágwokmohok ma'a sempekkencheso axta néxa Dios.

2 CORINTIOS 11:23

¿Cristo apkeláneykhaya xa énxet'ák nak? Ko'o anhan sekteme Cristo apchásenneykha, ekyeykhágweykmok eyke ko'o xa énxet'ák nak, máxa eykhe ektahak ko'o seyéháxma sektaha sekpeywa xa. Xámok axta ko'o sektamheykha, maxnawok xa énxet'ák nak, xámchek nahan sẽlheseyam sẽlpextétamakxa, kaxnók xa énxet'ák nak. Hágkaxwe anhan amatñaha, kaxnók xa énxet'ák nak, hágkaxwe nahan cha'a kagketagkohok wátsapok ko'o.

2 CORINTIOS 4:1

Mólháxexchágwokmok cha'a negko'o, hakte Dios axta segásennagko yakwayam anlának xa nentamheykha nak eñama segemleykekxoho.

2 CORINTIOS 4:16

Ekeso eñamakxa mólháxexchágwokmo nak negko'o. Peykhe kamassegwók negko'o s'e ektémakxa nak negyókxa, keñe m'a espíritu ekyetna nak egwáxok ektamhágko cha'a axnagkok ekyókxoho ekhem.

2 CORINTIOS 5:9

Ekeso eñamakxa negámenyého egagko' nak cha'a kalkohok apwáxok Wese' egegkok nentahakxa, megkeyxek ma'a negyenyawa enxoho negyókxa esenhan ma'a magyenyawa enxoho.

2 CORINTIOS 6:5

nentekyaweykha, sẽlheseyam sẽlpextétamakxa, segahapwe énxet apkello, nentamheykha ekyentaxno, nelánteyápeykmoho, tén han meyk sẽlnapma.

GÁLATAS 6:2

kólpasmaxkoho cha'a kéxegke yakwayam enxoho kólenmaxaxkohok ma'a ektémakxa nak ekyentaxnamo kélha, kéltemék agkok xa, kóllának ma'a eltémókxa nak antehek Cristo segánamakxa apagkok.

GÁLATAS 6:9

Kéméxchek negko'o mehenleklágwomek nenlané m'a nentémakxa ektakmela nak, hakte agkok henleklágwokmok negko'o, agwetak sat ekyakmageykekxa ekwokmo sat ekhem, ektémol'a annakxek ekyexna aksok negkeneykekxa.

FILIPENSES 2:16

hakte kéltekkáseyha kéxegke amya'a kélxena m'a amya'a ekyennaktésamo nak egnenyek. Kapayhekxak sat ko'o ewáxok kéxegke eñamakxa, hakte ay'asagkohok sat ko'o megkatnama eyakhémo m'a ektémakxa nak ko'o selteyásamáxche, tén han ma'a ektémakxa nak sektamheykha, cham'a apwakto sat Cristo.

FILIPENSES 4:3

Xép apteme nak cha'a sekxegexma ahagko' sektamheykha, eltamhok ko'o epasmok xép xa ẽlyáxeg'a nak, hakte kelenxáneykmók axta sepasmo ko'o ektémakxa seltenneykha tásek amya'a xa kelán'ák nak, Clemente axta anhan, tén han ma'a pók énxet'ák ektaha axta sektamheykha xamo' ko'o. Naktáxésamaxchek nahan apkelwesey m'a weykcha'áhak eknaktáxésamaxchexa nak apkelwesey énxet'ák ekyetnama nak ekyennakte apnenya'ák.

COLOSENSES 1:11

Nelmaxnakkek negko'o Dios neltamho etnésesek kéxegke ekha kélyennakte eñama m'a apmopwána eyeymáxkoho nak; yakwayam enxoho kólewának kólenmaxaxkohok kéxegke ekyókxoho aksok, yetlo kélwaskápeykekxoho tén han kéllenxányam,

1 TESALONICENSES 1:3

Mehẽlwagkágwokmok cha'a negko'o ekxeyenma egwáxok kéxegke nápakto' Dios Egyap, cham'a kéltamheykencha'a nak yetlo ekyawe agko' megkólya'áseyam neyseksók kéltamheykha, tén han kéltamheykencha'a yetlo ekyawe agko' kélásekhayo, mehẽlwagkágweykmok nahan ektémakxa nak ekpasmo yakwayam kólenmaxaxkohok kéllegeykegkoho yetlo kélwaskápeykekxoho m'a kélhaxneykha nak Wese' egegkok Jesucristo.

1 TESALONICENSES 2:9

Elyáxeg, kélya'ásegkok kéxegke ektémakxa axta negko'o nentamheykha, nenlenxaneykmók axta yakwayam antókasaxchek. Nentamheykha axta cha'a negko'o ekyókxoho ekhem tén han ekyókxoho axta'a, yakwayam enxoho manxámásesek kéltahakxa kélxama kéxegke neyseksa nenlegaso amya'a eñama nak Dios.

1 TESALONICENSES 5:12

Elyáxeg, neltamhok negko'o kóltehek kéláyo m'a énxet'ák ektaha nak apkeltamheykha kélnepyeseksa kéxegke, cham'a apxegkeseso nak kélakneykekxexa, cham'a apkeltennáseykegkoho nak han eyéméxchexa nak kóltehek eñama Wese' egegkok.

2 TESALONICENSES 3:13

Elyáxeg, nágkalleklágwom aksa kéllané m'a aksok ektakmela nak.

2 TESALONICENSES 3:5

Wese' egegkok sat epasmok kéxegke yakwayam enxoho kóltehek kélásekhamaxkoho ekhawo m'a ektémakxa nak segásekhayo Dios, tén han egkések kéxegke m'a ektémakxa axta apwaskápeykekxoho Cristo neyseksa aplegeykegkoho.

2 TESALONICENSES 3:8

axta anhan antókasók aksa kéltéyak meyke negyanmagkaso kélxama enxoho. Wánxa agkok, nenlenxáneykmok axta eyke aksa nentamheykha, neltamheykha axta ekyókxoho ekhem tén han ekyókxoho axta'a, yakwayam enxoho manxamásesek kéltahakxa kéxegke kélxama enxoho.

1 TIMOTEO 4:10

Cháxa keñamak neltamheyncha'a nak negko'o xa, tén han nelwaskápeykxoho, hakte nentemék axta nengko'o negásenneykekxa m'a Dios memassegwayam nak, aptaha nak sẽlwagkaso teyp negyókxoho, ekyagwánxa agkok elwagkasek cha'a teyp ma'a énxet'ák apteme nak melya'áseyam.

1 TIMOTEO 5:17

Enxet'ák apkelwányam ektaha nak aptakmelchesamo apkelmeykha apnámokkok kélakneykekxexa, kéméxchek keytek ekyawe kéláyo, ekyagwánxa agkok ma'a énxet'ák apkeltenneykha nak tásek amya'a, cham'a apkelxekmósamol'a apnámokkok.

HEBREOS 10:36

Kéméxchek kéxegke kólwaskápekxohok neyseksa kéllegeykegkoho, yakwayam enxoho kóllának ma'a ektaha nak Dios apmopmenyého, yakwayam enxoho nahan kólxawak ma'a apxeyenma axta egkések kéxegke Dios.

HEBREOS 12:1

Ekeso eñamakxa eyéméxko nak agyenyók ekyókxoho m'a aksok sẽlya'asama nak exma, tén han ma'a mólya'asáxma sẽlpextetma nak, tén han onyahagkok yetlo nelwaskápeykekxoho m'a nelteyásamáxche peya nak óltésaxchek, hakte apxámok énxet negyáwa negko'o apxekmósama nak apteme melya'áseyam.

HEBREOS 13:13

Agyetlók hana Jesús nepyáwa tegma, yakwayam enxoho anlegagkohok xamo' ma'a kéltemésesakxa axta.

HEBREOS 6:10

Hakte Dios apteme ekpéwomo aptémakxa, megkalwagkámhek sat ma'a ektahakxa axta aksok kéllané kéxegke, megkalwagkámhek sat nahan ma'a ektahakxa axta kélxekmósamo kéxegke kélásekhayo Dios, cham'a kélpasma axta énxet'ák ektaha nak Dios énxet'ák apagkok, ekhawo kéltáhakxa nak makham keso kaxwo' nak.

HEBREOS 6:12

Móltamhok negko'o kóltehek kéxegke megkólmámenyého kóltemeykha, wánxa agkok kólyetlakxa apkeltémakxa m'a énxet'ák apkelxaweykegko nak ma'a aksok kélpagkancheso axta, cham'a apxeyenma axta elmésagkok Dios, eñama m'a apteme nak melya'áseyam Dios, tén han eñama m'a ektémakxa nak apkelenxáneykmoho.

HEBREOS 6:15

Apkelháxanmeyk axta aksa Abraham yetlo mepekhéso xa apxeyenma axta egkések Dios, apxakak axta nahan xa.

2 SAN PEDRO 1:6

keñe m'a negya'ásegwayam nak, kólyepetchesek ma'a negmowána nak anlanagkohok nentémakxa; keñe m'a negmowána nak anlanagkohok nentémakxa kólyepetchesek ma'a mampekhésamaxche nak; keñe m'a mampekhésamaxche nak, kólyepetchesek ma'a nempagkanchásamáxche nak Dios;

APOCALIPSIS 1:9

Ko'o Juan sektaha nak may'áseykmoho xamo' kéxegke Cristo, Jesús sekyepetcheyo keñamak sewákxoho nahan ko'o xa sekteme señama nepyeseksa Dios énxet'ák apagkok tén han sewákxoho seklegeykegkoho xamo' kéxegke, tén han sewákxoho m'a ektémakxa nak kélwaskápeykekxoho, yakwayam enxoho alenmaxaxkohok seklegeykegkoho ko'o. Elhésekmek axta ko'o yókxexma étkok ekwesey Patmos, eñama seklegaso m'a amya'a eñama nak Dios, cham'a aptemésesama axta ekmámnaksoho Jesús.

APOCALIPSIS 3:10

Apkelanak axta exchep seltémókxa etnehek, cham'a meyensakmo nak. Ekeso eñamakxa sekmoko nak ko'o amyók xép ekwa'a sat ma'a ekhem ekyawe nenlegeykegkoho keso náxop, yakwayam enxoho keykkónek apyókxoho énxet'ák apheykha nak keso náxop.