APOCALIPSIS 2:25 - Lengua Sur (Enxet) Nuevo Testamento

²⁵ Kóltakmelches ma'a kéltémakxa nak cha'a kéxegke ekwokmoho sekwakto ko'o.

APOCALIPSIS 2:25 ပူးပေါင်းရင်းမြစ်များ

SAN JUAN 14:3

Atakhekxak sat ko'o, sat awatak makham ma'a sekpenchesa enxoho seláneso yakwánxa kólhakha kéxegke m'a néten, yakwayam enxoho anaklósawatak kéxegke, yakwayam enxoho nahan kólhakha m'a yakwánxa nak axek ko'o.

LOS HECHOS 11:28

Apkenmáha axta xama énxet Dios appeywa aplegaso, apwesey axta Agabo, yetlo Espíritu Santo apya'asáseykegkoho axta apkeltenneyncha'a peya kawa' meyk segakhe ekyókxoho yókxexma keso náxop. Temegkek axta anhan xa, cham'a aptémakxa axta wese' apwányam Claudio.

ROMANOS 12:9

Kólteme ekmámnaksoho agko' kélásekhamaxkoho. Kóltaknaw ma'a nentémakxa ekmaso nak, kóllenxanmoho kéllané m'a nentémakxa ektakmela nak.

1 CORINTIOS 11:26

Kéltokagkek agkok cha'a s'e pan nak tén han kélyenágko enxoho cha'a s'e aksok kélyeta nak egheykok, kéllegásek kéxegke m'a apketsapma axta Wese' egegkok, ekwokmoho m'a apkexyekmo sat makham.

1 CORINTIOS 4:5

Nágkólteme aksa kélyekpelchémo kélmók kéxegke amonye ekwayam ekhem nelyekpelchamáxchexa; kólleyx ewata' Wese' egegkok, kólleyx nahan enegkenekxak neyseksa elseyexma m'a aksok ekhágko nak neyseksa ekyaktesakxaxma, kólleyx nahan elyekpelchásesók kéxegke ektémakxa nak ekmámenyého kalának egwáxok. Keñe sat egkések ekpayheykekxa apwáxok Dios apyókxoho énxet ekpayhawo nak exkak xa.

1 TESALONICENSES 5:21

Kóltakmelchesho sekxo' cha'a kélyekpelchágweykmoho ekyókxoho amya'a ekxénamaxche nak ektaha eñama Dios, kólma cha'a m'a ektakmelakxa enxoho.

HEBREOS 10:23

Olwaskápekxohok hana neyseksa ektémakxa nak nelhaxneykha meyke negya'áseyam xama enxoho, cham'a magya'áseyam nenxeyenma nak ekyetna negko'o, hakte elának sat Dios ma'a ektémakxa axta sempekkencháseykekxa appeywa.

HEBREOS 3:6

Cristo aptaha nak Dios Apketche apteme melwátéseyam apkeltakmelcheso xa Dios énxet'ák apagkok nak, negko'o nenteme Dios énxet'ák apagkok, cham'a magyenseyam nak nenteme magya'áseyam, tén han magyenseyam nak ma'a ekpayheykekxa egwáxok neyseksa nelhaxneykha ekyetna nak negko'o.

HEBREOS 4:14

Jesús, Dios Apketche, apteme apkemha apmonye apagko' sempasmo sẽlmaxnéseso negko'o, cham'a apmeyeykekxo axta néten. Ekeso eñamakxa eyéméxko nak anlenxanmohok nelwaskápeykekxoho eñama m'a magya'áseyam nenxeyenma nak ekyetna negko'o.

2 SAN PEDRO 3:10

Katlakkasek sat ewatak Wese' egegkok, ektémol'a énxet apmenyexma ekpelakkaso ewa'. Keñe sat kamaskok ma'a néten yetlo ekyennakte extegyawa. Táxa sat kamasesók ekyókxoho aksok ekhéyak nak néten tén han náxop, kasawhaxkohok sat kalmétek ekyókxoho aksok

APOCALIPSIS 1:7

Apkexyekmek sat agkok Cristo neyseksa yaphopé, apyókxoho énxet sat éta', kammohok sat apweté m'a ektaha axta apkelyetxakxo; apxámokxoho énxet'ák sat kallapwomagkok apheykha nak keso náxop, ellekxagwaha sat nahan, Cristo eñamakxa. Nakso', katnehek sat.

APOCALIPSIS 22:20

Aptahak appeywa ektaha nak apxeyenma s'e: “Nakso', kaxwo' sat awata'.” Katnahagkok sat. ¡Exyem Wese' Jesús!

APOCALIPSIS 22:7

“¡Kaxwo' sat awata'! ¡Apkeleñémo sat ma'a ektaha nak apkelyaheykekxoho amya'a ekxeyenma nak yakwánxa katnehek egmonye eknaktáxesamaxko nak se'e weykcha'áhak nak!”

APOCALIPSIS 3:11

Kaxwo' sat awata'. Etakmelches xa aptémakxa nak cha'a, yakwayam enxoho méko keymentók ma'a aksok apxawé naksa nak xép.

APOCALIPSIS 3:3

Kaxén apwáxok ma'a nelxekmowásamáxche kélxekmósa axta exchep; néyensem aksa xa, eyakmagkas apwáxok ey'ókxa m'a Dios. Apténawok sat agkok xép, máxa apmenyexma sat atnehek ay'ótak xép neyseksók melhaxneykha.