APOCALIPSIS 2:21 - Lengua Sur (Enxet) Nuevo Testamento

²¹ Elháxanmeyk axta aksa ko'o katnehek megkay'áseyam Dios xa kelán'a nak, yámenyék axta eyke kayakmagkasek awáxok, yámenyék axta anhan kalwataksek elané ekmaso nentémakxa mansexta.

APOCALIPSIS 2:21 ပူးပေါင်းရင်းမြစ်များ

ROMANOS 9:22

Apmáheyok axta henxekmósek Dios ektémakxa senlegasáseykegkoho cha'a, tén han ma'a ektémakxa nak apmopwána, apkelenmáxekpók eyke yetlo mepekhésamap apkelanyo apkeltémakxa m'a énxet'ák ekpayhawo axta kóllegásesagkohok, cham'a peya axta kólmasesók.

1 SAN PEDRO 3:20

Cháxa énxet'ák apkeletsapma axta eñama melyaheykekxoho Dios nano' axta xa, cham'a aphamakxa axta Noé, cham'a apkelháxanma axta aksa nahan Dios yetlo mepekhésamap elyakmagkasek apwáxók neyseksa elánamáxche yántakpayhe, cham'a apkelwagkáseykpo axta teyp ocho énxet'ák neyseksa yegmen ekyawe.

2 SAN PEDRO 3:15

Kaxén cha'a kélwáxok senláneykencha'a aksa Wese' egegkok yetlo mepekhésamap, yakwayam enxoho hẽlwagkasek teyp. Aptáxésesegkek axta nahan kéxegke egyáxeg negásekhayo Pablo xa ektéma nak, ekhawo m'a ektémakxa nak apya'ásegwayam ektaha axta apméso Dios.

2 SAN PEDRO 3:9

Apkeneykek cha'a nápakha énxet mepekhaksek elának Wese' egegkok ma'a ektémakxa axta appekkeneykekxa appeywa, wánxa agkok, apkeláneykha akke aksa kéxegke Wese' egegkok, hakte mopmenyék kóletsapok kélxama enxoho, wánxa aksa apkepmenyého Wese' egegkok kólsawhaxkohok kéxegke kólyakmagkasek kélwáxok.

APOCALIPSIS 16:11

wánxa agkok, axta eyke elwáteságkok makham apkelané apkeltémakxa ekmaso xa énxet'ák nak, kenmexáha axta aksa apkelpakmeyesma m'a Dios apha nak néten, eñama apkellegeykegkoho ekmáske tén han eñama apkellegeykegkoho ekmáske m'a taskapma ekteyapma apyempe'ék.

APOCALIPSIS 16:9

Apsawhekpók axta énxet'ák élmeta apyempe'ék, wánxa agkok, axta eyke kalya'aweykxak apwáxók ma'a Dios, axta anhan elpeykásawók Dios. Kenmexáha axta aksa cha'a apkelpeywa Dios aptaha neykhe apmopwána emagkok xa aksok elmasagcha'a nak.