APOCALIPSIS 2:14 - Lengua Sur (Enxet) Nuevo Testamento

¹⁴ Mók xama aksok akke ektaknawasásak xép: cham'a megkólámenyého nak kólyenyekxak kélnapakha kéxegke m'a nelxekmowásamáxche eñama nak Balaam, cham'a apkeltennasama axta Balac apkeltémo elanaksek melya'asáxma énxet'ák Israel, cham'a apkelyáteyeykegkoho axta apkeltémo etawagkok nento kélméso axta kéleykmáseso, tén han apkeltémo elanagkok ma'a ekmaso nak nentémakxa mansexta.

APOCALIPSIS 2:14 ပူးပေါင်းရင်းမြစ်များ

SAN MATEO 18:7

¡Asagko agko' keso náxop ekyetnakxa nak ekxámokma aksok eláneso nak cha'a mey'asáxma énxet! Katnehek sat cha'a xa. ¡Kéxegke sat laye ektahakxa enxoho kélláneso mey'asáxma kélmók!

LOS HECHOS 15:29

nágkóltaw aksa ápetek kélméso nak kéleykmáseso, nágkóltaw nahan éma, nágkóltaw nahan ápetek ma'a aksok kéltóso kélyakhakkaso nak ayespok ekmatña, nágkóllána nahan ma'a ekmaso nak nentémakxa mansexta. Agkok kóllanak kéxegke xa, tásek sat katnehek kéltahakxa kéxegke. Tásek sat katnehek kélxega.”

LOS HECHOS 21:25

Nentáxésesek axta negko'o weykcha'áhak neltamhókxa etnahagkok ma'a énxet'ák metnaha nak judíos apteme axta melya'áseyam: megkeyméxchek etawagkok ma'a ápetek kélméso nak aksok kéleykmáseso, tén han ma'a éma, tén han metawagkek ápetek ma'a aksok kélnaktóso kélyakhakkaso nak ayespok ekmatña, kéméxchek nahan megkóllanyek ma'a ekmaso nak nentémakxa mansexta.

ROMANOS 11:9

Aptemegkek axta anhan appeywa David se'e: “Kelhanma sat katnekxak apteykegkaxa nak aptéyak tén han ma'a táma segmomol'a, yakwayam enxoho kalpelápagkasek, tén han kóllegásesagkohok.

ROMANOS 14:13

Ekeso eñamakxa megkatakmela nak antehek nelyamatcháseykha egnámokkok. Kólhésho sat mók kélwáxok yakwayam megkóllának ma'a aksok elánésamo nak mey'asáxma kélyáxeg.

ROMANOS 14:21

Tásek megkóltók ápetek tén han megkólyenek vino, tén han megkóllának ma'a xama aksok enxoho, cham'a elánésamo nak mey'asáxma egyáxeg.

ROMANOS 9:32

¿Yaksak axta ektéma? Hakte axta yásenneykekxak ma'a melya'áseyam, wánxa axta aksa apchásenneykekxo m'a aptamhéyak apancha'awo' nak. Ekeso eñamakxa elpelápagkasa axta “meteymog sempelápagkasamol'a”

1 CORINTIOS 1:23

Wánxa agkok, nenlegásek eyke negko'o m'a Mesías kélyepetchesama axta aksok ektegyéso. Cháxa ellókasa nak cha'a énxet'ák judíos xa, keñe m'a énxet'ák metnaha nak Judíos apkenagkama cha'a ekyéháxma neltenneykha;

1 CORINTIOS 7:2

Wánxa agkok, kéméxchek eyke etegyek aptáwa xama énxet, keñe nahan kategyek atáwa ma'a kelán'a, hakte yágwokmók kaxwo' ma'a ekmaso nentémakxa nak mansexta.

HEBREOS 13:4

Kólteme kélyaheykekxoho ektémakxa nak sẽlyamhopma. Kóltakmelches ma'a ektémakxa nak kélyepetcheykha kéltáwa. Hakte Dios sat eñásesagkohok ma'a ektahakxa enxoho elané ekmaso nak nentémakxa mansexta, tén han ma'a ektahakxa enxoho ektawáseykha m'a ektémakxa nak sẽlyamhopma.

1 SAN PEDRO 2:8

Temék nahan mók eknaktáxésamaxche s'e: “Cháxa meteymog peya nak kalpelápagkasek énxet'ák xa.” Kélpelápagkasek axta meteymog xa énxet'ák nak, hakte axta elyaheykekxohok ma'a ektémakxa nak amya'a eñama Dios, axta eyke kélpagkanchesók katnehek xa ektaha nak.

2 SAN PEDRO 2:15

Apkelxegáneykmek xa énxet'ák nak hakte apkelyetnakhágweykmek apkelyetlo m'a ámay ekpéwomo nak. Apkelyetleykekxeyk aptémakxa m'a Balaam aptaha axta Dios appeywa aplegaso ekmaso aptémakxa, cham'a aptaha axta Beor apketche, apmenyék axta Balaam étak selyakye eñama apkelané aksok ekmaso,

SAN JUDAS 1:11

Sagkók sat katnehek kéllegasáseykegkoho xa énxet'ák nak, hakte apkelyetleykekxek ma'a aptémakxa axta Caín. Selyakye apkelmopmenyého nahan keñamak apkelxeganeykmo, ekhawo aptémakxa axta Balaam, eletsapok sat nahan eñama apkelenmexeykha apnámokkok xa énxet'ák nak, ekhawo aptémakxa axta Coré.

APOCALIPSIS 2:20

Wánxa agkok, yetneyk eyke xama aksok sektaknawásesa exchep; cham'a apcha'awo nak ektahakxa kelán'a ekwesey nak Jezabel, ekxeyenma nak cha'a m'a eltenneykha nak ektaha eñama Dios, kelyexancháseyha eyke selásenneykha eñama m'a ektémakxa nak elxekmóso, kelánésegkek nahan ekmaso nentémakxa mansexta, keltémok nahan etawagkok ma'a nento kélméso nak kéleykmáseso.

APOCALIPSIS 2:4

Wánxa agkok, yetneyk eyke xama aksok sektaknawásesa exchep: hakte megkaxnawok xép apchásekhayo m'a ekwánxa axta sekxo' axta.

APOCALIPSIS 21:8

Keñe m'a énxet apcháyo nak aksok, tén han ma'a énxet'ak apkelyenseyam nak apteme melya'áseyam, tén han ma'a énxet'ák ekmaso nak apkeltémakxa, tén han ma'a énxet'ák apchakhamol'a pók, tén han ma'a énxet'ák ekmaso nak apkeltémakxa kalmopsexta'a, tén han ma'a énxet'ák aptamhéyak nak kelyohóxma'a, tén han ma'a énxet'ák apkelpeykesamo nak kéleykmáseso, tén han ma'a apyókxoho énxet'ák apkelmopwancha'a amya'a nak, sat kalpehemmok apkelmahéyak neyseksa aksok ánek eyálewomakxa xa énxet'ák nak, cham'a ektahakxa nak ánet nétsapma.”

APOCALIPSIS 22:15

Melántexek sat eyke m'a énxet ekmaso agko' nak apkeltémakxa apkelyetchesamakpoho nak semheg, tén han ma'a aptamhéyak nak kelyohóxma, tén han ma'a apkeláneykegko nak ekmaso apkeltémakxa kalmopsexta'a, tén han ma'a apchakhe nak pók, tén han ma'a apkelpeykesamo nak kéleykmáseso, tén han ma'a apyókxoho énxet ektaha nak ekleklamo apwáxók negmowána amya'a nak, cham'a aptamheykegko nak apkelmopwána amya'a.