APOCALIPSIS 2:11 - Lengua Sur (Enxet) Nuevo Testamento

¹¹ ¡Kéxegke ekha nak kélheyk'ák, kóleyxho ektahakxa apxeyenma Espíritu kélakneykekxexa! Enxet'ák ektahakxa enxoho apkelmalanma, mellegagkók sat ma'a ánet netsapeykekxoho nak.’

APOCALIPSIS 2:11 ပူးပေါင်းရင်းမြစ်များ

SAN MATEO 11:15

Kéxegke ekha nak kélheyk'ák, kóleyxho.

SAN MATEO 13:9

Kéxegke ektahakxa enxoho ekha kélheyk'ák, kóleyxho.”

SAN MARCOS 4:9

Aptahak axta anhan appeywa Jesús se'e: “Kéxegke ekha nak kélheyk'ák, kóleyxho.”

SAN MARCOS 7:16

Kéxegke ekha nak kélheyk'ák, kóleyxho

SAN LUCAS 8:8

Wánxa agkok, pálwokmek axta nekha aktek ektakmelakxa xóp; kektegkek axta anhan, tekkesek axta anhan ektakmela eknakxamáxche ekyexna m'a, cien aktek axta cha'a wokmok xama ekyexna.” Cháxa apxéna axta Jesús xa, keñe axta anhan aptaha apyennaktésawo appeywa s'e: “¡Kéxegke ekha nak kélheyk'ák, kóleyxho!”

APOCALIPSIS 13:9

Kélheyk'ák agkok eghak kéxegke, kóleyxho s'e:

APOCALIPSIS 2:17

¡Kéxegke ekha nak kélheyk'ák, kóleyxho aptahakxa appeywa Espíritu kélakneykekxexa! Enxet'ák ektaha nak apkelmalanma agkések sat yakwayam etawagkok maná, cham'a kélpósamo nak; agkések sat nahan meteymog ekmopé, cham'a ektáxésamaxko nak kaxwé kélwesey meyke ekya'áseyak, wánxa aksa ey'asagkohok ma'a ektahakxa enxoho apxawé.’

APOCALIPSIS 2:7

¡Kéxegke ekha nak kélheyk'ák, kóleyxho ektahakxa apxeyenma Espíritu kélakneykekxexa! Enxet'ák ektahakxa enxoho apkelmalanma, agkések sat ko'o yámet ekyexna yakwayam etawagkok, cham'a ekyennaktésamo nak egnenyek énma nak ma'a néten Dios yókxexma apagkok ektakmela.’

APOCALIPSIS 20:14

Keñe axta kélyenyawa neyseksa táxa m'a ektémakxa nak wese' nétsapma, cham'a ektahakxa nak ánet nétsapma,

APOCALIPSIS 20:6

Apkeleñémo agko' ektaha nak apmonye kélxátekháseyam eñama apteme Dios énxet'ák apagkok. Megkatnehek sat nahan ánet apkeletsapeykekxoho xa énxet'ák nak, appasmo apkelmaxnéseso Dios énxet'ák apagkok sat etnahagkok, tén han appasmo apkelmaxnéseso m'a Cristo énxet'ák apagkok, etnahagkok sat nahan kelwese'e xamo' Cristo ekweykmoho mil apyeyam.

APOCALIPSIS 21:7

Enxet ektahakxa enxoho apmalanma, exkekxak sat ekyókxoho xa aksok kélpagkancheso nak, Dios apagkok sat ko'o hetnehek xa énxet nak, keñe sat ko'o atnehek hatte xa énxet nak.

APOCALIPSIS 21:8

Keñe m'a énxet apcháyo nak aksok, tén han ma'a énxet'ak apkelyenseyam nak apteme melya'áseyam, tén han ma'a énxet'ák ekmaso nak apkeltémakxa, tén han ma'a énxet'ák apchakhamol'a pók, tén han ma'a énxet'ák ekmaso nak apkeltémakxa kalmopsexta'a, tén han ma'a énxet'ák aptamhéyak nak kelyohóxma'a, tén han ma'a énxet'ák apkelpeykesamo nak kéleykmáseso, tén han ma'a apyókxoho énxet'ák apkelmopwancha'a amya'a nak, sat kalpehemmok apkelmahéyak neyseksa aksok ánek eyálewomakxa xa énxet'ák nak, cham'a ektahakxa nak ánet nétsapma.”

APOCALIPSIS 3:12

Enxet'ák ektahakxa enxoho apkelmalanma, atnésesek sat ko'o elámha Dios tegma appagkanamap apagkok, melantépekxók sat cha'a m'a; ataxaksek sat ko'o Dios ahagkok apwesey xa énxet'ák nak, tén han ataxaksek ma'a Dios tegma apwányam apagkok nak apwesey, cham'a kaxwé Jerusalén apkeñama nak néten, apkeñama nak ma'a Dios ahagkok; ataxaksek sat nahan ko'o kaxwé sekwesey xa énxet'ák nak.

APOCALIPSIS 3:13

¡Kéxegke ekha nak kélheyk'ák, kóleyxho apxeyenma nak Espíritu kélakneykekxexa!’

APOCALIPSIS 3:5

Enxet'ák ektahakxa enxoho apkelmalanma, apkelmopé sat etnahagkok apkelnakta, mamasésesek sat nahan apkelwesey m'a weykcha'áhak eknaktáxésamaxko nak apkelwesey m'a peya nak elxawagkok elyennakte apnenya'ák, axének sat nahan ko'o selyekpelchawo nápakto' ma'a Táta, tén han nápakto' ma'a apkelásenneykha apkeleñama nak néten.

APOCALIPSIS 3:6

¡Kélheyk'ák agkok eghak kéxegke, kóleyxho apxeyenma nak Espíritu kélakneykekxexa!’