APOCALIPSIS 18:8 - Lengua Sur (Enxet) Nuevo Testamento

⁸ Ekeso eñamakxa peya nak kahapwak aksok ekmaso ektéma nak se'e: étsapma, eklegeykegkoho tén han ma'a meyk eyakhe, kawatnaxchek sat nahan neyseksa táxa; hakte apmopwána eghak ma'a Dios Wese' egegkok, aptaha nak apxeyenma yakwánxa katnehek kéllegasáseykegkoho xa.”

APOCALIPSIS 18:8 ပူးပေါင်းရင်းမြစ်များ

1 CORINTIOS 10:22

¿Neltamhok enxeykel'a anlókasek Wese' egegkok? ¿Negyeykhágweykmók enxeykel'a ekwánxa apyennakte m'a Wese' egegkok?

APOCALIPSIS 11:17

Aptahak axta apkelpeywa s'e: “Negmések negko'o ekxeyenma egwáxok xép Wese' egegkok Dios ekha nak apyennakte, apheyk makham xép, aphegkek axta nahan nano' axta, hakte apmeyk axta exchep ekyawe agko' apmopwána, apcheynawok axta nahan apteme Wese' apwányam.

APOCALIPSIS 17:16

Keñe m'a diez egkepet'ák apwet'a exchek xép tén han ma'a aksok nawhak eklo nak, cháxa peya nak kataknók ma'a kelán'a ekyakmagkáseyak nak pók énxet ekpathetéyak ektegye selyakye, kayenyók sat nahan axakko', meyke apáwa sat nahan katnésesek, katókasek sat nahan ápetek ekyókxa, kawatnekxak sat nahan neyseksa táxa.

APOCALIPSIS 17:18

Kelán'a apwet'a exchek xép, cháxa tegma apwányam apkeláneykencha'a nak apyókxoho kelwese'e apkelwányam apheykha nak keso náxop.”

APOCALIPSIS 18:17

¡Ekmanyehe agko' nahan kelmassegwokmok ektémakxa nak ekxákma aksok apagkok xa tegma apwányam nak!” Makhawók axta nahan apchánwokmok apyókxoho apkelámha apmonye'e nak apkeltamheykha yántakpayhe, tén han ma'a apkelyekwomol'a yegmen ey'aksek neyáwa yántakpayhe, tén han ma'a apkeltamheykha nak kañe' yántakpayhe, tén han ma'a apyókxoho ektaha nak apkeltamheykha neyseksa wátsam ekwányam.

APOCALIPSIS 18:19

Apkelexpakha'ak axta nahan akkatkók xóp ánek, apkellekxagweyha axta nahan, chakhak axta anhan apwáxók. Aptahak axta apkelyennaktésawo apkelpeywa s'e: “¡Xép laye tegma apwányam! temesáseykegkek nahan kelwese'e apyókxoho énxet eñama ekxákma aksok apagkok xa tegma apwányam nak cham'a énxet'ák ekha axta yántakpayhe apagkok apkeltamheykencha'a m'a wátsam ekwányam. ¡Ekmanyehe agko' nahan kélmasésakmok xa!”

APOCALIPSIS 19:3

Tamhákxeyk axta makham kélpeywa s'e: “¡Apcheymákpoho sat cha'a kóltemésesek Wese' egegkok! Megkamassegwomek sat nahan cha'a ekmaheyak néten éten agkok xa Babilonia.”