APOCALIPSIS 18:20 - Lengua Sur (Enxet) Nuevo Testamento

²⁰ Kalpayhekxa' kélwaxok kéxegke kélheykha nak néten, kélwet'a ektahakxa xa tegma apwányam nak, kalpayhekxa' nahan kélwáxok kéxegke kéltaha nak Dios énxet'ák apagkok tén han ma'a aptaha nak seykha amya'a tén han ma'a ektaha nak Dios appeywa apkellegaso, hakte aphésásók mók Dios aptemésesamakxa axta kéxegke xa tegma apwányam nak, cham'a apxéna axta Dios yakwánxa katnehek kéllegasáseykegkoho xa tegma apwányam nak.

APOCALIPSIS 18:20 ပူးပေါင်းရင်းမြစ်များ

EFESIOS 2:20

Kéxegke kélteme máxa xama tegma apkelánamapla'a néten tegma apówhak ekyennaktesol'a tegma, cham'a aptaha nak seykha amya'a, tén han ma'a énxet'ák Dios appeywa apkellegaso nak. Jesucristo eyke apteme meteymog apyennakteso xa tegma nak.

EFESIOS 3:5

Axta kólhayok elyekpelkohok énxet'ák xa amya'a ekpowásamáxkoho nak, cham'a nano' axta, wánxa agkok, apxekmósek eyke kaxwo' Dios ma'a seykha amya'a apkelpagkanamap nak, tén han ma'a énxet'ák ektaha nak apkellegaso appeywa eñama m'a Espíritu apagkok nak.

EFESIOS 4:11

Cristo axta anhan apkelmeyáseyak nápakha énxet yakwayam etnahagkok seykha amya'a, keñe axta anhan nápakha énxet'ák apkelmeyásegko yakwayam etnahagkok Dios appeywa apkellegaso, keñe axta anhan apkelmeyásegko nápakha énxet'ák yakwayam etnahagkok apkeltenneykha tásek amya'a, keñe axta anhan nápakha énxet'ák apkelmeyásegko yakwayam etnahagkok apkelmeykha apnámokkok kélakneykekxexa, tén han ma'a énxet'ák apkelxekmóso nak apnámokkok.

2 SAN PEDRO 3:2

Kaxénwakxoho kélwáxok ektémakxa axta apkelxeyenma énxet'ák ektaha axta apkellegaso Dios appeywa apkelpagkanamap nano' axta, kaxén nahan kélwáxok ma'a apkeltémókxa nak antehek Wese' egegkok segwagkasamo nak teyp, cham'a apkelxekmósama axta kéxegke énxet'ák seykha amya'a.

SAN JUDAS 1:17

Elyáxeg selásekhayo, kaxénwakxoho kélwáxok kéxegke aptemésesakxa axta Jesucristo seykha amya'a apagkok,

APOCALIPSIS 12:12

¡Kalpayhekxa' kélwáxok kéxegke kélheykha nak néten! ¡Wánxa agkok, kéxegke sat laye kélheykha nak náxop tén han ma'a ekheyak nak wátsam ekwányam, hakte weywenték kelyekhama' yetlo eklómo agko' enmexa kéxegke, ya'ásegwokmek eyéméxko antawók ekhem!”

APOCALIPSIS 18:6

Kólhésho nahan kéxegkáxa kélteméseso m'a ektemésesamakxa axta anhan kélnápakha kéxegke xa tegma apwányam nak; kólyeykhásamho kélhésamo m'a ekwánxa axta ektemésesamakxa, kólyentaxnésesho ekmáske ekya, nágkólhésho aksa m'a ekwánxa axta ekméso kélnápakha kéxegke;

APOCALIPSIS 6:10

Axta aptemék cha'a apkelyennaktésamo apkelpeywa s'e: “Wese' aptakmalma, aptaha nak han mehegyenyaweykha, ¿Yaksak sat ekhem elyekpelcháseshok xép énxet'ák apheykha nak náxop, tén han heghéseshok mók ma'a nentekyawa axta negko'o?”