APOCALIPSIS 18:1 - Lengua Sur (Enxet) Nuevo Testamento

¹ Ekwet'ak axta ko'o pók Dios apchásenneykha apweywento apkenyekto m'a néten natámen xa; kólyahakxohok agko' axta nahan ma'a, chápogwatchek axta nahan elseyexma apagkok keso náxop.

APOCALIPSIS 18:1 ပူးပေါင်းရင်းမြစ်များ

SAN LUCAS 17:24

Máxa sat katnehek takha' apkelyenma eksawheykekxohol'a elsáseykmohoxma néten, cham'a ekwokmo sat ekhem yakwánxa ewatak ma'a aptaha nak Apketche énxet.

2 TESALONICENSES 2:8

Keñe sat etyapok énxet megyéso nak yenmexmakha Dios, cham'a peya nak eyhegkesek apkennama Wese' egegkok Jesús yakhek xa énxet nak, emasesók sat, cham'a apkexyekmo sat yetlo apcheymákpoho.

APOCALIPSIS 10:1

Ekwet'ak axta ko'o pók Dios apchásenneykha ekha apyennakte, apweywentek axta apkeñama néten, neyseksa yaphopé axta apkexyekmok, pemhet axta eyke apyetnak néten apyetseksek, kelyenmawok axta m'a nápát ektémol'a ekhem elyenma, keñe axta apyay'ák ekhawo m'a táxa elakneyak la'a elálewe.

APOCALIPSIS 17:1

Ey'awak axta ko'o xama Dios apchásenneykha apkeñama nepyeseksa m'a siete Dios apkelásenneykha, cham'a apkelmeyncha'a axta siete egheykok eltakmela. Aptahak axta seyáneya s'e: “Empoho hana, axekmósek sat xép yakwánxa nak katnehek kéllegasáseykegkoho m'a kelán'a ekyakmagkáseykegko nak pók énxet ekpathetéyak ektegye selyakye, cham'a ekha nak néten yegmen.

APOCALIPSIS 17:7

Keñe axta aptaha seyáneya Dios apchásenneykha s'e: “¿Yaksak ektaha ekpelakkasa nak apwet'a? Altennaksek sat xép ektémakxa nak megkólya'áseyak ektémakxa xa kelán'a nak, altennaksek sat nahan ektémakxa xa aksok nawhak eklo eyánte nak xa kelán'a nak, cham'a siete akkatkók nak, tén han ma'a diez kepet'ák nak.

APOCALIPSIS 21:23

Axta nahan keyméxchek kalsaksek exma ekhem xa tegma apwányam nak, tén han ma'a apkelsasóxma nak pelten, hakte Dios elseyexma apagkok axta kelsasóxma xa, axta Dios chálewaso apagkok ma'a Nekkések Apketkok.