APOCALIPSIS 17:17 - Lengua Sur (Enxet) Nuevo Testamento

¹⁷ Appekkenchesek axta Dios ektémakxa apmopmenyého kalanaxchek apwáxók xa énxet'ák nak: Kaxhok sat mók apkelpakmeyesma kelwese'e apkelwányam yakwayam egkések aksok nawhak eklo m'a ektémakxa nak kélyaheykekxoho, ekwokmoho eksawhexkoho ektaha m'a apxeyenma axta katnehek Dios.

APOCALIPSIS 17:17 ပူးပေါင်းရင်းမြစ်များ

SAN LUCAS 22:22

Katnehek sat aptaha nak Apketche énxet ma'a apmáheyókxa axta etnésesek Dios, asagko' agko' sat eyke katnehek kéllegasáseykegkoho m'a énxet ektaha nak appelakkaseso apkeltémo emakpok.

SAN LUCAS 22:3

Taxneyk axta apwáxok Satanás xama Jesús apkeltámeséyak apkeñama axta nepyeseksa m'a doce nak, apwesey axta Judas Iscariote.

SAN LUCAS 22:37

Eltennásek kéxegke peya hetnehek ko'o ektémakxa nak eknaktáxésamaxche s'e: ‘Máxa énxet ekmaso aptémakxa axta kéltemésesók nepyeseksa m'a énxet'ák elmasagcha'a nak apkeltémakxa.’ Hetnehek sat ko'o m'a ekyókxoho ektémakxa nak eknaktáxésamaxche sexeyenma ko'o.

SAN JUAN 10:35

Negya'ásegkok negko'o ektémakxa nak ekpeywa eknaktáxésamaxche, yawanchek katnehek ekmowána amya'a; apxénchek nahan Dios aptaha nahan dios ma'a énxet'ák ektaha axta apkelpakhetcheso.

SAN JUAN 13:18

“Akke ko'o axénak kélyókxoho kéxegke, hakte ekya'ásegkok ko'o m'a ektaha nak selyéseykha. Megkatnehek nahan megkatné ektémakxa nak eknaktáxésamaxche s'e: ‘Etaknaweykxeyk ko'o énxet sektóko nak xamo' sekto.’

SAN JUAN 13:2

Pekkenchesek axta apwáxok Judas kelyekhama' yakwayam yának kólpelakkasesek emakpok Jesús, cham'a Judas aptaha axta Simón Iscariote apketche. Apya'ásegkok axta Jesús aptaha apkeñama m'a aphakxa nak Dios tén han peya emyekxak makham ma'a aphakxa nak Dios, apya'ásegkok axta anhan Jesús apmésama Apyap apmopwána elának ekyókxoho aksok; apkempákxeyk axta néten Jesús nekha mésa neyseksa aptéyak, aplekkek axta apchaklamap keñe axta apteta nepxet apáwa nenleklamol'a egyempehek natámen negyakpaso yegmen.

SAN JUAN 19:24

Ekeso eñamakxa aptaha axta apkelpakhetcháseykpoho sẽlpextétamo s'e: —Mólyeptek sat, antawaksek sat xama aksok, ekwatnakxa sat kamok. Cháxa ektahakxa axta ektaha m'a ektémakxa nak eknaktáxésamaxche weykcha'áhak se'e: “Apkelyapetcháseykpek selnakta, keñe aptawásegko xama aksok yakwayam emok apáwa apwenakte m'a ektahakxa enxoho apchakhémo.” Cháxa apkelánegko axta sẽlpextétamo xa.

SAN JUAN 19:28

Apya'ásegkok axta Jesús ekpenchásexko elánamáxche xa, yakwayam enxoho katnehek ma'a ektémakxa axta eknaktáxésamaxche weykcha'áhak, aptahak axta appakmétencha'a s'e: —Hem eyakhak ko'o.

2 CORINTIOS 8:16

Ekmések ko'o ekpayheykekxa ewáxok Dios, hakte apheyásók axta mók ekxeyenma egwáxok negmáheyo ampasmok kéxegke, ko'o, tén han Tito.

APOCALIPSIS 10:7

apwokmek sat agkok siete appawaso apchakkahaso m'a Dios apchásenneykha nak, keñe sat kasawhaxkohok katnehek ma'a ektémakxa nak apmopmenyého elának Dios ektaha nak ekpowásamáxkoho, ekhawo ektémakxa axta aplegaso Dios ma'a énxet'ák ektaha axta apkellegaso appeywa.”

APOCALIPSIS 15:1

Ekwet'ak axta makham ko'o mók aksok sempelakkaso agko' nak agweta' ma'a néten, cham'a aksok segyegwakkasamo nak agweta'; siete Dios apkelásenneykha axta m'a, yetlo m'a siete ektemegwánxa nak néxa aksok elmaso senlegasáseykegkoho. Cháxa ektahakxa axta ektemegwokmo néxa Dios aplo xa.

APOCALIPSIS 17:13

Hawók nahan mók elchetamso apwáxók xa diez kelwese'e apkelwányam nak yakwayam egkések aksok nawhak eklo m'a ektémakxa nak ekha apmopwancha'a, tén han ma'a ektémakxa nak kélyaheykekxoho.

APOCALIPSIS 19:9

Aptahak axta seyáneya Dios apchásenneykha s'e: “Etaxés ektéma nak se'e: ‘Apkeleñémo sat énxet ektaha nak kéláneyeykha yakwayam epásegwók Nekkések Apketkok elyamhopma.’ ” Axta nahan aptahak seyáneya s'e: “Cháxa amya'a ektaha nak ekmámnaksoho agko' eñama Dios xa.”

APOCALIPSIS 6:11

Keñe axta kélmeyásegko apkelántaxno apkelmopé, kéltennásek axta peya sekxo' makham kóllókasesek apkelyampé yakwatakxoho, ekwokmoho aptahanyekxo ekwánxa apxámokma m'a apkelyáxeg'a yakwayam nak han etekyok eñama apkelané apkeltamheykha eñama nak Cristo, ekhawo aptamheykegkaxa axta xa énxet'ák nak.