APOCALIPSIS 17:14 - Lengua Sur (Enxet) Nuevo Testamento

¹⁴ Elnapakpok sat Nekkések Apketkok xa kelwese'e nak, emalánek sat eyke Nekkések Apketkok nepyeseksa xa kelwese'e apkelwányam nak, yetlo apkelxegexma'a Nekkések Apketkok ma'a ektaha axta Dios apkelwóneykha, cham'a ektaha axta anhan Dios apkelyeseykha, cham'a meyenseyam nak han apteme melya'áseyam, hakte Nekkések Apketkok apteme Wese' nepyeseksa m'a kelwese'e nak, apteme nahan Wese' apwányam nepyeseksa kelwese'e apkelwányam nak.”

APOCALIPSIS 17:14 ပူးပေါင်းရင်းမြစ်များ

SAN MATEO 22:14

Apxámok énxet ektaha nak kéláneyeykha, apkántawók eyke m'a ektaha nak kélyéseykha.”

SAN MATEO 25:40

Keñe sat etnehek yátegmowagkok Wese' apwányam se'e: ‘Eltennásek ko'o kéxegke elyáxeg ahancha'awók meleymákpoho kéltemésesama xa ektaha nak, ko'o nahan eltemesesók xa ektaha nak.’

SAN MATEO 28:18

Apyepetchegwákxók axta Jesús xa énxet'ák nak. Aptahak axta apkeláneya s'e: —Egkések ko'o Dios yakwayam hetnehek selyaheykekxoho ekyókxoho aksok ma'a néten tén han keso náxop.

SAN JUAN 15:16

Háwe axta kéxegke selyéseykha ko'o. Ko'o axta eyke selyéseykha kéxegke, ekmések axta ko'o kéltamheykha kéxegke seltamho kólxog yakwayam kayawhok agko' kéllané aksok eltakmela eñama kéltamheykha, cham'a nentamheykha megkamassegwayam nak. Keñe sat egkések kéxegke Táta ekyókxoho aksok kélmaxneyakxa enxoho eñama ko'o sekwesey.

ROMANOS 1:6

Kélháha nahan kéxegkáxa nepyeseksa xa énxet'ák nak, kéxegke kéleñama nak tegma apwányam Roma. Apkelásekha'awok kéxegke Dios, apkelwóneyha axta anhan kéxegke peya etnésesek Jesucristo énxet'ák apagkok, tén han etnésásekxak Dios énxet'ák apagkok. Dios Egyap tén han Jesucristo, sat egkések kéxegke apméso naksa m'a ektémakxa nak segemleykekxoho, tén han meyke ektahakxa kélwáxok.

ROMANOS 8:30

Apkelwóneyha axta anhan Dios ma'a énxet'ák ektaha axta apkelpagkanma sekxo' agko'; aptemésesegkek axta anhan apkelpéwomo m'a énxet'ák ektaha axta Dios apkelwóneykha; apmések axta anhan apkeleymákpoho m'a énxet'ák ektaha axta apteméseso apkelpéwomo.

ROMANOS 8:37

Nelmalanchek eyke cha'a negko'o neyseksa ekyókxoho xa aksok nak, eñama senteméseso m'a aptaha axta segásekhayo.

1 CORINTIOS 15:24

keñe sat kawók néxa ekhem, cham'a yakwánxa sat emasésók Cristo ekyókxoho aksok kelwese'e ekha nak elmowancha'a, cham'a ekha nak han kélyaheykekxoho, tén han ma'a ekha nak elmowancha'a, cham'a yakwánxa sat nahan Cristo egkeyásekxak Dios ma'a aptémakxa nak Wese' apwányam.

1 TIMOTEO 6:15

Esawhohok sat elának Dios xa, cham'a ekwokmo sat ekhem, hakte Dios apteme apwánxa xama Wese' aptakmalma, apteme nahan Wese' apwányam nepyeseksa m'a kelwese'e apkelwányam nak keso náxop.

2 TIMOTEO 2:4

Magwetyehek xama sẽlpextétamo ényók aksa aptamheykha yakwayam elánegwók ma'a apkeltémakxal'a énxet'ák metnaha nak sẽlpextétamo, hakte megkatnehek mepeykesáseykekxa apwáxok Wese' apagkok.

1 SAN PEDRO 2:9

Kéxegke eyke kélteme énxet'ák ektaha axta Dios apkelyéseykha, kélteme anhan kélmaxnéseso Dios énxet'ák apagkok eñama apkelásenneykha m'a Wese' apwányam Dios, kélteme nahan Dios énxet'ák apagkok apkelpagkanamap, kélteme nahan énxet'ák ektaha axta Dios apkelma yakwayam etnehek énxet'ák apagkok. Temegkek kéxegke xa ektaha nak yakwayam enxoho kóllegaksek ma'a Dios aptamheykha ektakmela nak, cham'a Dios aptaha axta apkelwóneykha kéxegke yakwayam kólantépok neyseksa ekyaktésakxa exma yakwayam enxoho kólántexek ma'a neyseksa elseyexma apagkok ektakmalma nak.

APOCALIPSIS 1:5

tén han eleñama m'a Jesucristo, aptaha nak ekmámnaksoho agko' apxeyenma aptémakxa Dios, aptaha axta nahan apmonye apxátekhágwayam nepyeseksa apkeletsapma axta, aptaha nak han ekha kélyaheykekxoho nepyeseksa kelwese'e apkelwányam nak keso náxop. Egásekhayok negko'o Cristo, egmasésesek axta nahan mólya'asáxma, cham'a apyegkena axta éma apagkok,

APOCALIPSIS 11:7

Apsawhakyek sat agkok apkeltenneykha m'a amya'a eñama nak Dios, keñe sat katyapok aksok nawhak eklo eñama nak kañók agko' máxek, kanmexek sat xa énxet'ák nak, kamalánek sat nahan nepyeseksa, kalnápok sat nahan.

APOCALIPSIS 16:14

kelyekhama' axta m'a, eláneyo axta cha'a aksok sempelakkaso nak agweta', kelántekkek axta yakwayam kanchásekxak apyókxoho kelwese'e keso náxop, yakwayam enxoho elmahagkok empakháxchexa, cham'a ekwokmo enxoho ekhem apagkok ma'a Dios ekha nak apyennakte.

APOCALIPSIS 2:10

Nágyé' aksa m'a yakwánxa nak katnehek aplegeykegkoho exchep, hakte kañe' sẽlpextétamakxa sat kaxatmok kéxegke kélnápakha kelyekhama', yakwayam enxoho keykkónaxchek kéxegke m'a ektémakxa nak megkólya'áseyam; kóllegagkohok sat kéxegke ekweykmoho diez ekhem. Elenxanmoho exchep apyennaktésamo apteme mey'áseyam, nágyeyx ma'a peya enxoho emátog, agkések sat xép sekméso naksa ekyennakte apnenyek.

APOCALIPSIS 2:13

Ekya'ásegkok ko'o apha exchep ma'a ektémakxa nak wese' Satanás; wánxa agkok apkelenxáneykmok eyke exchep apxeyenma sekwesey. Axta anhan elwáteseykmok apteme mehey'áseyam ko'o, cham'a apmatña axta Antipas, aptaha axta meyenseyam aplegaso sekwesey. Axta payhok apmatñamakxa m'a tegma apwányam ektémakxa nak wese' Satanás.

APOCALIPSIS 3:21

Enxet'ák ektahakxa enxoho apkelmalanma, agkések sat ko'o yakwayam exek nekha sektáhano sekhamakxa nak, ekhawo ektémakxa axta ko'o xa sekmalanmá, ekhákxek axta m'a nekha aphamakxa nak Táta.