APOCALIPSIS 16:9 - Lengua Sur (Enxet) Nuevo Testamento

⁹ Apsawhekpók axta énxet'ák élmeta apyempe'ék, wánxa agkok, axta eyke kalya'aweykxak apwáxók ma'a Dios, axta anhan elpeykásawók Dios. Kenmexáha axta aksa cha'a apkelpeywa Dios aptaha neykhe apmopwána emagkok xa aksok elmasagcha'a nak.

APOCALIPSIS 16:9 ပူးပေါင်းရင်းမြစ်များ

SAN LUCAS 13:3

Eltennásek ko'o megkañama xa; agkok kéxegkáxa kólyakmagkásak kélwáxók, kóletsapok sat nahan kéxegkáxa.

SAN LUCAS 13:5

Eltennásek ko'o megkañama xa; agkok kólyakmagkásak kéxegkáxa kélwáxok, kóletsapok sat.”

2 CORINTIOS 12:21

Eyekak nahan ko'o hegkések sekmegkakto Wese' egegkok kéxegke eñamakxa, cham'a sektaha sat makham meyk'a kéxegke, hegkések nahan katnehek selekxagweykha eñama megkólwáteseyam kéllané megkólya'asáxma kélnápakha kéxegke, megkólwáteseykmók nahan kéllané kéltémakxa ekmanyása, tén han ma'a ekmaso kéltémakxa megkólmasexta nak, tén han megkólwateseykmo kéllané m'a aksok ekmaso kélyespagkamakxa nak.

APOCALIPSIS 11:13

Keñe axta ektepa ekyawheykha xóp ekyennakte agko', palchesakmek axta anhan nápakha tegma ekwokmo axta cha'a diez apyókxoho, siete mil axta anhan apyókxoho apkeletsapma énxet'ák. Keñe m'a ektaha axta meletsapma, apchekakxoho axta apkelpeykásawók Dios apha nak néten.

APOCALIPSIS 14:7

Aptahak axta apyennaktésawo appeywa s'e: “Kólé' hana Dios, kólteméses apcheymákpoho, wa'ak kaxwo' ekhem yakwánxa nak hẽlyekpelkoho', kólpeykesho m'a ektaha axta apkelané néten, tén han keso náxop, tén han ma'a wátsam ekwányam nak, tén han ma'a ekteyapmakxa nak yegmen.”

APOCALIPSIS 16:21

pallenteyk axta nahan yegmen elyennakte eleñama néten ekpalwa'akto énxet'ák, cuarenta kilos axta ekwánxa elyentaxno, wánxa agkok, kenmexáha axta eyke aksa cha'a apkelpeywa Dios xa énxet'ák nak, eñama m'a yegmen elyennakte ekmaso axta, hakte sagko' agko' axta m'a sẽllegasáseykegkoho nak.

APOCALIPSIS 2:21

Elháxanmeyk axta aksa ko'o katnehek megkay'áseyam Dios xa kelán'a nak, yámenyék axta eyke kayakmagkasek awáxok, yámenyék axta anhan kalwataksek elané ekmaso nentémakxa mansexta.

APOCALIPSIS 9:20

Wánxa agkok, axta eyke elwáteságkok makham apkeláneyak aksok ekmaso m'a énxet'ák ektaha axta apkeleymomap, cham'a ektaha axta meletsapma neyseksa aksok elmaso, axta nahan elwáteságkok apkelpeykesamo m'a kelyekhama', tén han ma'a apkelpeykesamo nak kéleykmáseso elánamáxche nak sawo ekyátekto elyenma, tén han ma'a sawo ekmopé nak elyenma, tén han ma'a sawo ekyátekto agko' nak elyenma, tén han ma'a meteymog nak, tén han ma'a yántéseksek nak, yawanchek kótak aksok xa kéleykmáseso nak, yawanchek nahan kaña', yawanchek nahan kaxog.