APOCALIPSIS 16:15 - Lengua Sur (Enxet) Nuevo Testamento

¹⁵ “Kóllano hana, exyekmek ko'o mehelháxanmakxoho ekhawo aptémakxal'a apmenyexma. Apkeleñémo agko' énxet ektaha nak apkelhaxneykha, tén han ma'a apkeláneykekxa nak apkelnakta yakwayam elántaxnekxa', yakwayam enxoho nahan metyesha meyke apáwa tén han megkataxchek ma'a segmegkasamo nak.”

APOCALIPSIS 16:15 ပူးပေါင်းရင်းမြစ်များ

SAN MATEO 25:13

Keñe axta anhan aptaha apkeláneya Jesús énxet'ák se'e: “Nágkólnakténho aksa kéxegke, hakte megkólya'ásegkok kéxegke ekwánxa ekhem, megkólya'ásegkok nahan ekwánxa hora.

SAN MATEO 26:41

Kólleyxmakha, nágkólnaktén, kólteme nempeywa nelmaxnagko yakwayam enxoho megkahapwék kéxegke ekyekkónma. Kélmenyék eykhe kóllának kéxegke ekpayhawo nak anlána', kélyelkáxkók eyke.

SAN MARCOS 14:38

Kólleyxmakha, nágkólnakten, kólteme nempeywa nelmaxnagko yakwayam enxoho megkahapwék kéxegke ekyekkónma, atsék eykhe kólmawho kóllának kéxegke m'a ekpayhawo nak anlana', kélyelkáxko eyke.

SAN LUCAS 21:36

Kóllánekxa kéltahakxa kéxegke, nágkólyensem kélteme nempeywa nelmaxnagko, yakwayam enxoho kólegketaxchek kéxegke neyseksa ekyókxoho xa aksok peya nak katnehek, yakwayam enxoho anhan kólchánwók nápakto' ma'a aptaha nak Apketche énxet.”

LOS HECHOS 20:31

Kólleyxmakha; kaxénwakxoho cha'a kélwáxok mayenseykmo axta seltennáseykha kélyókxoho kéxegke yetlo selekxagweykha ekweykmoho apkántanxo apyeyam, axta ayenseykmok cha'a ekyókxoho ekhem tén han ekyókxoho axta'a.

2 CORINTIOS 5:3

sat nahan hegaklaksek negko'o m'a tegma nak ektémol'a hẽlaklaksek apáwa, yakwayam enxoho mantehek meyke apáwa.

1 TESALONICENSES 5:4

Elyáxeg, akke kólháha kéxegke neyseksa ekyaktesóxma, ékeso eñamakxa peya nak metaxnegwátamok Wese' egegkok ektémol'a kóltaxnegwakxohok apmenyexma, cham'a ekwokmo sat ekhem apweyktamxa Wese' egegkok.

1 TESALONICENSES 5:6

Ekeso eñamakxa eyéméxko nak negko'o mannaktének, mantehek ma'a aptamheykegkaxa nak énxet'ák apnakteyenmo nak. Tásek mannaktének negko'o, tén han antehek ekha negya'áseykegkoho.

1 SAN PEDRO 4:7

Kólteme kéxegke kélmowána kóllanagkohok kéltémakxa, kólteme nahan cha'a ekmámnaksoho nempeywa nelmaxnagko, hakte chágketwokmek yakwánxa nak kalmassegwók ekyókxoho aksok.

2 SAN PEDRO 3:10

Katlakkasek sat ewatak Wese' egegkok, ektémol'a énxet apmenyexma ekpelakkaso ewa'. Keñe sat kamaskok ma'a néten yetlo ekyennakte extegyawa. Táxa sat kamasesók ekyókxoho aksok ekhéyak nak néten tén han náxop, kasawhaxkohok sat kalmétek ekyókxoho aksok

APOCALIPSIS 22:7

“¡Kaxwo' sat awata'! ¡Apkeleñémo sat ma'a ektaha nak apkelyaheykekxoho amya'a ekxeyenma nak yakwánxa katnehek egmonye eknaktáxesamaxko nak se'e weykcha'áhak nak!”

APOCALIPSIS 3:11

Kaxwo' sat awata'. Etakmelches xa aptémakxa nak cha'a, yakwayam enxoho méko keymentók ma'a aksok apxawé naksa nak xép.

APOCALIPSIS 3:18

Ekeso eñamakxa seltennasa nak xép seltamho etegyek sawo ekyátekto elyenma ekmomnáwa kélyamasmol'a neyseksa táxa yakwayam kólyenmaksek, eñama nak ko'o, yakwayam enxoho etnehek xép ekmámnaksoho ekxákma aksok apagkok; emenyék nahan ko'o etegyek xép aptaxno apmopé apkeñama nak ko'o, yakwayam enxoho etaxnekxa', yakwayam enxoho nahan kamaskok etnehek xép meyke apáwa segmegkasamo nak, emenyék nahan ko'o etegyek panakte eñama nak ko'o, yakwayam enxoho eltexnagkok apakta'ák keñe étekxak makháxma exchep.