APOCALIPSIS 14:8 - Lengua Sur (Enxet) Nuevo Testamento

⁸ Apxegkek axta nahan pók Dios apchásenneykha aptéteyak xa pók nak. Aptahak axta appeywa s'e: “¡Apteyekme', apteyekme' kaxwo' tegma apwányam Babilonia, cham'a aptemesáseykegko nak máxa anmenát'ák apyókxoho énxet'ák eñama m'a apkelmopmenyého nak elanagkok ekmaso nentémakxa mansexta!”

APOCALIPSIS 14:8 ပူးပေါင်းရင်းမြစ်များ

APOCALIPSIS 11:8

Kaxnagkok sat nahan aphopák ámay nepyeseksa tegma apwányam kélya'áseykegkoho nak, cham'a kélyepetchesamakxa axta anhan aksok ektegyéso Wese' apagkok, cham'a kéltéma nak Sodoma kélyetcháseykekxoho, tén han kélyetcháseykekxoho m'a Egipto.

APOCALIPSIS 16:19

Apkántanxo nápakha'a axta apyepteypok tegma apwányam, apkelyaknenágkek axta anhan tegma apwányam nak keso náxop, keñe axta ekxénwákxoho apwáxok Dios ma'a tegma apwányam Babilonia, yakwayam yagkok sẽllegasáseykegkoho eñama nak Dios ekyetchesamaxkoho nak anmen, cham'a aplawa axta.

APOCALIPSIS 17:18

Kelán'a apwet'a exchek xép, cháxa tegma apwányam apkeláneykencha'a nak apyókxoho kelwese'e apkelwányam apheykha nak keso náxop.”

APOCALIPSIS 19:2

hakte ekpéwomo agko' cha'a katnehek apyekpelchémo m'a Dios, ekmámnaksoho nahan cha'a katnehek; hakte apxénchek axta yakwánxa katnehek aplegasáseykegkoho m'a kelán'a ekyakmagkáseyak nak pók énxet ekpathetéyak ektegye selyakye, cham'a, ektawáseykencha'a axta keso náxop eñama m'a ektémakxa axta kamasexta; axta aphésásók mók Dios ma'a aptekyawa axta énxet'ák apagkok, cham'a aplegasásegkoho axta xa kelán'a nak.”