APOCALIPSIS 14:7 - Lengua Sur (Enxet) Nuevo Testamento

⁷ Aptahak axta apyennaktésawo appeywa s'e: “Kólé' hana Dios, kólteméses apcheymákpoho, wa'ak kaxwo' ekhem yakwánxa nak hẽlyekpelkoho', kólpeykesho m'a ektaha axta apkelané néten, tén han keso náxop, tén han ma'a wátsam ekwányam nak, tén han ma'a ekteyapmakxa nak yegmen.”

APOCALIPSIS 14:7 ပူးပေါင်းရင်းမြစ်များ

SAN MATEO 25:13

Keñe axta anhan aptaha apkeláneya Jesús énxet'ák se'e: “Nágkólnakténho aksa kéxegke, hakte megkólya'ásegkok kéxegke ekwánxa ekhem, megkólya'ásegkok nahan ekwánxa hora.

SAN LUCAS 17:18

¿Wánxaya aksa apkexyekmo s'e énxet apkeñama nak mók nekha yakwayam egkések ekpayheykekxa apwáxok Dios?

LOS HECHOS 14:15

—Enxet'ák, ¿Yaksak ektaha kéltaha nak xa? Enxet negko'o, neghawo negko'o kéxegke. Axta keñamak nelwa'a negko'o neltamho kólyenyók xa ektémakxa nak kélpeykesamo ektaha nak mékoho, neltamhok negko'o kóltemekxa megkólya'áseyam Dios aptaha nak memassegwayam, aptaha axta apkelané néten, tén han keso náxop, tén han ma'a wátsam ekwányam, tén han ekyókxoho aksok ekheykegko nak.

1 SAN PEDRO 4:7

Kólteme kéxegke kélmowána kóllanagkohok kéltémakxa, kólteme nahan cha'a ekmámnaksoho nempeywa nelmaxnagko, hakte chágketwokmek yakwánxa nak kalmassegwók ekyókxoho aksok.

APOCALIPSIS 11:13

Keñe axta ektepa ekyawheykha xóp ekyennakte agko', palchesakmek axta anhan nápakha tegma ekwokmo axta cha'a diez apyókxoho, siete mil axta anhan apyókxoho apkeletsapma énxet'ák. Keñe m'a ektaha axta meletsapma, apchekakxoho axta apkelpeykásawók Dios apha nak néten.

APOCALIPSIS 11:18

Apkellókek axta apyókxoho énxet'ák apheykha nak ekyókxoho yókxexma, wánxa agkok, wa'ak eyke exchep aplo, cham'a yakwánxa nak xép elyekpelkohok ma'a énxet'ák apkeletsapma axta; egkések sat nahan aksok apméso naksa m'a énxet'ák ektaha axta apkellegaso xép appeywa, tén han ma'a ektaha nak xép énxet'ák apagkok apkelpagkanamap tén han ma'a énxet apteme nak cha'a apcháyo exchep apwesey, apkelwányam, tén han ma'a meyke kéláyo nak, emasesók sat nahan xép ma'a énxet'ák ektaha nak aptawáseykha keso naxop.”

APOCALIPSIS 15:4

¿Wese', yaksak sat megkakyek xép? ¿Yaksak sat megkaltemésesek apcheymákpoho? Xép apwánxa apagkok aptakmalma apagko'; apyókxoho pók aptémakxa énxet'ák sat elxegma, elpeykeshok sat nahan xép. Hakte wetáxchek axta exchep ma'a ektémakxa nak aptamheykha ekpéwomo.”

APOCALIPSIS 16:9

Apsawhekpók axta énxet'ák élmeta apyempe'ék, wánxa agkok, axta eyke kalya'aweykxak apwáxók ma'a Dios, axta anhan elpeykásawók Dios. Kenmexáha axta aksa cha'a apkelpeywa Dios aptaha neykhe apmopwána emagkok xa aksok elmasagcha'a nak.

APOCALIPSIS 18:10

Makhawók sat yekhegwók eñama apkeye m'a ektahakxa kéllegasáseykegkoho. Sat etnehek elpakmétek se'e: “¡Xép laye tegma apwányam Babilonia, tegma apwányam apyennakte, pelakkásók agko' nahan ekwa'a kéllegasáseykegkoho.”

APOCALIPSIS 18:17

¡Ekmanyehe agko' nahan kelmassegwokmok ektémakxa nak ekxákma aksok apagkok xa tegma apwányam nak!” Makhawók axta nahan apchánwokmok apyókxoho apkelámha apmonye'e nak apkeltamheykha yántakpayhe, tén han ma'a apkelyekwomol'a yegmen ey'aksek neyáwa yántakpayhe, tén han ma'a apkeltamheykha nak kañe' yántakpayhe, tén han ma'a apyókxoho ektaha nak apkeltamheykha neyseksa wátsam ekwányam.

APOCALIPSIS 18:19

Apkelexpakha'ak axta nahan akkatkók xóp ánek, apkellekxagweyha axta nahan, chakhak axta anhan apwáxók. Aptahak axta apkelyennaktésawo apkelpeywa s'e: “¡Xép laye tegma apwányam! temesáseykegkek nahan kelwese'e apyókxoho énxet eñama ekxákma aksok apagkok xa tegma apwányam nak cham'a énxet'ák ekha axta yántakpayhe apagkok apkeltamheykencha'a m'a wátsam ekwányam. ¡Ekmanyehe agko' nahan kélmasésakmok xa!”

APOCALIPSIS 19:5

Legáxchek axta kélpeywa eñama m'a ekyetnakxa axta taháno ektakmalma. Entahak axta amya'a s'e: “¡kólteméses apcheymákpoho Dios egagkok kélyókxoho kéxegke, apketkók tén han ma'a apkelwányam nak, tén han kéxegkáxa kéllané nak kéltamheykha eñama nak Dios, kéltaha nak han cha'a kéláyo!”

APOCALIPSIS 4:11

“Payhawók kóltemésesek Xép apcheymákpoho, Wese' egegkok Dios, tén han kóltehek kéláyo, payhawók nahan keytek ma'a apmopwána, hakte apkelanak axta exchep ekyókxoho aksok; Xép apmopmenyého axta keñamak ekheykegko ekyókxoho aksok, tén han elánamáxko.”

APOCALIPSIS 4:9

Apkeltemésesek agkok cha'a apcheymákpoho Dios xa énxet'ák apkeleñama nak néten, etnehek nahan cha'a apcháyo, egkéshok nahan cha'a ekpayheykekxa apwáxók Dios, cham'a apha nak néten aptaháno ektakmalma, cham'a apha nak han megkatnegwayam enéxa, keñe cha'a eltekxeyagkok aptapnák nápakto' Dios xa veinticuatro apkelámha apmonye'e nak, elpeykeshok nahan cha'a, ekxeygkok nahan cha'a apkelatcheso apkatkók eltakmela apmonye aphamakxa m'a Dios, etnehek nahan cha'a apkelpeywa s'e:

APOCALIPSIS 8:10

Apkántanxo axta aptahak appawaso apchakkahaso Dios apchásenneykha, keñe axta apteyekmo yaw'a apwányam apkeñama néten, apchalewánteyk axta eyke, máxa axta aptahak ma'a táxa kélmeykhal'a, mók xam'a wátsam axta aptégwokmok, tén han ma'a ekteyapmakxal'a yegmen.