APOCALIPSIS 13:15 - Lengua Sur (Enxet) Nuevo Testamento

¹⁵ Xakak axta ekmowána xa mók aksok nawhak eklo ekteyapma axta axayo', yakwayam enxoho kawátekhápok xa kéleykmáseso kélheyaseykegkoho nak émha amonye aksok nawhak eklo, yakwayam enxoho kapakmétek xa kéleykmáseso nak, tén han kának etekyók ma'a apyókxoho énxet ektaha nak melpeykesamo xa kéleykmáseso nak.

APOCALIPSIS 13:15 ပူးပေါင်းရင်းမြစ်များ

SANTIAGO 2:26

Ekhawo ektémakxa nak han negyókxa meyke espíritu, étsapma katnehek, étsapma nahan katnehek magya'áseyam megkeypetcha'a enxoho m'a nenlané nak nentamheykha.

APOCALIPSIS 13:1

Ekwet'ak axta ko'o ektepa aksok nawhak eklo neyseksa wátsam ekwányam, siete axta ekyókxoho akkatkók keñe axta diez ekyókxoho m'a kepet'ák. Etcheso akkátek axta cha'a eghak ma'a ekyókxoho kepet'ák nak, yetnegkek axta nahan kéltáxeso ekwanyémo Dios ma'a akkatkók nak.

APOCALIPSIS 13:12

Hawók axta ektémakxa kélyaheykekxoho m'a émha amonye aksok nawhak eklo nak, cham'a ekyepetcha'awo enxoho mók, keltemók axta nahan elpeykeshok apyókxoho énxet apheykha nak náxop xa émha amonye aksok nawhak eklo nak, cham'a ektakmelákxo axta aksa ekyensé ekyawe.

APOCALIPSIS 13:14

Axta keñamak elyexancháseyncha'a apyókxoho énxet'ák apheykha nak keso náxop eñama m'a aksok sempelakkaso nak agweta', cham'a kélhayo axta kalának keto' ekyagkakxa m'a émha amonye aksok nawhak eklo nak, keltamhok axta nahan kalanaxchek kéleykmáseso ekhawo xa émha amonye aksok nawhak eklo nak, cham'a ekyáktama nak makham, ñekhe m'a kélyetxakxama nak sókwenakte kélyensasama.

APOCALIPSIS 14:11

Néten cha'a kamhagkok éten agkok kéllegasáseykegkoho ekmaso agko' xa énxet'ák nak, megkatnegwayam enéxa, megkalyetyapagkek nahan cha'a kéllegasáseykegkoho énxet'ák apkelpeykesamo nak aksok nawhak eklo, tén han ma'a apkelpeykesamo nak kéleykmáseso kélheyáseykegkoho nak, cham'a énxet'ák kélkaháseyak nak ekwesey aksok nawhak eklo, yókxoho ekhem, tén han yókxoho axta'a cha'a katnehek kéllegasáseykegkoho.”

APOCALIPSIS 14:9

Apxegkek axta anhan pók Dios apchásenneykha aptéteyak xa pók nak, aptahak axta anhan apyennaktésawo appeywa s'e: “kelpeykásawok agkok ma'a aksok nawhak eklo nak, tén han kélpeykásó enxoho m'a kéleykmáseso kélheyáseykegkoho nak aksok nawhak eklo, tén han ma'a ektahakxa enxoho apchahayo kapekkenek elkahaso ekpayhakxa nápát esenhan ma'a apmek,

APOCALIPSIS 16:2

Apxegkek axta apmonye xama Dios apchásenneykha, apyegkenchek axta nahan sẽllegasáseykegkoho keso náxop. Tekkek axta anhan taskapma ekmáske agko' apyempe'ék apyókxoho m'a énxet ekyetna axta aksok nawhak eklo elkahaso, tén han ma'a apkelpeykesamo axta cha'a kéleykmáseso kélheyáseykegkoho nak.

APOCALIPSIS 16:5

Keñe axta sekleg'a ko'o appeywa Dios apchásenneykha ektaha nak aptakmelcheso yegmen. Aptahak axta s'e: “Xép apteme appéwomo eñama apyekpelchásesamo xa ektaha nak, Xép O Dios aptakmalma, apha nak kaxwo', tén han ma'a aphama axta nahan nano' axta,

APOCALIPSIS 17:14

Elnapakpok sat Nekkések Apketkok xa kelwese'e nak, emalánek sat eyke Nekkések Apketkok nepyeseksa xa kelwese'e apkelwányam nak, yetlo apkelxegexma'a Nekkések Apketkok ma'a ektaha axta Dios apkelwóneykha, cham'a ektaha axta anhan Dios apkelyeseykha, cham'a meyenseyam nak han apteme melya'áseyam, hakte Nekkések Apketkok apteme Wese' nepyeseksa m'a kelwese'e nak, apteme nahan Wese' apwányam nepyeseksa kelwese'e apkelwányam nak.”

APOCALIPSIS 17:17

Appekkenchesek axta Dios ektémakxa apmopmenyého kalanaxchek apwáxók xa énxet'ák nak: Kaxhok sat mók apkelpakmeyesma kelwese'e apkelwányam yakwayam egkések aksok nawhak eklo m'a ektémakxa nak kélyaheykekxoho, ekwokmoho eksawhexkoho ektaha m'a apxeyenma axta katnehek Dios.

APOCALIPSIS 17:6

Keñe axta sekwet'a ko'o ekyeykesáxma kelán'a m'a Dios énxet'ák apagkok éma apagkok nak ektémol'a hegakhek anmen, tén han éma apagkok ma'a énxet'ák ektaha axta aptekyawa eñama melyenseyam apteme melya'áseyam Jesús. Etlakkasek axta ko'o sekwet'a xa.

APOCALIPSIS 18:20

Kalpayhekxa' kélwaxok kéxegke kélheykha nak néten, kélwet'a ektahakxa xa tegma apwányam nak, kalpayhekxa' nahan kélwáxok kéxegke kéltaha nak Dios énxet'ák apagkok tén han ma'a aptaha nak seykha amya'a tén han ma'a ektaha nak Dios appeywa apkellegaso, hakte aphésásók mók Dios aptemésesamakxa axta kéxegke xa tegma apwányam nak, cham'a apxéna axta Dios yakwánxa katnehek kéllegasáseykegkoho xa tegma apwányam nak.

APOCALIPSIS 18:24

Hakte wetáxchek axta Dios appeywa apkellegaso éma apagkok xa tegma apwányam nak, cham'a ektaha axta Dios énxet'ák apagkok, tén han ma'a apyókxoho ektaha axta aptekyawa keso náxop.

APOCALIPSIS 19:20

Máxchek axta xa aksok nawhak eklo nak, máxkók axta xamo' ma'a ektaha axta apkellegaso amya'a megkamámnaksoho nak, cham'a, apkeláneykegko axta cha'a aksok sempelakkaso nak agweta' nakto' xa aksok nawhak eklo nak. Apkelyexancháseykha axta énxet'ák xa ektaha nak apkellegaso amya'a megkamámnaksoho, eñama apkeláneyak ma'a aksok sempelakkaso nak agweta'. Axta apkelyexancháseyha m'a énxet'ák apchahayo axta keytek aksok nawhak eklo elkahaso, cham'a apkelpeykesamo axta kéleykmáseso kélheyáseykegkoho nak aksok nawhak eklo. Keñe axta kélyenyawa yetlo akta'ák neyseksa táxa xa aksok nawhak eklo nak, tén han yetlo apakta'ák ma'a ektaha axta apkellegaso amya'a megkamámnaksoho, cham'a eyálewomakxa nak táxa yetlo m'a aksok ánek eyálewomol'a.

APOCALIPSIS 20:4

Ekwet'ak axta ko'o taháno ektakmalma yetlo apheykha néten ma'a apkelxawágko axta kélyaheykekxoho yakwayam etnehek apkelyekpelchémo apyókxoho énxet'ák. Ekwet'ak axta nahan ko'o aphagák ma'a ektaha axta kélyaktencháseyak apyespa'ák eñama meyenseyam apkeltenneykha Jesús apwesey tén han ma'a amya'a eñama nak Dios. Axta elpeykesamok aksok nawhak eklo xa énxet'ák nak, axta nahan elpeykesamok ma'a kéleykmáseso kélheyásekegkoho nak aksok nawhak eklo, axta nahan yahayók keytek elkahaso aksok nawhak eklo m'a ekpayhakxa nápát, esenhan ma'a apmek. Ekwet'ak axta nahan ko'o apnakxétekhágwokmo xa énxet'ák nak. Kelwese'e axta aptamhágkok xamo' Cristo ekweykmoho mil apyeyam.