APOCALIPSIS 13:10 - Lengua Sur (Enxet) Nuevo Testamento

¹⁰ “Enxet eyéméxko nak kólhésók sẽlpextétamakxa, kólhésók sat sẽlpextétamakxa; keñe m'a eyéméxko nak kólyakténchesagkok apyespa'ák sókwenakte, kólyakténchesagkok sat apyespa'ák etekyók.” Sat kataxchek ektémakxa nak apkelenmáxamákpoho Dios énxet'ák apagkok apkelpagkanamap xa, tén han ma'a ektémakxa nak melya'áseyam.

APOCALIPSIS 13:10 ပူးပေါင်းရင်းမြစ်များ

SAN MATEO 26:52

Aptahak axta apcháneya Jesús se'e: —Yakxegkásekxa axagkok sókwenakte apagkok, hakte apyókxoho énxet ektaha nak apkelmeykha sókwenakte apkennapmap, sókwenakte nahan kannápok.

SAN MATEO 7:2

Hakte sat nahan exnéshok Dios apteme apyekpelchémo kéxegke m'a ekwánxa enxoho kélteme kélyekpelchémo kélmók; sat nahan exnéshok Dios apkelyetsáteyak kéltémakxa kéxegke m'a ekwánxa enxoho kélyetsáteyak aptémakxa kélmók.

SAN LUCAS 21:19

¡Kóllenxanmoho kélyennaktésamo kélteme megkólya'áseyam yakwayam enxoho kólewának kólwagkasaxchek teyp!

COLOSENSES 1:11

Nelmaxnakkek negko'o Dios neltamho etnésesek kéxegke ekha kélyennakte eñama m'a apmopwána eyeymáxkoho nak; yakwayam enxoho kólewának kólenmaxaxkohok kéxegke ekyókxoho aksok, yetlo kélwaskápeykekxoho tén han kéllenxányam,

HEBREOS 6:12

Móltamhok negko'o kóltehek kéxegke megkólmámenyého kóltemeykha, wánxa agkok kólyetlakxa apkeltémakxa m'a énxet'ák apkelxaweykegko nak ma'a aksok kélpagkancheso axta, cham'a apxeyenma axta elmésagkok Dios, eñama m'a apteme nak melya'áseyam Dios, tén han eñama m'a ektémakxa nak apkelenxáneykmoho.

APOCALIPSIS 1:9

Ko'o Juan sektaha nak may'áseykmoho xamo' kéxegke Cristo, Jesús sekyepetcheyo keñamak sewákxoho nahan ko'o xa sekteme señama nepyeseksa Dios énxet'ák apagkok tén han sewákxoho seklegeykegkoho xamo' kéxegke, tén han sewákxoho m'a ektémakxa nak kélwaskápeykekxoho, yakwayam enxoho alenmaxaxkohok seklegeykegkoho ko'o. Elhésekmek axta ko'o yókxexma étkok ekwesey Patmos, eñama seklegaso m'a amya'a eñama nak Dios, cham'a aptemésesama axta ekmámnaksoho Jesús.

APOCALIPSIS 11:18

Apkellókek axta apyókxoho énxet'ák apheykha nak ekyókxoho yókxexma, wánxa agkok, wa'ak eyke exchep aplo, cham'a yakwánxa nak xép elyekpelkohok ma'a énxet'ák apkeletsapma axta; egkések sat nahan aksok apméso naksa m'a énxet'ák ektaha axta apkellegaso xép appeywa, tén han ma'a ektaha nak xép énxet'ák apagkok apkelpagkanamap tén han ma'a énxet apteme nak cha'a apcháyo exchep apwesey, apkelwányam, tén han ma'a meyke kéláyo nak, emasesók sat nahan xép ma'a énxet'ák ektaha nak aptawáseykha keso naxop.”

APOCALIPSIS 14:12

Sat kañék ekwetamaxche ektémakxa nak apkelwaskápeykekxoho Dios énxet'ák apagkok apkelpagkanamap nak, cham'a melwateseyam nak apkelané apkeltémókxa nak antehek Dios, cham'a meyenseyam nak han apteme mey'áseyam Jesús.

APOCALIPSIS 16:6

hakte apyegkenchesegkek axta éma apagkok, xép énxet'ák apagkok xa énxet'ák nak, apyegkenchesegkek axta nahan éma apagkok ma'a énxet'ák ektaha nak apkellegaso xép appeywa. Kaxwo' eyke, apkelágkek xép éma xa énxet'ák nak, hakte payhawok elagkok.”

APOCALIPSIS 17:11

Cháxa aksok nawhak eklo ekyáktama axta nano' xa, cham'a ekmassama nak nahan ekyákto, cháxa aptemegwánxa nak ocho apyókxoho kelwese'e apkelwányam xa; akke nahan apkeñamak nepyeseksa m'a siete kelwese'e apkelwányam nak, cham'a apmahágko nak yakwánxa kólmasesamhok agko'.

APOCALIPSIS 17:8

Yáktegkek axta nano' xa aksok nawhak eklo apwet'a exchek xép, massegkek eyke kaxwo' ekyákto, kañe' máxek ekmatawóneg sat eyke kañentak katyapok amonye ekmaheyak ma'a yakwánxa nak kólmasesamhok agko'. Katlakkasek sat étak énxet'ák apheykha nak keso náxop, cham'a megkanaktáxesamaxko nak apkelwesey weykcha'áhak ekyennaktésamo nak egnenyek eyeynamókxa m'a sekxo' elánamáxko keso náxop, cham'a apwet'a sat xa aksok nawhak eklo ekyáktama axta nano' axta, massegkek eyke kaxwo' ekyákto, wánxa agkok kawatak sat eyke makham.

APOCALIPSIS 2:19

Ekya'ásegkok ko'o ekyókxoho aksok apkelané nak xép; ekya'ásegkok ma'a ektémakxa nak apchásekhayo, tén han ma'a ektémakxa nak mey'áseyam, tén han ma'a ektémakxa nak aptamheykha, tén han ma'a ektémakxa nak apkelenxáneykmoho, ekya'ásegkok nahan ekxáma aksok apkelané kaxwo' nak, megkaxnawok ma'a sekxo' axta.

APOCALIPSIS 2:2

Ekya'ásegkok ko'o ekyókxoho aksok apkelané nak xép, ekya'ásegkok nahan ma'a ektémakxa nak aptamheykha ekyentaxno, ekya'ásegkok nahan ma'a ektémakxa nak apkelenxányam, ekya'ásegkok nahan megkalcha apwáxok xép ma'a énxet'ák ekmaso nak apkeltémakxa, ekya'ásegkok nahan apkelanawo apkeltémakxa exchep ma'a énxet'ák apkeltemesásamap nak seykha amya'a, wánxa agkok háwe eyke nakso', apwet'ak axta exchep aptaha apkelmopwancha'a amya'a xa énxet'ák nak.

APOCALIPSIS 3:10

Apkelanak axta exchep seltémókxa etnehek, cham'a meyensakmo nak. Ekeso eñamakxa sekmoko nak ko'o amyók xép ekwa'a sat ma'a ekhem ekyawe nenlegeykegkoho keso náxop, yakwayam enxoho keykkónek apyókxoho énxet'ák apheykha nak keso náxop.

APOCALIPSIS 3:3

Kaxén apwáxok ma'a nelxekmowásamáxche kélxekmósa axta exchep; néyensem aksa xa, eyakmagkas apwáxok ey'ókxa m'a Dios. Apténawok sat agkok xép, máxa apmenyexma sat atnehek ay'ótak xép neyseksók melhaxneykha.