APOCALIPSIS 12:9 - Lengua Sur (Enxet) Nuevo Testamento

⁹ Kéltekkesek axta yéwa ekwányam ma'a néten, cham'a nano' yéwa eltamhomaxko nak kelyekhama', ekwesey nak Satanás, cham'a elyexancháseykencha'a nak cha'a apyókxoho énxet'ák keso náxop. Kélyenyenteyk axta yéwa ekwányam keso náxop yetlo elásenneykha.

APOCALIPSIS 12:9 ပူးပေါင်းရင်းမြစ်များ

SAN MATEO 13:39

keñe apkenmexma ektaha nak apkeneykekxa menóke ekyetchesamaxkoho m'a kelyekhama'. Keñe m'a eknakxamáxche nak ekyexna ekyetchesamaxkoho m'a ektemegwánxa sat néxa ekhem, Dios apkelásenneykha m'a ektaha nak apnakxo ekyexna.

SAN MATEO 24:24

Hakte elwak sat énxet'ák apkeltemesásamap nak Mesías, tén han ma'a Dios appeywa apkellegaso apkelmopwána amya'a nak; elának sat nahan aksok magkenatcheso agko' nak agweta', tén han ma'a sempelakkaso nak agweta', yakwayam enxoho elyexanchesha énxet'ák, kawomhok sat nahan apkelyexancháseykha m'a ektaha nak Dios apkelyéseykha, apkepwagko enxoho.

SAN MATEO 25:41

“Keñe sat etnehek yának Wese' apwányam ma'a apheykha nak ekpayhókxa nepsagkalwa: ‘Kólmohok kéxegke mók nekha cháxa eyéméxko nak kóllegásesagkohok; kólmohok ma'a megkaspóneykxa nak táxa kéllánesamakxa axta kelyekhama' tén han ma'a elásenneykha.

SAN MATEO 4:1

Apyentegkek axta Espíritu Jesús yókxexma meykexa énxet yakwayam enxoho keykkónek kelyekhama', natámen xa.

SAN MATEO 4:10

Aptahak axta apchátegmowágko Jesús se'e: —Kaxeg, kelyekhama', hakte entemék eknaktáxésamaxche weykcha'áhak se'e: ‘Kólpeykesho Dios Wese' egegkok, kólteme wánxa kéláyo m'a.’

SAN MATEO 4:5

Keñe axta ekyentamákxo Jesús kelyekhama' m'a tegma apwányam aptakmela nak Jerusalén, kenátchesákxeyk axta ektahakxa nak netno' agko' tegma appagkanamap.

SAN MATEO 4:8

Yentamákxeyk axta makham Jesús kelyekhama' xama egkexe ektahakxa axta netno' agko'. Xekmósek axta ekyókxoho apkelókxa keso náxop, tén han ma'a ektémakxa nak eltakmalma apkelókxa.

SAN LUCAS 10:18

Aptahak axta apkeláneya Jesús se'e: —Nakso', ekwet'ak axta ko'o Satanás ekteyekmo eñama néten, máxa axta entahak takha' apkelyenmal'a.

SAN LUCAS 13:16

Hakte Abraham aptáwen neptámen se'e kelán'a nak, dieciocho apyeyam nahan weykmok ekteméseso Satanás xa ektémakxa nak ekháxamáxche. Payhawók agmasésesek ektémakxa ekháxamáxche ekhem nellókasamakxa nelyampé xa kelán'a nak.

SAN LUCAS 22:3

Taxneyk axta apwáxok Satanás xama Jesús apkeltámeséyak apkeñama axta nepyeseksa m'a doce nak, apwesey axta Judas Iscariote.

SAN LUCAS 22:31

Aptahak axta anhan Wese' egegkok se'e: Simón, elano, amenyék Satanás kaxkak yakwayam kalyawhésha kéxegke ektemésesamol'a exchahayam hótahap;

SAN LUCAS 8:12

keñe m'a aktek ekpálwayam axta ámay awáxok ekyetchesamaxkoho énxet'ák apkellegé nak Dios appeywa, keñe kawak kelyekhama', kalekkesek ma'a amya'a kélpekkencheso nak apwáxók, yakwayam enxoho elya'asók, keñe anhan melwagkasakpek teyp.

SAN JUAN 12:31

Peyk kaxwo' kóltehek kélyekpelchémo apyókxoho énxet apheykha nak keso náxop, peyk nahan kaxwo' kóltekkesek ektéma nak wese' keso náxop.

SAN JUAN 14:30

“Malenxanmagkók sat selpakhetcheso kéxegke, hakte xegakmek ma'a ektaha nak wese' keso náxop. Méko eykhe ekmowána hélának ko'o,

SAN JUAN 16:11

kataxchek sat nahan kaxkak Dios apyekpelchásesamo m'a ektaha nak wese' keso náxop, cham'a ektéma axta eksexnánémaxche sekxo' agko'.

SAN JUAN 8:44

Kelyekhama' kélyap kéxegke; cha'a kéleñamak kéxegke m'a, kóllenxanmok nahan cha'a kóllának eyámenyéxa enxoho kóllának ma'a. Ekyetno ekyógkexma axta entemék kelyekhama' sekxo' agko'. Megkameykha cha'a m'a amya'a ekmámnaksoho nak, megkatnehek nahan cha'a ekmámnaksoho ekpeywa. Temék agkok cha'a ekmowána amya'a, katnehek cha'a m'a ektémakxal'a cha'a; hakte ekmowána amya'a m'a, cha'a keñamak negmowána amya'a m'a.

LOS HECHOS 26:18

Eyáphásek xép nepyeseksa xa énxet'ák nak, yakwayam enxoho elyekpelchásesamhok, tén han kamaskok apkelteyáseyncha'a ekyaktesakxaxma, wánxa aksa elteyésha m'a neyseksa elseyexma nak, yakwayam enxoho anhan kamaskok ekyetna ekmowána Satanás nepyeseksa xa énxet'ák nak, wánxa aksa elyetlakxak ma'a Dios; yakwayam enxoho etnahagkok mehey'áseyam ko'o, keñe anhan elxawagkok ma'a meyakmagkáseykekxa nak Dios apkeltémakxa melya'asáxma, tén han exkak yakwayam epáxakwók ma'a Dios énxet'ák apagkok apkelpagkanamap nak.

LOS HECHOS 5:3

Aptahak axta Pedro s'e: —Ananías, ¿yaksak ektaha ektaxna nak apwáxok xép Satanás temésesek apmopwána amya'a exchep, apkelyexancháseyha m'a Espíritu Santo, apmákxeyk xép nekha selyakye kélyanmagkaseso axta apyamasma xóp apagkok?

ROMANOS 16:18

hakte meláneykegkok ma'a nentamheykha eñama nak Wese' egegkok Jesucristo, aptamhéyak apancha'awo' aksa aptamheykegkok, tásek nahan katnehek apkelpeywa, keylkaxkohok nahan cha'a apkelpeywa elyexanchesha énxet'ák ekmanyehe nak étlakxak kéltemésesakxa.

ROMANOS 16:20

keñe sat kañehémhok etnesásekxak Dios kónegók agko' Satanás, keñe sat kéxegke kóltemekxak néten, cham'a Dios aptaha nak segméso meyke ektahakxa egwáxok. Wese' egegkok Jesús sat epasmok kéxegke.

2 CORINTIOS 11:14

Magkenatchesek eyke negko'o, hakte kaxnésaxkohok cha'a Satanás ma'a Dios apchásenneykha ekha nak elseyexma apagkok.

2 CORINTIOS 11:3

Wánxa agkok, eyekak ko'o kólyexanchesha nahan kéxegkáxa, ekhawo ektémakxa axta elyexancháseykencha'a yéwa ekha ekya'áseykegkoho Eva, eyekak nahan ko'o kólyensók ma'a ektémakxa nak megkólyenseyam ektakmela ekxeyenma kélwáxok ma'a Cristo.

2 CORINTIOS 12:7

yakwayam enxoho megkayeykhagkók ekxeyenma apwáxok énxet yának atnahak ko'o m'a maxnawo nak ko'o, eñama sexekmóso Dios ma'a aksok ektakmela agko' nak. Ekeso eñamakxa seklegágkoho axta ko'o ektémol'a hegakhek am'ák, máxa axta entahak Satanás ekmeykha ekwa'a setwásegkoho ko'o, yakwayam enxoho megkayeykhagkók ekxeyenma ewáxok ko'o wának atnahak ma'a maxnawo nak.

2 CORINTIOS 2:11

Keñe sat yawanchek henlának negko'o Satanás, hakte tásók agko' negya'áseyak negko'o m'a ektémakxa nak.

2 CORINTIOS 4:4

Apkelya'ásekmek cha'a xa énxet'ák nak, hakte meyke apakta'ák temésesók ma'a dios ektaha nak eláneykha keso náxop, yakwayam enxoho melwetyehek ma'a tásek amya'a elseyexma agkok eñama nak ma'a Cristo ekha nak apcheymákpoho, aptaha nak aphémo apagko' ma'a Dios.

EFESIOS 4:14

Mantehek sat kaxwo' negko'o máxa sakcha'a, ekmanyehel'a kayakmagkasek ektahakxa elchetamso awáxok, ektemésesamol'a ekhó exchahayam segyegeyak ma'a ekyókxoho ektémakxa nak axnagkok nelxekmowásamáxche, cham'a sakcha'a eyhayol'a elyexanchesha m'a énxet'ák apkelya'áseykegkoho nak apkeltémakxa hẽlyexanchesha, cham'a énxet'ák apkelyetleykekxo nak ámay senxegánegkesamo nak.

2 TESALONICENSES 2:3

Nágkólho aksa kólyexanchesha xama enxoho, hakte kawak sat sekxo' kélenmexeykha Dios amonye ekwayam xa ekhem yakwánxa nak ewatak Jesucristo, cham'a yakwánxa nak han etyapok énxet megyéso yenmexmakha Dios, cham'a kélpagkanchesama nak han yakwayam kólmasesók.

1 TIMOTEO 2:14

Háwe axta kélyexancháseykha Adán, kelán'a axta eyke kélyexancháseykha, xama axta kélyexancháseyncha'a Eva, kelanak axta megkay'asáxma.

2 TIMOTEO 3:13

Kayágwomhok sat ekmaso apkeltémakxa m'a énxet elmasagcha'a nak apkeltémakxa, tén han ma'a énxet'ák sẽlyexancháseykegkohol'a, elyexanchesha sat pók, kólyexanchesha sat nahan.

HEBREOS 2:14

Hawók axta ektémakxa apyempehek Jesús ma'a ektémakxal'a apyókxa énxet, tén han ma'a éma apagkok nak, ekhawo ektémakxal'a apketchek xama énxet kaxhok mók ma'a empe'ék, tén han ma'a éma agkok. Temegkek axta xa yakwayam enxoho emaseksek ma'a ekha axta ekmowána kategyaha ekyógkexma, cham'a ekwesey nak kelyekhama', eñama m'a apketsapma axta.

1 SAN PEDRO 5:8

Kólteme ekha kélya'áseykegkoho, kólleyxmakha cha'a, hakte máxa entahak aksok nawhak eklo ekyexweweyncha'a ektegyeyncha'a ekyógkexma m'a kelyekhama' ektaha nak megkatnaha egmók.

1 SAN JUAN 5:19

Negya'ásegkok negko'o nentaha Dios énxet'ák apagkok, negya'ásegkok nahan eláneykencha'a kelyekhama' ekyókxoho keso náxop.

SAN JUDAS 1:9

Wánxa agkok, axta eyke ewanyeyha Miguel apkenmexa kelyekhama', cham'a apmeyawa axta Moisés aphápak ekmoko kamok, cham'a Miguel aptaha nak apkemha apmonye Dios apchásenneykha apkeñama néten. Wánxa axta aksa aptaha apcháneya s'e: “¡Wese' egegkok sat egkések ekyennakte appeywa enókasha!”

APOCALIPSIS 12:12

¡Kalpayhekxa' kélwáxok kéxegke kélheykha nak néten! ¡Wánxa agkok, kéxegke sat laye kélheykha nak náxop tén han ma'a ekheyak nak wátsam ekwányam, hakte weywenték kelyekhama' yetlo eklómo agko' enmexa kéxegke, ya'ásegwokmek eyéméxko antawók ekhem!”

APOCALIPSIS 12:3

Keñe axta ektepékxo makham mók aksok sempelakkaso nak agweta' ma'a néten: yéwa ekwányam ekyexwasé axta m'a, siete axta akkatkók, diez axta ekyókxoho m'a kepet'ák, étcheso akkátek axta nahan eghak ekyókxoho akkátek.

APOCALIPSIS 12:7

Tekkek axta kempakhakma néten natámen xa: Miguel, Dios apchásenneykha apkeñama néten axta apkempakha'ak yetlo apkelxegexma'a, axta apkenmexak xa yéwa ekwányam nak, kennápeyxchek axta nahan xa yéwa ekwányam nak, yetlo nahan elxegexma'a,

APOCALIPSIS 12:8

wánxa agkok, axta eyke kaxnawok yéwa ekwányam ma'a, tén han ma'a elxegexma'a nak, axta anhan kól'awok kaxmakha m'a néten.

APOCALIPSIS 13:14

Axta keñamak elyexancháseyncha'a apyókxoho énxet'ák apheykha nak keso náxop eñama m'a aksok sempelakkaso nak agweta', cham'a kélhayo axta kalának keto' ekyagkakxa m'a émha amonye aksok nawhak eklo nak, keltamhok axta nahan kalanaxchek kéleykmáseso ekhawo xa émha amonye aksok nawhak eklo nak, cham'a ekyáktama nak makham, ñekhe m'a kélyetxakxama nak sókwenakte kélyensasama.

APOCALIPSIS 16:14

kelyekhama' axta m'a, eláneyo axta cha'a aksok sempelakkaso nak agweta', kelántekkek axta yakwayam kanchásekxak apyókxoho kelwese'e keso náxop, yakwayam enxoho elmahagkok empakháxchexa, cham'a ekwokmo enxoho ekhem apagkok ma'a Dios ekha nak apyennakte.

APOCALIPSIS 18:2

Aptahak axta apyennaktésawo appeywa s'e: “¡Apteyekmek, apteyekmek tegma apwányam Babilonia! ¡Kelyekhama' ekheykegkaxa tamhákxa', tén han ektamhákxo elleykegkaxa m'a ekyókxoho ektémakxa nak espíritu elmasagcha'a, náta elmasagcha'a axanák nahan tamhákxa' tén han ma'a ekyókxoho ektémakxa nak aksok nawha'ák elmasagcha'a tén han ma'a ekmanyása nak!

APOCALIPSIS 18:23

Kamaskohok agko' sat nahan elsasáxma chálewaso apagkok xép, kamaskok sat nahan ma'a ektémakxa l'a ekyennamáxma keytek sẽlyamhopma. Apmelyeha'ak axta eykhe m'a ektaha axta apkexakkáseykekxa cha'a exchep aksok apagkok keso náxop, méko axta kaxhok keso náxop, hakte apkelyexancháseykha axta nahan xép apyókxoho pók aptémakxa énxet, eñama m'a aptémakxa nak xép apteme yohóxma.”

APOCALIPSIS 19:20

Máxchek axta xa aksok nawhak eklo nak, máxkók axta xamo' ma'a ektaha axta apkellegaso amya'a megkamámnaksoho nak, cham'a, apkeláneykegko axta cha'a aksok sempelakkaso nak agweta' nakto' xa aksok nawhak eklo nak. Apkelyexancháseykha axta énxet'ák xa ektaha nak apkellegaso amya'a megkamámnaksoho, eñama apkeláneyak ma'a aksok sempelakkaso nak agweta'. Axta apkelyexancháseyha m'a énxet'ák apchahayo axta keytek aksok nawhak eklo elkahaso, cham'a apkelpeykesamo axta kéleykmáseso kélheyáseykegkoho nak aksok nawhak eklo. Keñe axta kélyenyawa yetlo akta'ák neyseksa táxa xa aksok nawhak eklo nak, tén han yetlo apakta'ák ma'a ektaha axta apkellegaso amya'a megkamámnaksoho, cham'a eyálewomakxa nak táxa yetlo m'a aksok ánek eyálewomol'a.

APOCALIPSIS 2:13

Ekya'ásegkok ko'o apha exchep ma'a ektémakxa nak wese' Satanás; wánxa agkok apkelenxáneykmok eyke exchep apxeyenma sekwesey. Axta anhan elwáteseykmok apteme mehey'áseyam ko'o, cham'a apmatña axta Antipas, aptaha axta meyenseyam aplegaso sekwesey. Axta payhok apmatñamakxa m'a tegma apwányam ektémakxa nak wese' Satanás.

APOCALIPSIS 2:24

Kéxegke kélheykha nak tegma apwányam Tiatira megkólyetleykekxa nak xa nelxekmowásamáxche nak, megkaltámeyeykegko nak han ma'a apkeltamhomol'a cha'a nápakha énxet aksok ekyexamaxche eñama Satanás, eltennásek ko'o mamoko agkeyásekxak makham kéxegke kéltamheykha ekyentaxno.

APOCALIPSIS 2:9

Ekya'ásegkok ko'o ektémakxa nak aplegeykegkoho exchep, tén han ma'a ektémakxa nak meyke aksok apagkok, xámok eykhe exchep aksok apagkok eleñama Dios. Ekya'ásegkok nahan ektémakxa nak ekmaso apxeyenma exchep ma'a énxet'ák apkeltemesásamákpo nak judíos, háwe eyke, apchakneykekxexa apkelpeykesamo Satanás akke xa.

APOCALIPSIS 20:10

keñe axta kélyenyawa neyseksa táxa ekpaxkamaxche aksok ánek eyálewomol'a m'a kelyekhama' ektaha axta elyexancháseykha énxet'ák, cham'a kélyenyawakxa axta nahan aksok nawhak eklo, tén han ma'a énxet aplegaso axta amya'a megkamámnaksoho nak, cháxa yakwánxa nak han kóllegásesagkohok ekyókxoho ekhem tén han ekyókxoho axta'a xa megkatnegwayam enéxa.

APOCALIPSIS 20:8

Katyapok sat yakwayam kalyexanchesha apyókxoho énxet'ák apheykha nak keso náxop; kalyexanchesha sat ma'a Gog tén han ma'a Magog, cham'a apxámokma nak sẽlpextétamo apagkok ektémol'a xóp ánek neyáwa wátsam ekwányam. Yaknekxak sat yakwayam yempakha'.

APOCALIPSIS 3:9

Wának sat ko'o eltekxekwók aptapnák nápakto' xép ma'a énxet'ák apkeleñama nak kélakneykekxexa kélpeykesamo Satanás, cham'a apkelmopwána amya'a nak, apkeltemesásamákpo nak judíos, háwe eyke nakso', yakwayam enxoho anhan elya'ásegwomhok sektéma ko'o seyásekhayo exchep.

APOCALIPSIS 9:1

Cinco axta apwokmok Dios apchásenneykha appawaso apchakkahaso, ekwet'ak axta ko'o apteyekmo xama yaw'a keso náxop apkeñama néten; apxakak axta nahan ketchesama átog agkok ma'a máxek ekmatawóneg agko' nak.

APOCALIPSIS 9:20

Wánxa agkok, axta eyke elwáteságkok makham apkeláneyak aksok ekmaso m'a énxet'ák ektaha axta apkeleymomap, cham'a ektaha axta meletsapma neyseksa aksok elmaso, axta nahan elwáteságkok apkelpeykesamo m'a kelyekhama', tén han ma'a apkelpeykesamo nak kéleykmáseso elánamáxche nak sawo ekyátekto elyenma, tén han ma'a sawo ekmopé nak elyenma, tén han ma'a sawo ekyátekto agko' nak elyenma, tén han ma'a meteymog nak, tén han ma'a yántéseksek nak, yawanchek kótak aksok xa kéleykmáseso nak, yawanchek nahan kaña', yawanchek nahan kaxog.