“Elya'aweyktek agkok kéxegke eyesextoho enxoho selásekhayo, keñe kólásekhohok kélagko' ma'a kélyap, tén han ma'a kélchána, tén han ma'a kélnakteyegka'a, tén han ma'a kélketchek nak, tén han ma'a kélyáxeg nak, tén han ma'a kélyáxeg kelwán'ák nak, tén han ma'a kélásekhamáxkoho kélagko' nak, megkólwanchek kóltehek seltámeséyak.
APOCALIPSIS 12:11 - Lengua Sur (Enxet) Nuevo Testamento11 Apkelmalanchek axta ẽlyáxeg'a xa eñama m'a apyegkenma axta éma apagkok Nekkések Apketkok eñama nahan ma'a apkellegaso axta amya'a ektakmela agko' xa énxet'ák nak; axta elayeyk eletsapok apmayheykegkok axta aksa eletsapok. အခန်းကိုကြည့်ပါ။ |
APOCALIPSIS 12:11
33 ပူးပေါင်းရင်းမြစ်များ
Wánxa agkok, megkaxeyenmak ko'o ewáxok se'e ektémakxa nak sekyennakte, akke enxéneykha cha'a ko'o ewáxok alenxanmohok ma'a ektémakxa nak selteyásamáxche yetlo ekpayheykekxa ewáxok ekwokmoho sekwokmo néxa, tén han asawhohok alának ma'a Wese' egegkok Jesús axta seyásennagko altennaha amya'a ektakmela eñama nak Dios segásekhayo.
Ko'o Juan sektaha nak may'áseykmoho xamo' kéxegke Cristo, Jesús sekyepetcheyo keñamak sewákxoho nahan ko'o xa sekteme señama nepyeseksa Dios énxet'ák apagkok tén han sewákxoho seklegeykegkoho xamo' kéxegke, tén han sewákxoho m'a ektémakxa nak kélwaskápeykekxoho, yakwayam enxoho alenmaxaxkohok seklegeykegkoho ko'o. Elhésekmek axta ko'o yókxexma étkok ekwesey Patmos, eñama seklegaso m'a amya'a eñama nak Dios, cham'a aptemésesama axta ekmámnaksoho Jesús.
Eltekxekkek axta ko'o etapnák náxop ekpayhókxa apkenmágkaxa Dios apchásenneykha, yakwayam alpeykesho', wánxa agkok, aptahak axta seyáneya s'e: “Ná etne aksa xa, ko'o sekteme Dios apchásenneykha, ekhawók ko'o exchep, ekhawók nahan ma'a apkelyáxeg'a ektaha nak melyenseyam apkeltenneykha Jesús apwesey. Elpeykesho m'a Dios.” Hakte, cháxa eyewáneseso énxet'ák ektaha nak apkellegaso Dios appeywa xa apkeltenneykha nak Jesús apwesey.
Ekya'ásegkok ko'o apha exchep ma'a ektémakxa nak wese' Satanás; wánxa agkok apkelenxáneykmok eyke exchep apxeyenma sekwesey. Axta anhan elwáteseykmok apteme mehey'áseyam ko'o, cham'a apmatña axta Antipas, aptaha axta meyenseyam aplegaso sekwesey. Axta payhok apmatñamakxa m'a tegma apwányam ektémakxa nak wese' Satanás.
¡Kéxegke ekha nak kélheyk'ák, kóleyxho aptahakxa appeywa Espíritu kélakneykekxexa! Enxet'ák ektaha nak apkelmalanma agkések sat yakwayam etawagkok maná, cham'a kélpósamo nak; agkések sat nahan meteymog ekmopé, cham'a ektáxésamaxko nak kaxwé kélwesey meyke ekya'áseyak, wánxa aksa ey'asagkohok ma'a ektahakxa enxoho apxawé.’
Ekwet'ak axta ko'o taháno ektakmalma yetlo apheykha néten ma'a apkelxawágko axta kélyaheykekxoho yakwayam etnehek apkelyekpelchémo apyókxoho énxet'ák. Ekwet'ak axta nahan ko'o aphagák ma'a ektaha axta kélyaktencháseyak apyespa'ák eñama meyenseyam apkeltenneykha Jesús apwesey tén han ma'a amya'a eñama nak Dios. Axta elpeykesamok aksok nawhak eklo xa énxet'ák nak, axta nahan elpeykesamok ma'a kéleykmáseso kélheyásekegkoho nak aksok nawhak eklo, axta nahan yahayók keytek elkahaso aksok nawhak eklo m'a ekpayhakxa nápát, esenhan ma'a apmek. Ekwet'ak axta nahan ko'o apnakxétekhágwokmo xa énxet'ák nak. Kelwese'e axta aptamhágkok xamo' Cristo ekweykmoho mil apyeyam.
Enxet'ák ektahakxa enxoho apkelmalanma, atnésesek sat ko'o elámha Dios tegma appagkanamap apagkok, melantépekxók sat cha'a m'a; ataxaksek sat ko'o Dios ahagkok apwesey xa énxet'ák nak, tén han ataxaksek ma'a Dios tegma apwányam apagkok nak apwesey, cham'a kaxwé Jerusalén apkeñama nak néten, apkeñama nak ma'a Dios ahagkok; ataxaksek sat nahan ko'o kaxwé sekwesey xa énxet'ák nak.
Enxet'ák ektahakxa enxoho apkelmalanma, apkelmopé sat etnahagkok apkelnakta, mamasésesek sat nahan apkelwesey m'a weykcha'áhak eknaktáxésamaxko nak apkelwesey m'a peya nak elxawagkok elyennakte apnenya'ák, axének sat nahan ko'o selyekpelchawo nápakto' ma'a Táta, tén han nápakto' ma'a apkelásenneykha apkeleñama nak néten.
ကြော်ငြာတွေ