APOCALIPSIS 12:1 - Lengua Sur (Enxet) Nuevo Testamento

¹ Tekkek axta néten aksok sempelakkaso agko' nak agweta': xama kelán'a eyaklamaxche ekhem axta m'a ektémol'a apáwa, keñe axta apyetna pelten ma'a kóneg amagkok, keñe axta étcheso akkátek elyenma aphágko doce yaw'a.

APOCALIPSIS 12:1 ပူးပေါင်းရင်းမြစ်များ

SAN MATEO 12:38

Nápakha énxet'ák fariseos axta apkelpakmétak, tén han ma'a apkelxekmóso nak Dios énxet'ák apagkok ektémakxa segánamakxa, aptahak axta apcháneya Jesús se'e: —Sẽlxekmóso, egmenyék negko'o agwetak elának xép aksok sempelakkaso nak agweta'.

SAN MATEO 24:30

Keñe sat kataxchek néten aksok magkenatcheso apkexyeyam ma'a aptaha nak Apketche énxet, elyegweyk sat apyókxoho énxet apheykha nak keso náxop, ellekxagwaha sat nahan, étak sat nahan exyók néten neyseksa yaphopé m'a aptaha nak Apketche énxet, yetlo ekyawe apmopwána tén han apcheymákpoho.

SAN MARCOS 13:25

epallenták sat yaw'a apkeleñama néten, kalyawheykha sat ekyókxoho aksok eleñama nak néten.

SAN LUCAS 21:11

Katyapok sat ekyawheykha xóp ekyennakte agko' mók xama apkelókxa, tén han meyk segakhe, tén han negmasé, kataxchek sat nahan néten aksok magéso nak agé', kataxchek sat nahan aksok magkenatcheso agweta' ekyawe m'a néten.

SAN LUCAS 21:25

“Katlakkasek sat kataxchek katnegwomhoxma ekhem, tén han ma'a pelten, tén han ma'a yaw'a; melya'asagkek sat aptamhágkaxa énxet'ák apheykha nak keso náxop, elyegweyk sat eñama éxtegyawa yegmen elyakyahayam ma'a wátsam ekwányam.

SAN JUAN 3:29

Enxet ekha nak appagkanma apteme appagkanamap yakwayam kalyamhápok; exek nahan kaxwé elyamhopma apteme pók ma'a, eñak nahan aptahakxa enxoho appeywa m'a, awanhek nahan katnehek ekpayheykekxa apwáxok apleg'a enxoho aptahakxa appeywa. Cháxa setnahakxa nak ko'o xa, awanho' agko' kaxwo' ekpayheykekxa ewáxok.

LOS HECHOS 2:19

Axekmósek sat ko'o aksok magwetaya m'a néten, éma, tén han táxa, tén han éten ekpánma keso náxop.

ROMANOS 13:14

Kólteme kélahakkásamáxche Wese' egegkok Jesucristo, nágkóllána kaxwo' ma'a ektémakxa nak aksok ekmaso ekyespagko negyókxa.

2 CORINTIOS 11:2

Hakte Dios keñamak ektémakxa nak selmeyeykha kéxegke. Ekpagkanchesek axta ko'o kéxegke yakwayam agkések wánxa xama kéltáwa, cham'a Cristo, emenyék nahan anaklók kéxegke nápakto' Cristo meyke ekyepetche xama aksok sempeysegkesamo nak, ektémol'a kelán'a étkok meyke kélteméseseykmohoxmal'a.

GÁLATAS 3:27

yakpasameygmen nahan keñamak kéltemésesama kéxegke kélyepetcheyo Cristo, kéltemék nahan kaxwo' kélahakkásamáxche kéxegke m'a Cristo.

GÁLATAS 4:26

Wánxa agkok, háwe eyke apmomap ma'a tegma apwányam Jerusalén apyetna nak néten, negko'o nahan nentaha neleñamakxa xa tegma apwányam nak.

GÁLATAS 6:14

Ko'o nak se'e, momenyék keyxkohok sekpeywa axének xama aksok enxoho, wánxa keyxkohok sekpeywa axének ma'a apketsapma axta Cristo néten aksok ektegyéso; máxa ektemésesók ko'o ekmassegweykmo enxoho ektémakxa nak aksok keso náxop, máxa nahan ektemék ko'o xa sekmassegweykmo enxoho magwanmexmo m'a ektémakxa nak keso náxop, eñama m'a apketsapma axta Cristo néten aksok ektegyéso.

EFESIOS 5:32

Cháxa ektaha nak ekpowásamáxkoho agko' xa, ekxénchek ko'o m'a Cristo tén han ma'a Dios énxet'ák apagkok nak.

APOCALIPSIS 1:20

Cháxa aksok ekyexamaxche xa apwet'a exchek aphágko yaw'a émek ekpayhókxa nak selya'asamakxa, tén han ma'a apwet'a exchek siete chálewaso sawo ekyátekto elyenma; cham'a siete yaw'a nak, ekyetchesamaxkoho m'a Dios apkelásenneykha eláneykha nak ma'a siete apchakneykekxexa nak, keñe m'a siete chálewaso nak ekyetchesamaxkoho m'a kélakneykekxexa.

APOCALIPSIS 11:19

Keñe axta ekmayhekxo átog ma'a Dios tegma appagkanamap apagkok apyetna nak néten, keñe axta ekwetáxko ekyetna yántéseksek kélxátamakxa axta m'a ekhémo mók nelpakhetchásamáxkoho nak Dios kañe' xa tegma appagkanamap nak, keñe axta ektepa apkelyenmayam, kélpeywa, extegyawá, tén han ma'a xóp ekyawheykha nak, yegmen elyennakte ekxámokma axta nahan palleynta'.

APOCALIPSIS 12:3

Keñe axta ektepékxo makham mók aksok sempelakkaso nak agweta' ma'a néten: yéwa ekwányam ekyexwasé axta m'a, siete axta akkatkók, diez axta ekyókxoho m'a kepet'ák, étcheso akkátek axta nahan eghak ekyókxoho akkátek.

APOCALIPSIS 15:1

Ekwet'ak axta makham ko'o mók aksok sempelakkaso agko' nak agweta' ma'a néten, cham'a aksok segyegwakkasamo nak agweta'; siete Dios apkelásenneykha axta m'a, yetlo m'a siete ektemegwánxa nak néxa aksok elmaso senlegasáseykegkoho. Cháxa ektahakxa axta ektemegwokmo néxa Dios aplo xa.

APOCALIPSIS 21:14

Doce meteymog axta nahan héyegkok ekméyak xa tegma nepyáwa kélhaxta nak, cham'a meteymog eknaktáxésamaxko nak apkelwesey doce Nekkések Apketkok seykha amya'a apagkok nak.”

APOCALIPSIS 21:23

Axta nahan keyméxchek kalsaksek exma ekhem xa tegma apwányam nak, tén han ma'a apkelsasóxma nak pelten, hakte Dios elseyexma apagkok axta kelsasóxma xa, axta Dios chálewaso apagkok ma'a Nekkések Apketkok.