APOCALIPSIS 11:8 - Lengua Sur (Enxet) Nuevo Testamento

⁸ Kaxnagkok sat nahan aphopák ámay nepyeseksa tegma apwányam kélya'áseykegkoho nak, cham'a kélyepetchesamakxa axta anhan aksok ektegyéso Wese' apagkok, cham'a kéltéma nak Sodoma kélyetcháseykekxoho, tén han kélyetcháseykekxoho m'a Egipto.

APOCALIPSIS 11:8 ပူးပေါင်းရင်းမြစ်များ

SAN MATEO 10:15

Sagkók agko' sat katnehek kéllegasáseykegkoho énxet'ák apheykha xa tegma apwányam nak, cham'a ekhem nelyekpelchamáxchexa sat, megkaxók sat ma'a ekwánxa axta kéllegasáseykegkoho énxet'ák apheykha axta yókxexma Sodoma, tén han ma'a Gomorra.,

LOS HECHOS 9:4

Apteyekmek axta náxop Saulo, apleg'ak axta anhan ektaha amya'a apcháneyákpo s'e: “Saulo, Saulo, ¿Yaksak ektaha seyakmásencha'a nak xép?”

HEBREOS 13:12

Ekhawo ektahakxa axta anhan Jesús apmátegweykmo m'a nepyáwa tegma apwányam, yakwayam enxoho etnésesek apkelpagkanamap ma'a ektaha nak énxet'ák apagkok eñama m'a apyegkenma axta éma apagkok.

HEBREOS 6:6

apkelwátesagkek agkok apteme melya'áseyam xa énxet'ák nak, megkólwanchek sat kóltemesásekxak makham apteme melya'áseyam Dios, hakte máxa katnehek apyepetcháseykxo enxoho makham aksok ektegyéso Dios Apketche, máxa apkenagko yesmaksek apyókxoho énxet sat etnesásekxak makham.

2 SAN PEDRO 2:6

Apmasésekmek axta nahan Dios ma'a tegma apwányam Sodoma tén han ma'a Gomorra, apwatneykxeyk axta ekwokmoho aptamhákxo tahap yakwayam enxoho nahan yeyk yakwánxa kóltemésesek ma'a énxet'ák elmasagcha'a nak apkeltémakxa, cham'a egmonye sat.

SAN JUDAS 1:7

Hawók axta ektémakxa Sodoma tén han Gomorra, tén han nátegma apheyak axta nepyáwa tegma apwányam apkeltémakxa xa Dios apkelásenneykha apkeleñama axta néten, hakte apkeláneykegkek axta ekmaso nentémakxa mansexta, apchahayók axta elmoma apwáxók ma'a ekmaso nentémakxa enmexma nak negyókxa. Ekeso eñamakxa apkellegágkoho nak neyseksa táxa megkatnegwayam enéxa, keñe ekyetna kélésakxa m'a apyókxoho énxet'ák nak.

APOCALIPSIS 11:13

Keñe axta ektepa ekyawheykha xóp ekyennakte agko', palchesakmek axta anhan nápakha tegma ekwokmo axta cha'a diez apyókxoho, siete mil axta anhan apyókxoho apkeletsapma énxet'ák. Keñe m'a ektaha axta meletsapma, apchekakxoho axta apkelpeykásawók Dios apha nak néten.

APOCALIPSIS 11:9

Antanxo ekhem náxet mók sat katnehek apweté aphopák ma'a pók aptémakxa énxet'ák nak, tén han ma'a mók ektémakxa nak apkelpakmeyesma, cham'a apkeleñama nak ekyókxoho yókxexma, megyohok sat nahan kólatawónek.

APOCALIPSIS 14:20

Teyp tegma apwányam axta nahan kélyakhapwokmok xa anmen yámet nak, éma axta nahan tépak eñama m'a kélxátamakxal'a cha'a anmen yámet ekyexna, wokmók axta éma m'a kélatchesesamakxal'a yatnáxeg kélatcheseso apwáxok, trescientos kilómetros axta nahan wokmohok ekpayhegweykmoho.

APOCALIPSIS 14:8

Apxegkek axta nahan pók Dios apchásenneykha aptéteyak xa pók nak. Aptahak axta appeywa s'e: “¡Apteyekme', apteyekme' kaxwo' tegma apwányam Babilonia, cham'a aptemesáseykegko nak máxa anmenát'ák apyókxoho énxet'ák eñama m'a apkelmopmenyého nak elanagkok ekmaso nentémakxa mansexta!”

APOCALIPSIS 16:19

Apkántanxo nápakha'a axta apyepteypok tegma apwányam, apkelyaknenágkek axta anhan tegma apwányam nak keso náxop, keñe axta ekxénwákxoho apwáxok Dios ma'a tegma apwányam Babilonia, yakwayam yagkok sẽllegasáseykegkoho eñama nak Dios ekyetchesamaxkoho nak anmen, cham'a aplawa axta.

APOCALIPSIS 17:1

Ey'awak axta ko'o xama Dios apchásenneykha apkeñama nepyeseksa m'a siete Dios apkelásenneykha, cham'a apkelmeyncha'a axta siete egheykok eltakmela. Aptahak axta seyáneya s'e: “Empoho hana, axekmósek sat xép yakwánxa nak katnehek kéllegasáseykegkoho m'a kelán'a ekyakmagkáseykegko nak pók énxet ekpathetéyak ektegye selyakye, cham'a ekha nak néten yegmen.

APOCALIPSIS 17:18

Kelán'a apwet'a exchek xép, cháxa tegma apwányam apkeláneykencha'a nak apyókxoho kelwese'e apkelwányam apheykha nak keso náxop.”

APOCALIPSIS 17:5

Yetnegkek axta nahan kéltáxeso ekpayhakxa nát megkólya'áseyak ektémakxa, ektéma nak se'e: “Ko'o sekteme tegma apwányam Babilonia ektaha nak ektepakxa m'a ekmaso nak nentémakxa mansexta, ektaha nak han ektepakxa m'a ekyókxoho aksok ekmanyása ekheykegko nak keso náxop.”

APOCALIPSIS 18:10

Makhawók sat yekhegwók eñama apkeye m'a ektahakxa kéllegasáseykegkoho. Sat etnehek elpakmétek se'e: “¡Xép laye tegma apwányam Babilonia, tegma apwányam apyennakte, pelakkásók agko' nahan ekwa'a kéllegasáseykegkoho.”

APOCALIPSIS 18:18

Xama axta apkelwet'a ekpakna éten apmeta m'a tegma apwányam nak, aptahak axta apkelyennaktésawo apkelpeywa s'e: “Magweteyk makham pók tegma apwányam aphawo xa.”

APOCALIPSIS 18:2

Aptahak axta apyennaktésawo appeywa s'e: “¡Apteyekmek, apteyekmek tegma apwányam Babilonia! ¡Kelyekhama' ekheykegkaxa tamhákxa', tén han ektamhákxo elleykegkaxa m'a ekyókxoho ektémakxa nak espíritu elmasagcha'a, náta elmasagcha'a axanák nahan tamhákxa' tén han ma'a ekyókxoho ektémakxa nak aksok nawha'ák elmasagcha'a tén han ma'a ekmanyása nak!

APOCALIPSIS 18:21

Apya'ásek axta néten xama meteymog Dios apchásenneykha ekha apyennakte natámen xa, máxa axta m'a meteymog ekyawe agko' la'a, apyenyenték axta kañe' wátsam ekwányam. Aptahak axta appakmeta s'e: “Sat katnehek kéltegkeso exchep xa xép tegma apwányam Babilonia, megkólwetekxók sat cha'a.

APOCALIPSIS 18:24

Hakte wetáxchek axta Dios appeywa apkellegaso éma apagkok xa tegma apwányam nak, cham'a ektaha axta Dios énxet'ák apagkok, tén han ma'a apyókxoho ektaha axta aptekyawa keso náxop.