APOCALIPSIS 11:18 - Lengua Sur (Enxet) Nuevo Testamento

¹⁸ Apkellókek axta apyókxoho énxet'ák apheykha nak ekyókxoho yókxexma, wánxa agkok, wa'ak eyke exchep aplo, cham'a yakwánxa nak xép elyekpelkohok ma'a énxet'ák apkeletsapma axta; egkések sat nahan aksok apméso naksa m'a énxet'ák ektaha axta apkellegaso xép appeywa, tén han ma'a ektaha nak xép énxet'ák apagkok apkelpagkanamap tén han ma'a énxet apteme nak cha'a apcháyo exchep apwesey, apkelwányam, tén han ma'a meyke kéláyo nak, emasesók sat nahan xép ma'a énxet'ák ektaha nak aptawáseykha keso naxop.”

APOCALIPSIS 11:18 ပူးပေါင်းရင်းမြစ်များ

SAN MATEO 5:12

Kalpayhekxa agko' kélwáxok, hakte kólxawak sat aksok kélxawé naksa m'a néten ektaha nak ekyawe agko'. Axta temék nahan kélmenxeneykencha'a Dios appeywa apkellegaso apheykencha'a axta nano', meykexa axta kéxegke.

SAN LUCAS 1:50

Yemlekxohok cha'a Dios ma'a énxet'ák ektaha nak apcháyo.

HEBREOS 9:27

Ekhawo sentémakxa nak han cha'a negyókxoho nak, xama nétsapma cha'a katnehek, keñe natámen kawók nahan ekhem yakwánxa hẽlyekpelkohok,

APOCALIPSIS 10:7

apwokmek sat agkok siete appawaso apchakkahaso m'a Dios apchásenneykha nak, keñe sat kasawhaxkohok katnehek ma'a ektémakxa nak apmopmenyého elának Dios ektaha nak ekpowásamáxkoho, ekhawo ektémakxa axta aplegaso Dios ma'a énxet'ák ektaha axta apkellegaso appeywa.”

APOCALIPSIS 11:2

Wánxa aksa, né elyetseták nepyáwa xa tegma appagkanamap nak, hakte énxet'ák melya'áseyak Dios axta apxakak xa, cháxa peya nak elteyammaha tegma apwányam appagkanamap ekweykmoho cuarenta y dos pelten xa énxet'ák nak.

APOCALIPSIS 13:10

“Enxet eyéméxko nak kólhésók sẽlpextétamakxa, kólhésók sat sẽlpextétamakxa; keñe m'a eyéméxko nak kólyakténchesagkok apyespa'ák sókwenakte, kólyakténchesagkok sat apyespa'ák etekyók.” Sat kataxchek ektémakxa nak apkelenmáxamákpoho Dios énxet'ák apagkok apkelpagkanamap xa, tén han ma'a ektémakxa nak melya'áseyam.

APOCALIPSIS 13:16

keltamhok axta anhan kólkahasagkok apyókxoho énxet'ák apmek ekpayhókxa nak apkelya'asamakxa esenhan ma'a ekpayhakxa nápát, cham'a meyke nak kéláyo tén han ma'a apkelwányam nak, kelwese'e, tén han ma'a meyke nak aksok apagkok, tén han ma'a melmomap nak, tén han ma'a apkelmomap nak.

APOCALIPSIS 14:10

kóllegásesagkohok sat ekmaso agko' eñama nak Dios senlegasáseykegkoho, cham'a Dios aplo kélxátama nak xama egheykok, kóllegásesagkohok sat neyseksa táxa tén han neyseksa m'a aksok ektawáseykencha'awol'a egyempehek, nápakta'awo' ma'a Dios apkelásenneykha apkelpagkanamap nak, tén han nápakto' ma'a Nekkések Apketkok.

APOCALIPSIS 15:1

Ekwet'ak axta makham ko'o mók aksok sempelakkaso agko' nak agweta' ma'a néten, cham'a aksok segyegwakkasamo nak agweta'; siete Dios apkelásenneykha axta m'a, yetlo m'a siete ektemegwánxa nak néxa aksok elmaso senlegasáseykegkoho. Cháxa ektahakxa axta ektemegwokmo néxa Dios aplo xa.

APOCALIPSIS 15:7

Xama énxet apkeñama néten axta aptépak aksa nepyeseksa hawók nápakha, apkelmeyásegkek axta anhan Dios apkelásenneykha siete egheykok eltakmalma ekyátekto elyenma yetlo elláneykegkoho m'a sẽllegasáseykegkoho ekmaso eñama nak Dios, cham'a apha nak megkatnegwayam enéxa.

APOCALIPSIS 18:6

Kólhésho nahan kéxegkáxa kélteméseso m'a ektemésesamakxa axta anhan kélnápakha kéxegke xa tegma apwányam nak; kólyeykhásamho kélhésamo m'a ekwánxa axta ektemésesamakxa, kólyentaxnésesho ekmáske ekya, nágkólhésho aksa m'a ekwánxa axta ekméso kélnápakha kéxegke;

APOCALIPSIS 19:15

Sókwenakte ekmahanta axta nahan tépak apátog, yakwayam emha ellegásesagkohok ma'a apyókxoho pók aptémakxa énxet'ák nak. Wese' sat etnehek yetlo meyke apmopyósa elanok pók, etnehek sat nahan apkelyekpelchémo apyókxoho énxet ekhawo aptémakxal'a m'a ektaha nak apkelyakhapma anmen yámet ekyexna, elagkok sat nahan ma'a Dios aplo ekxegakmo nak ektémol'a agyenek vino, cham'a Dios meyke ekhémo nak.

APOCALIPSIS 19:18

yakwayam enxoho kóltawagkok kelwese'e apkelwányam nak aphápetek, tén han aphápetek ma'a apkelámha apmonye'e nak sẽlpextétamo, tén han aphápetek ma'a énxet megyeye nak aksok, tén han ma'a yatnáxeg aphápetek nak, tén han aphápetek ma'a énxet ektaha nak apkelchánte, tén han ma'a ekyókxoho ektémakxa nak kélhápetek; cha'a aphápetek ma'a énxet melmomap nak, tén han aphápetek ma'a énxet apkelmomap nak, tén han aphápetek ma'a énxet meyke kéláyo nak, tén han aphápetek ma'a énxet ekyawe nak kéláyo!”

APOCALIPSIS 19:5

Legáxchek axta kélpeywa eñama m'a ekyetnakxa axta taháno ektakmalma. Entahak axta amya'a s'e: “¡kólteméses apcheymákpoho Dios egagkok kélyókxoho kéxegke, apketkók tén han ma'a apkelwányam nak, tén han kéxegkáxa kéllané nak kéltamheykha eñama nak Dios, kéltaha nak han cha'a kéláyo!”

APOCALIPSIS 20:12

Ekwet'ak axta ko'o apchakneyncha'a amonye ekyetnakxa taháno ektakmalma énxet'ák apkeletsapma axta, cham'a meyke kéláyo nak tén han ma'a ekyawe kéláyo nak. Kélmeykásegkek axta weykcha'áhak, axta anhan kélmeykásak ma'a mók weykcha'áhak eknaktáxésamaxchexa nak apkelwesey m'a peya nak elxawagkok ekyennakte apnenya'ák. Kéltemék axta sekxo' kélyekpelchémo énxet'ák, cham'a ektémakxa enxoho aksok apkeláneyak, keñe axta anhan kéltaha kélyekpelchémo m'a ektémakxa nak ekyetno weykcha'áhak eknaktáxésamaxche apkeltémakxa xa énxet'ák ektaha axta apkeletsapma.

APOCALIPSIS 20:15

cham'a kélchexeykxa axta nahan énxet'ák megkaxneykegko nak apkelwesey m'a weykcha'áhak eknaktáxésamaxchexa nak apkelwesey énxet'ák peya nak elxawagkok ekyennakte apnenya'ák.

APOCALIPSIS 22:12

“Nakso', kaxwo' sat awata' asantámhok sat nahan ko'o ekyakmageykekxa m'a ektémakxa enxoho aksok apkelané énxet.