APOCALIPSIS 11:15 - Lengua Sur (Enxet) Nuevo Testamento

¹⁵ Siete axta apwokmok Dios apkelásenneykha appawaso apchakkahaso, keñe axta eklegáxko ekyennakte agko' kélpeywa eñama néten. Entahak axta amya'a s'e: “Wese' egegkok kaxwo' aptahak Wese' apwányam keso náxop, tén han ma'a Mesías apkeñama nak Dios. Etnahagkok sat Kelwese'e apkelwányam megkatnegwayam enéxa.”

APOCALIPSIS 11:15 ပူးပေါင်းရင်းမြစ်များ

SAN MATEO 24:31

Eláphaksek sat apkelásenneykha yetlo ekyennakte apkelpáwaso apkelakkahaso yakwayam enxoho yánchásekxak ma'a ektaha nak apkelyéseykha apkeleñama ekyókxoho yókxexma: nexcheyha, nepyeyam, ekteyapmakxa ekhem, tén han ma'a ektaxnegwánxa ekhem, esawhekxohok sat keso náxop.

SAN MATEO 6:13

Nágyoho aksa hegáhapwak negko'o segyekkónma, wánxa agkok, hegeys negko'o m'a kelyekhama'.’

SAN LUCAS 1:33

yakwayam enxoho megkatnegwomek néxa apteme Wese' apwányam nepyeseksa énxet'ák Israel. Megkamassegwomek sat apteme Wese' apwányam.

SAN LUCAS 15:10

Eltennásek ko'o kéxegke m'a apyakmagkasa enxoho apwáxok xama énxet ekmaso nak aptémakxa, kalpayhekxak apwáxók Dios apkelásenneykha m'a néten.”

SAN LUCAS 15:6

Kélwákxeyk agkok kélxagkok, keñe kólánchásekxak kélnámokkok, tén han ma'a kélhóxo nak, keñe kóltehek kólának se'e: ‘kalpayhekxak sat egwáxok negyókxoho nak, hakte ekwetákxeyk ko'o nekkések sektóso apxeganakmo axta.’

LOS HECHOS 4:26

Apyókxoho kelwese'e apkelwányam nak keso náxop aptamhákxak apkenmexeykha Wese' egegkok, tén han ma'a kelwese'e apkeláneykha nak apkelókxa. Apyókxoho nahan apkeláneykxak aptamhágkaxa yakwayam etaknók Dios Wese' egegkok, tén han yakwayam etaknók ma'a ektaha axta apkelyéseykha, cham'a aptaha nak Mesías.’

HEBREOS 1:8

Keñe axta aptaha Dios apxéna Apketche s'e: “Xép Dios apteme Wese' apwányam megkatnegwayam enéxa, apteme nahan ektakmalma apkelmeykha énxet'ák apagkok.

APOCALIPSIS 10:7

apwokmek sat agkok siete appawaso apchakkahaso m'a Dios apchásenneykha nak, keñe sat kasawhaxkohok katnehek ma'a ektémakxa nak apmopmenyého elának Dios ektaha nak ekpowásamáxkoho, ekhawo ektémakxa axta aplegaso Dios ma'a énxet'ák ektaha axta apkellegaso appeywa.”

APOCALIPSIS 12:10

Ekleg'ak axta ko'o kélpeywa ekyennakte agko' ma'a néten. Entahak axta amya'a s'e: “Wa'ak kaxwo' nelwagkásamáxche teyp, tén han ma'a Wese' egegkok Dios apmopwána nak, wa'ak nahan kaxwo' negyeseksa m'a aptémakxa nak Wese' apwányam Dios, tén han ma'a ektémakxa nak kélyaheykekxoho Mesías apagkok; hakte kéltekkesegkek axta m'a elsexnenagkama axta ẽlyáxeg cham'a elsexnenagkama axta cha'a ekyókxoho ekhem, tén han ekyókxoho axta'a nápakto' ma'a Dios egagkok.

APOCALIPSIS 15:4

¿Wese', yaksak sat megkakyek xép? ¿Yaksak sat megkaltemésesek apcheymákpoho? Xép apwánxa apagkok aptakmalma apagko'; apyókxoho pók aptémakxa énxet'ák sat elxegma, elpeykeshok sat nahan xép. Hakte wetáxchek axta exchep ma'a ektémakxa nak aptamheykha ekpéwomo.”

APOCALIPSIS 16:17

Siete axta apwokmok apyegkenma Dios apchásenneykha aksok ekyetno kañe' egheykok, apkexpakha'ak axta m'a exchahayam. Kañe' tegma appagkanamap apkeñama néten axta entépak kélpeywa ekyennakte agko' eñama m'a ekyetnamakxa nak taháno ektakmalma. Entahak axta amya'a s'e: “¡Penchásexchek elánamáxche!”

APOCALIPSIS 17:14

Elnapakpok sat Nekkések Apketkok xa kelwese'e nak, emalánek sat eyke Nekkések Apketkok nepyeseksa xa kelwese'e apkelwányam nak, yetlo apkelxegexma'a Nekkések Apketkok ma'a ektaha axta Dios apkelwóneykha, cham'a ektaha axta anhan Dios apkelyeseykha, cham'a meyenseyam nak han apteme melya'áseyam, hakte Nekkések Apketkok apteme Wese' nepyeseksa m'a kelwese'e nak, apteme nahan Wese' apwányam nepyeseksa kelwese'e apkelwányam nak.”

APOCALIPSIS 19:1

Ekleg'ak axta ko'o kélpeywa ekxámokma ekyennakte agko' ma'a néten natámen xa. Entahak axta kélpeywa s'e: “¡Apcheymákpoho sat cha'a kóltemésesek Wese' egegkok! Dios egagkok apagkok ma'a nelwagkásamáxche teyp nak, tén han ma'a apcheymákpoho nak, tén han ma'a apmopwána nak,

APOCALIPSIS 19:6

Ekleg'ak axta nahan ko'o ekyennamáxma, máxa axta entahak ma'a apxámakxal'a énxet apyennegkesóxma, máxa axta nahan entahak extegyawa m'a ekteyeykenxal'a yegmen cham'a ektémol'a takha' appáwá ekyennakte agko'. Entahak axta apkelpakmeyesma s'e: “¡Apcheymákpoho sat cha'a kóltemésesek Wese' egegkok Dios! hakte apcheynawok kaxwo' aptamheykha Wese' egegkok, Dios egagkok ekha nak apyennakte.

APOCALIPSIS 20:4

Ekwet'ak axta ko'o taháno ektakmalma yetlo apheykha néten ma'a apkelxawágko axta kélyaheykekxoho yakwayam etnehek apkelyekpelchémo apyókxoho énxet'ák. Ekwet'ak axta nahan ko'o aphagák ma'a ektaha axta kélyaktencháseyak apyespa'ák eñama meyenseyam apkeltenneykha Jesús apwesey tén han ma'a amya'a eñama nak Dios. Axta elpeykesamok aksok nawhak eklo xa énxet'ák nak, axta nahan elpeykesamok ma'a kéleykmáseso kélheyásekegkoho nak aksok nawhak eklo, axta nahan yahayók keytek elkahaso aksok nawhak eklo m'a ekpayhakxa nápát, esenhan ma'a apmek. Ekwet'ak axta nahan ko'o apnakxétekhágwokmo xa énxet'ák nak. Kelwese'e axta aptamhágkok xamo' Cristo ekweykmoho mil apyeyam.

APOCALIPSIS 8:12

Hawók nápakha axta aptahak appawaso apchakkahaso Dios apchásenneykha, keñe axta étsagkásexko xama nekha ekhem, tén han apketsagkáseykpo xama nápakha pelten, tén han apkeletsagkáseykpo nápakha yaw'a. Ekpeysyam axta cha'a tamhákxak xama nekha xa ekyókxoho nak, yáma wegkawok axta megkalsasóxma ekhem, yáma wegkawok axta nahan ekyaktesóxma axta'a.

APOCALIPSIS 9:1

Cinco axta apwokmok Dios apchásenneykha appawaso apchakkahaso, ekwet'ak axta ko'o apteyekmo xama yaw'a keso náxop apkeñama néten; apxakak axta nahan ketchesama átog agkok ma'a máxek ekmatawóneg agko' nak.

APOCALIPSIS 9:13

Seis axta apwokmok Dios apchásenneykha appawaso apchakkahaso, ekleg'ak axta ko'o kélpeywa eñama neyseksa hawók nekha aksok egkepet'ák, cham'a ekyetnama axta néten sawo ekyátekto elyenma ekwatnamáxchexa axta cha'a aksok, cham'a ekyetnama nak nápakto' Dios.