APOCALIPSIS 1:4 - Lengua Sur (Enxet) Nuevo Testamento

⁴ Ko'o Juan, ektáxésesek ko'o siete apchakneykekxexa nak ma'a yókxexma Asia. Kólma kéxegke segméso naksa nak Dios segemleykekxoho, tén han ma'a meyke ektahakxa egwáxok eñama nak ma'a Dios, cham'a apha nak kaxwo', cham'a aphama axta nahan nano' axta, cham'a peya nak han ewata', cháxa eleñama nak han ma'a siete espíritu apheyncha'a nak nápakto' Wese' apwányam Dios aphamakxa xa,

APOCALIPSIS 1:4 ပူးပေါင်းရင်းမြစ်များ

SAN JUAN 1:1

Aphegkek axta sekxo' agko' ma'a ektaha nak Appeywa, aphegkek axta xamo' Dios, Dios axta anhan ma'a.

LOS HECHOS 19:10

Cháxa ektahakxa axta aptamheykha Pablo ekwokmoho apkánet apyeyam xa. Apyókxoho énxet apheykha yókxexma Asia axta apkellegeyk amya'a eñama nak Dios Wese' egegkok, énxet'ák judíos tén han ma'a énxet'ák metnaha nak judíos.

LOS HECHOS 2:9

Apháha nahan énxet'ák apkeleñama nak Partia, tén han ma'a apkeleñama nak Media, tén han ma'a énxet'ák apkeleñama nak Elam, apháha nahan énxet'ák apkeleñama nak Mesopotamia, tén han ma'a apkeleñama nak Judea, tén han ma'a apkeleñama nak Capadocia, tén han ma'a apkeleñama nak Ponto, tén han ma'a apkeleñama nak yókxexma Asia,

1 CORINTIOS 1:3

Dios Egyap tén han Jesucristo Wese' egegkok sat etnehek apméso naksa kéxegke m'a ektémakxa nak segemleykekxoho, tén han ma'a meyke ektahakxa egwáxok, ektaha nak apagkok ma'a.

2 CORINTIOS 1:2

Dios Egyap tén han Jesucristo Wese' egegkok sat etnehek apméso naksa kélyókxoho kéxegke m'a ektémakxa nak segemleykekxoho, tén han ma'a meyke ektahakxa egwáxok nak.

HEBREOS 13:8

Meyakmagkasemek Jesucristo m'a aptémakxa axta, ekhawo makham keso kaxwo' nak, meyakmagkasemek nahan cha'a aptémakxa.

SANTIAGO 1:17

Ekyókxoho aksok eltakmela tén han ma'a elpéwomo nenxawáya nak negko'o keleñamak ma'a néten, keleñamak ma'a aphamakxa nak Dios aptaha axta apkelané ekyókxoho aksok elsasóxma nak ma'a néten, meyakmagkasemek aptémakxa nak Dios, megkaxnawok ma'a ektémakxal'a ekyakmagkáseyak ekyetnamakxa pesese.

APOCALIPSIS 1:1

Keso ektahakxa axta aksok apxekmósamo Dios Jesucristo s'e, yakwayam enxoho elxekmósek Cristo m'a ektaha nak apkelásenneykha peya kañehémhok katnehek xa. Apya'asásegwokmek axta Jesucristo apchásenneykha apwesey Juan xa, cham'a apcháphasa axta aphakxa xama apchásenneykha apkeñama néten.

APOCALIPSIS 1:11

Entahak axta amya'a seyáneyáxko s'e; “Etaxés sat weykcha'áhak ektahakxa nak apweté, yapháses sat ma'a siete apchakneykekxexa nak yókxexma Asia, cham'a Efeso tén han ma'a Esmirna, tén han ma'a Pérgamo, tén han ma'a Tiatira, Sardis, Filadelfia, tén han ma'a Laodicea.”

APOCALIPSIS 1:17

Xama axta sekwet'a ko'o xa, elpólenteyk axta náxop apkenmágkaxa ektémol'a ótsapok, wánxa agkok, aptahak axta seyáneya sepaknegwa'awo apmek ekpayhókxa apkelya'asamakxa s'e: “Náheyé', ko'o sekteme eyeynókxa tén han ektemegwánxa néxa,

APOCALIPSIS 1:20

Cháxa aksok ekyexamaxche xa apwet'a exchek aphágko yaw'a émek ekpayhókxa nak selya'asamakxa, tén han ma'a apwet'a exchek siete chálewaso sawo ekyátekto elyenma; cham'a siete yaw'a nak, ekyetchesamaxkoho m'a Dios apkelásenneykha eláneykha nak ma'a siete apchakneykekxexa nak, keñe m'a siete chálewaso nak ekyetchesamaxkoho m'a kélakneykekxexa.

APOCALIPSIS 1:8

Aptahak Wese' Dios ekha apyennakte s'e: “Ko'o sekteme eyeynókxa tén han ektemegwánxa néxa,” cham'a apha nak kaxwo', cham'a aphama axta nahan nano' axta, cham'a peya nak han ewata'.

APOCALIPSIS 1:9

Ko'o Juan sektaha nak may'áseykmoho xamo' kéxegke Cristo, Jesús sekyepetcheyo keñamak sewákxoho nahan ko'o xa sekteme señama nepyeseksa Dios énxet'ák apagkok tén han sewákxoho seklegeykegkoho xamo' kéxegke, tén han sewákxoho m'a ektémakxa nak kélwaskápeykekxoho, yakwayam enxoho alenmaxaxkohok seklegeykegkoho ko'o. Elhésekmek axta ko'o yókxexma étkok ekwesey Patmos, eñama seklegaso m'a amya'a eñama nak Dios, cham'a aptemésesama axta ekmámnaksoho Jesús.

APOCALIPSIS 16:5

Keñe axta sekleg'a ko'o appeywa Dios apchásenneykha ektaha nak aptakmelcheso yegmen. Aptahak axta s'e: “Xép apteme appéwomo eñama apyekpelchásesamo xa ektaha nak, Xép O Dios aptakmalma, apha nak kaxwo', tén han ma'a aphama axta nahan nano' axta,

APOCALIPSIS 2:12

“Etáxéses nahan Dios apchásenneykha nak ma'a apchakneykekxexa nak énxet tegma apwányam Pérgamo: ‘Keso ektahakxa nak appeywa m'a ekyetna nak ánet nekha ekmahanta sókwenakte apagkok:

APOCALIPSIS 2:18

“Etáxéses nahan Dios apchásenneykha nak ma'a apchakneykekxexa nak énxet tegma apwányam Tiatira: ‘Keso apxeyenma nak Dios Apketche s'e, cham'a ekhó nak táxa eyálewe apakta'ák, keñe m'a apmagkok ekhó sawo ekyentaxno kélyamasmol'a neyseksa táxa amonye kélyenmaso;

APOCALIPSIS 2:8

“Etáxéses nahan Dios apchásenneykha nak ma'a apchakneykekxexa nak énxet tegma apwányam Esmirna: ‘Keso ektémakxa nak appeywa aptaha nak eyeynókxa tén han ma'a ektemegwánxa néxa, cham'a apketsapma axta, cham'a apha nak makham:

APOCALIPSIS 22:16

“Ko'o Jesús, eyáphásek ko'o seyásenneykha apkeñama néten yakwayam eltennaksek ekyókxoho apchakneykekxexa énxet ektéma nak xa, ko'o sekteme señama nepyeseksa David aptawan'ák neptámen, ko'o nahan sekteme yaw'a apwányam apteyapmol'a axto'o agko'.”

APOCALIPSIS 22:8

Ko'o Juan, ekwet'ak axta ko'o xa aksok nak, ekleg'ak axta nahan. Eltekxekkek axta ko'o etapnák apkenmágkaxa Dios apchásenneykha ektaha axta sexekmóso xa, ekmokók axta alpeykeshok, natámen sekweté xa, tén han natámen seklegé.

APOCALIPSIS 3:1

“Etáxéses nahan xép Dios apchásenneykha nak ma'a apchakneykekxexa nak énxet tegma apwányam Sardis: ‘Keso aptahakxa nak appeywa apyetna nak siete espíritus apkeñama Dios se'e, cham'a apyetna nak han siete yaw'a: Ekya'ásegkok ko'o ekyókxoho aksok apkelané nak xép, ekya'ásegkok nahan apketsapma exchep, kélanagkamchek eykhe keynnakték apyempehek neyseksók apha.

APOCALIPSIS 3:14

“Etáxéses nahan Dios apchásenneykha nak ma'a apchakneykekxexa nak énxet tegma apwányam Laodicea: ‘Keso aptahakxa nak appeywa aptaha nak apmámnaksoho s'e, aptaha nak han meyeykháseykegkoho appeywa, ekmámnaksoho agko' nahan etnehek appeywa, aptaha nak han eñamakxa ekyókxoho aksok ektaha axta Dios apkelané:

APOCALIPSIS 3:7

“Etáxéses nahan Dios apchásenneykha nak ma'a apchakneykekxexa nak énxet tegma apwányam Filadelfia: ‘Keso aptahakxa nak appeywa m'a aptaha nak aptakmalma, aptaha nak han apmámnaksoho, cham'a apmeykencha'a nak wese' apwányam David ketchesama átog apagkok, cham'a magmowána nak agápekxa' apmeykesa enxoho m'a, magwanchek nahan agmeykesek apchapeykxo enxoho;

APOCALIPSIS 4:5

Tekkek axta cha'a elyenma ekyetnakxa m'a taháno ektakmalma nak, tekkek axta anhan cha'a kélpeywa, tén han ekhó takha' appáwá, kelálewágkek axta anhan siete táxa amonye ekhágkaxa xa taháno nak. Siete espíritus apkeleñama Dios axta m'a.

APOCALIPSIS 4:8

Seis axta cha'a apxempenák xama xa hawók nápakha aphó énxet nak, xámok axta kélakta'ák ekheyegko apyempe'ék, tén han ma'a kañe' apwáxok. Yókxoho ekhem, yókxoho axta'a axta meyenseyam aptéma cha'a apkelpeywa s'e: “¡Aptakmalma, aptakmalma, aptakmalma Wese' egegkok Dios ekha apyennakte, cham'a aphama axta nano', keso apha nak makham kaxwo' nak, cham'a peya nak han ewata'!”

APOCALIPSIS 5:6

Keñe axta sekwet'a ko'o Nekkések Apketkok neyseksók xa taháno ektakmalma nak, ekwet'ak axta anhan hawók nápakha énxet apkeleñama néten apwakha'a xa Nekkések Apketkok nak, keñe axta anhan apwakha'a Nekkések Apketkok ma'a apkelámha apmonye'e nak. Apyagkak axta xa Nekkések Apketkok nak, máxa axta eyke entemék apmatñama enxoho. Siete axta apkepet'ák, siete axta anhan apakta'ák. Cháxa siete espíritu apkeleñama Dios kéláphaso cha'a náxop xa.

APOCALIPSIS 8:2

Keñe axta sekwet'a ko'o siete Dios apkelásenneykha apkeleñama néten apchakneyncha'a nápakto' Dios. Apkelxawágkek axta siete kélakkahaso.