APOCALIPSIS 1:3 - Lengua Sur (Enxet) Nuevo Testamento

³ Apkeleñémo agko' énxet ektaha nak apkelyetseté xa amya'a ekxeyenma nak yakwánxa katnehek, apkeleñémo nahan ma'a ektaha nak apháxenmo, cham'a apkelyaheykekxoho nak ektémakxa eknaktáxésamaxche, hakte chágketwokmek kaxwo' ekhem yakwánxa nak katnehek xa.

APOCALIPSIS 1:3 ပူးပေါင်းရင်းမြစ်များ

SAN MATEO 24:15

“Aptáxésegkek axta Daniel aptaha axta Dios appeywa aplegaso m'a aksok ekmaso agko' ektawáseykencha'a axta tegma appagkanamap. Kélwet'ak sat agkok kéxegke ekyetna aksok ekmaso m'a kañe' tegma appagkanamap ekpagkanamaxchexa nak —kéxegke ektahakxa enxoho kélyetseté s'e, kólya'asagkoho ektémakxa—,

SAN LUCAS 11:28

Aptahak axta apchátegmowágko Jesús se'e: —¡Akke nakso' apkeleñémo m'a énxet apháxenmo nak Dios appeywa, tén han ma'a apkelyaheykekxoho nak ektémakxa!

ROMANOS 13:11

Kaxénmakha cha'a kélwáxok ektémakxa nak negha keso kaxwo' nak, kólya'asagkoho wokmek kaxwo' nenxátekheykxa. Hakte chágketwa'ak kaxwo' yakwánxa nak ólwagkasaxchek teyp, eyeynamo m'a sekxo' axta nentéma magya'áseyam.

ROMANOS 13:12

Yeyk'ak kaxwo' axta'a, ketó' ekteyapmakxa ekhem; ólwataksek hana nenlané aksok elánamáxkohol'a ekyaktésakxaxma, ólmekxak hana nelmeykha eleñama nak neyseksa elseyexma, ektémakxal'a sẽlpextétamo apkelmeykha.

1 SAN PEDRO 4:7

Kólteme kéxegke kélmowána kóllanagkohok kéltémakxa, kólteme nahan cha'a ekmámnaksoho nempeywa nelmaxnagko, hakte chágketwokmek yakwánxa nak kalmassegwók ekyókxoho aksok.

2 SAN PEDRO 3:8

Elyáxeg selásekhayo; nágkalwagkamák aksa aptemésesama Wese' egegkok máxa xama ekhem agko' ma'a mil apyeyam nak, keñe m'a mil apyeyam nak aptemésesa máxa xama ekhem agko' la'a.

APOCALIPSIS 22:10

Aptahak axta nahan seyáneya s'e: “Ná ekpós aksa s'e amya'a ekxeyenma nak yakwánxa katnehek egmonye, eknaktáxésamaxko nak se'e weykcha'áhak nak, hakte chágketwokmek kaxwo' ekhem yakwánxa nak kasawhaxkohok katnehek xa.

APOCALIPSIS 22:12

“Nakso', kaxwo' sat awata' asantámhok sat nahan ko'o ekyakmageykekxa m'a ektémakxa enxoho aksok apkelané énxet.

APOCALIPSIS 22:20

Aptahak appeywa ektaha nak apxeyenma s'e: “Nakso', kaxwo' sat awata'.” Katnahagkok sat. ¡Exyem Wese' Jesús!

APOCALIPSIS 3:11

Kaxwo' sat awata'. Etakmelches xa aptémakxa nak cha'a, yakwayam enxoho méko keymentók ma'a aksok apxawé naksa nak xép.