APOCALIPSIS 1:2 - Lengua Sur (Enxet) Nuevo Testamento

² Apkeltennáha axta Juan ekmámnaksoho agko' ekyókxoho aksok ektahakxa axta apweté, cham'a aptaha nak han apxeyenma m'a amya'a eñama nak Dios, cham'a amya'a apkeltenneykencha'a axta anhan Jesucristo.

APOCALIPSIS 1:2 ပူးပေါင်းရင်းမြစ်များ

SAN JUAN 1:32

Aptahak axta anhan Juan apxéna s'e: “Ekwet'ak axta ko'o Espíritu Santo apwéweynto apkeñama néten, máxa axta aptahak wáx'ay apyakwa'a apyetseksek.

SAN JUAN 12:17

Apkeltennáha axta ektahakxa aksok apkelweté m'a énxet'ák ektaha axta apkelxegexma'a Jesús, cham'a apwónencha'a axta Lázaro kañe' takhaxpop tén han ma'a ektahakxa axta apxátakhásekmo.

SAN JUAN 19:35

Cháxa énxet ektaha axta apweteykegkoho xa, ektaha nak han apxeyenma xa, ekmámnaksoho nahan apxeyenma; apya'ásegkok nahan aptéma ekmámnaksoho appeywa, yakwayam enxoho kóltehek kéxegkáxa megkólya'áseyam.

SAN JUAN 21:24

Cháxa Jesús apkeltámeso ektaha axta apxeyenma xa, ektaha axta anhan apchásekhayókxa Jesús, axta nahan aptáxéso m'a. Negya'ásegkok negko'o ektaha ekmámnaksoho aksok apxeyenma.

SAN JUAN 3:11

Nenxénchek cha'a negko'o m'a negya'áseykegkoho nak, nenxénchek nahan cha'a m'a aksok negwetayo nak; kélya'áseykmek eyke kéxegke nentémakxa nak cha'a neltennaso kéxegke. Nakso' xa sektahakxa nak seyáneya exchep.

LOS HECHOS 22:15

Xép sat etnehek apkeltenneykha nápakta'awo' apyókxoho énxet'ák xa ektahakxa nak apweté, eltennaha sat xép ma'a aksok apweté tén han ma'a aplegé nak.

LOS HECHOS 26:16

Yempekxa néten, etnamha, emenyék ko'o atnehek seyásenneykha exchep, tén han etnehek apxeyenma xa ektahakxa nak apweté, tén han ma'a peya sat étak eñama nak ko'o, cháxa keñamak sekxekmowásexkoho nak xép xa.

LOS HECHOS 4:20

Magwanchek negko'o ólwátesók nenxeyenma m'a aksok negwetaya nak, tén han ma'a nenlegaya nak.

1 CORINTIOS 1:6

Hakte ekmámnaksoho temegwokmok ekyetno kélnepyeseksa kéxegke m'a amya'a ekxeyenma nak Cristo Jesús.

1 CORINTIOS 2:1

Elyáxeg, axta ko'o amáha ektémakxa nak negmowána nempeywa, tén han ma'a amya'a magmowána nak agya'asagkohok, cham'a sekmahágko axta kélnepyeseksa kéxegke seltennáseyncha'a amya'a ekmámnaksoho eñama Dios ektaha nak ekyexamaxche.

1 SAN JUAN 1:1

Nentáxesásak negko'o kéxegke neltennasa m'a amya'a ekyennaktésamo egnenyek ekyetnama axta sekxo' agko', cham'a nenlegaya axta tén han ma'a negwetaya axta, hakte negwetayak axta negko'o xa amya'a ekyennaktésamo nak egnenyek, nempaknegweykmók axta anhan.

1 SAN JUAN 4:14

Negko'o egagko' axta negweté xa, neltenneykha nahan nenxeyenma m'a apcháphásama axta Dios Egyap Apketche yakwayam elwagkasek teyp énxet'ák apheykha nak keso náxop.

3 SAN JUAN 1:12

Apyókxoho énxet'ák cha'a takmelak apxeyenma Demetrio, ekmámnaksoho aptémakxa nahan keñamak ekwetamaxche aptaha ektakmela aptémakxa. Nenxénchek nahan cha'a negko'o xa aptaha ektakmela aptémakxa Demetrio. Apya'ásegkok nahan xép ekmámnaksoho cha'a nentémakxa negko'o nempeywa.

APOCALIPSIS 1:11

Entahak axta amya'a seyáneyáxko s'e; “Etaxés sat weykcha'áhak ektahakxa nak apweté, yapháses sat ma'a siete apchakneykekxexa nak yókxexma Asia, cham'a Efeso tén han ma'a Esmirna, tén han ma'a Pérgamo, tén han ma'a Tiatira, Sardis, Filadelfia, tén han ma'a Laodicea.”

APOCALIPSIS 1:19

Etaxés ektahakxa nak aksok apweté: cham'a ekyetna nak kaxwo' tén han ma'a peya sat nahan kataxchek.

APOCALIPSIS 1:9

Ko'o Juan sektaha nak may'áseykmoho xamo' kéxegke Cristo, Jesús sekyepetcheyo keñamak sewákxoho nahan ko'o xa sekteme señama nepyeseksa Dios énxet'ák apagkok tén han sewákxoho seklegeykegkoho xamo' kéxegke, tén han sewákxoho m'a ektémakxa nak kélwaskápeykekxoho, yakwayam enxoho alenmaxaxkohok seklegeykegkoho ko'o. Elhésekmek axta ko'o yókxexma étkok ekwesey Patmos, eñama seklegaso m'a amya'a eñama nak Dios, cham'a aptemésesama axta ekmámnaksoho Jesús.

APOCALIPSIS 12:11

Apkelmalanchek axta ẽlyáxeg'a xa eñama m'a apyegkenma axta éma apagkok Nekkések Apketkok eñama nahan ma'a apkellegaso axta amya'a ektakmela agko' xa énxet'ák nak; axta elayeyk eletsapok apmayheykegkok axta aksa eletsapok.

APOCALIPSIS 12:17

Ekeso eñamakxa ektaknókoho agko' axta kelán'a m'a yéwa ekwányam nak, keñe axta elnápexko aksa m'a apkeleymomap nak atawan'ák natámen xa kelán'a nak, axta kelenmexak ma'a énxet'ák ektaha nak apkelyaheykekxoho apkeltémókxa nak antehek Dios tén han ma'a meyenseyam nak apkelxeyenma apwesey Jesús.

APOCALIPSIS 20:4

Ekwet'ak axta ko'o taháno ektakmalma yetlo apheykha néten ma'a apkelxawágko axta kélyaheykekxoho yakwayam etnehek apkelyekpelchémo apyókxoho énxet'ák. Ekwet'ak axta nahan ko'o aphagák ma'a ektaha axta kélyaktencháseyak apyespa'ák eñama meyenseyam apkeltenneykha Jesús apwesey tén han ma'a amya'a eñama nak Dios. Axta elpeykesamok aksok nawhak eklo xa énxet'ák nak, axta nahan elpeykesamok ma'a kéleykmáseso kélheyásekegkoho nak aksok nawhak eklo, axta nahan yahayók keytek elkahaso aksok nawhak eklo m'a ekpayhakxa nápát, esenhan ma'a apmek. Ekwet'ak axta nahan ko'o apnakxétekhágwokmo xa énxet'ák nak. Kelwese'e axta aptamhágkok xamo' Cristo ekweykmoho mil apyeyam.

APOCALIPSIS 22:21

Wese' egegkok Jesús sat etnehek apméso naksa kélyókxoho kéxegke m'a ektémakxa nak segemleykekxoho.

APOCALIPSIS 6:9

Xama axta ekwokmo cinco apleklo yampápa kélapma Nekkések Apketkok, ekwet'ak axta ko'o m'a énxet'ák aptekyawa axta eñama apkellegaso Dios appeywa kóneg ma'a ekwatnamáxchexa axta cha'a aksok nawha'ák ekyanmaga mólya'asáxma.