APOCALIPSIS 1:16 - Lengua Sur (Enxet) Nuevo Testamento

¹⁶ Siete yaw'a axta aphágkok ma'a apmek ekpayhókxa nak apkelya'asamakxa, keñe axta apátog ektepa sókwenakte ánet nekha ekmahantal'a, máxa axta ekhem elyenma m'a nápát.

APOCALIPSIS 1:16 ပူးပေါင်းရင်းမြစ်များ

SAN MATEO 17:2

Nápakta'awo' axta yakmagkásak aptémakxa Jesús xa apkeltámeséyak nak, kelyenmeyk axta nápát ektémol'a ekhem, apkelmopé axta aptamhákxak apkelnakta ektémol'a chálewaso.

LOS HECHOS 26:13

Wese', náxet ámay neyseksa sekxega axta ko'o ekwet'ak ekweywento elseyexma eñama m'a néten, yetseksókhem axta m'a, kayhok agko' axta eyapogwaté m'a elseyexma nak, axta kaxnawok ma'a ekweykenxal'a elsasóxma ekhem. Kelsásek axta exma neyáwa ko'o tén han ma'a énxet'ák selxegexma'a axta ko'o.

EFESIOS 6:17

Kólma kéxegke nelwagkásamáxche teyp ektémol'a sẽlpextétamo apketcheso apkátek, yakwayam kólahakkasek kélpátek, kólma nahan kéxegke Dios appeywa ektémol'a agmaha sókwenakte, ektaha nak apméso kéxegke m'a Espíritu Santo.

HEBREOS 4:12

Hakte yetneyk ekyennakte Dios appeywa, yetneyk nahan ekmowána, ahamteyk agko' nahan, yeykhágweykmók ektémakxa ekmahanta m'a sawo ekwenakte ánet nekha ekmahantal'a, ektaxnegweykmohol'a kaño' agko' egwáxok ekweykmoho m'a ekyetnamakxa nak eghagák, kawomhok nahan ma'a kaño' agko' nak apexchakkok énxet; awanchek nahan kay'asagkohok ektémakxa nak elchetamso egwáxok, yáxñakxoho nahan kapekkenekxak ma'a ekmáheyókxa nak kalának egwáxok.

APOCALIPSIS 1:20

Cháxa aksok ekyexamaxche xa apwet'a exchek aphágko yaw'a émek ekpayhókxa nak selya'asamakxa, tén han ma'a apwet'a exchek siete chálewaso sawo ekyátekto elyenma; cham'a siete yaw'a nak, ekyetchesamaxkoho m'a Dios apkelásenneykha eláneykha nak ma'a siete apchakneykekxexa nak, keñe m'a siete chálewaso nak ekyetchesamaxkoho m'a kélakneykekxexa.

APOCALIPSIS 10:1

Ekwet'ak axta ko'o pók Dios apchásenneykha ekha apyennakte, apweywentek axta apkeñama néten, neyseksa yaphopé axta apkexyekmok, pemhet axta eyke apyetnak néten apyetseksek, kelyenmawok axta m'a nápát ektémol'a ekhem elyenma, keñe axta apyay'ák ekhawo m'a táxa elakneyak la'a elálewe.

APOCALIPSIS 12:1

Tekkek axta néten aksok sempelakkaso agko' nak agweta': xama kelán'a eyaklamaxche ekhem axta m'a ektémol'a apáwa, keñe axta apyetna pelten ma'a kóneg amagkok, keñe axta étcheso akkátek elyenma aphágko doce yaw'a.

APOCALIPSIS 19:15

Sókwenakte ekmahanta axta nahan tépak apátog, yakwayam emha ellegásesagkohok ma'a apyókxoho pók aptémakxa énxet'ák nak. Wese' sat etnehek yetlo meyke apmopyósa elanok pók, etnehek sat nahan apkelyekpelchémo apyókxoho énxet ekhawo aptémakxal'a m'a ektaha nak apkelyakhapma anmen yámet ekyexna, elagkok sat nahan ma'a Dios aplo ekxegakmo nak ektémol'a agyenek vino, cham'a Dios meyke ekhémo nak.

APOCALIPSIS 19:21

Keñe axta m'a apyókxoho énxet nak elnapa m'a sókwenakte ekteyapma axta apátog ma'a ektaha axta apchánte yatnáxeg, kelyakkanakmek axta anhan náta aphápetek xa énxet'ák nak.

APOCALIPSIS 2:1

“Etáxéses Dios apchásenneykha nak ma'a apchakneykekxexa nak énxet tegma apwányam Efeso: ‘Keso ektémakxa nak appeywa aphágko nak siete yaw'a apmek ekpayhókxa apkelya'asamakxa, cham'a apweynchamencha'a nak neyseksa chálewaso ekyátekto elyenma:

APOCALIPSIS 2:12

“Etáxéses nahan Dios apchásenneykha nak ma'a apchakneykekxexa nak énxet tegma apwányam Pérgamo: ‘Keso ektahakxa nak appeywa m'a ekyetna nak ánet nekha ekmahanta sókwenakte apagkok:

APOCALIPSIS 2:16

Ey'ókxa makham Dios. Sat agkok etnahak xa, kaxwo' sat ay'óta' xép yakwayam ataknawagwata', sókwenakte ekteyapmol'a ahátog sat amha yakwayam annapaxchek xa énxet'ák nak.

APOCALIPSIS 3:1

“Etáxéses nahan xép Dios apchásenneykha nak ma'a apchakneykekxexa nak énxet tegma apwányam Sardis: ‘Keso aptahakxa nak appeywa apyetna nak siete espíritus apkeñama Dios se'e, cham'a apyetna nak han siete yaw'a: Ekya'ásegkok ko'o ekyókxoho aksok apkelané nak xép, ekya'ásegkok nahan apketsapma exchep, kélanagkamchek eykhe keynnakték apyempehek neyseksók apha.