APOCALIPSIS 1:11 - Lengua Sur (Enxet) Nuevo Testamento

¹¹ Entahak axta amya'a seyáneyáxko s'e; “Etaxés sat weykcha'áhak ektahakxa nak apweté, yapháses sat ma'a siete apchakneykekxexa nak yókxexma Asia, cham'a Efeso tén han ma'a Esmirna, tén han ma'a Pérgamo, tén han ma'a Tiatira, Sardis, Filadelfia, tén han ma'a Laodicea.”

APOCALIPSIS 1:11 ပူးပေါင်းရင်းမြစ်များ

LOS HECHOS 16:14

Lidia axta ekwesey xama xa kelán'ák nak, tegma apwányam Tiatira axta keñamak. Apáwa hómáyok apkeltakmalma axta exeykekxa. Kalpeykeshok axta cha'a Dios xa kelán'a nak, haxnawók axta kéltenneykha, keñe axta aptemésesa Wese' egegkok yakwayam katakmelcheshok agko' ekháxenmo ektahakxa apkeltenneykha Pablo.

LOS HECHOS 18:24

Chakhémok axta anhan apweykmo Efeso xama énxet judío apwesey axta Apolo. Tegma apwányam Alejandría axta apkeñamak ma'a. Apwanchek axta apkeltenneykha m'a. Apya'ásegkok axta anhan ektémakxa nak eknaktáxésamaxche Dios appeywa.

LOS HECHOS 20:17

Apkeltamhok axta Pablo kóltennásekxak énxet'ák apkelámha apmonye'e nak kélakneykekxexa tegma apwányam Efeso, cham'a neyseksa apha axta tegma apwányam Mileto.

1 CORINTIOS 15:32

Elnápexchék axta ko'o aksok nawha'ák ello m'a tegma apwányam Efeso, wánxa agkok, ¿yaksak axta segkésa ko'o m'a? Nakso' agkok menakxátekhágweykmo cha'a m'a énxet'ák apkeletsapma axta, nakso' katnehek ektémakxa nak cha'a amya'a s'e: “¡Antawagkok, agyenagkok nahan, saka sat óletsapok!”

1 CORINTIOS 16:8

tegma apwányam Efeso sat eyke axnakxak ekweykmoho m'a ekhem mólwagkayam Pentecostés la'a,

EFESIOS 1:1

Ko'o Pablo sekteme Jesucristo seykha amya'a apagkok eñama Dios apmopmenyého. Enxet'ák apheykha tegma apwányam Efeso ektáxesásak ko'o s'e weykcha'áhak nak, cham'a apkelánamákpoho nak Dios énxet'ák apagkok, cham'a melya'áseyam nak han Cristo Jesús.

COLOSENSES 2:1

Eltamhok ko'o kólya'ásegwomhok selenxanakmoho sektamheykha ekyentaxno agko' yakwayam apasmok kéxegke, tén han ma'a énxet'ák apheykha nak tegma apwányam Laodicea, tén han ma'a apyókxoho énxet mehetaya nak makham sekyókxoho.

1 TIMOTEO 1:3

Exnekxa' sat xép Efeso, ekhawo sektahakxa axta seyáneya amonye sekmaheyak ma'a Macedonia, yakwayam enxoho yának melxekmósek nápakha énxet'ák ma'a nelxekmowásamáxche megkamámnaksoho nak,

APOCALIPSIS 1:17

Xama axta sekwet'a ko'o xa, elpólenteyk axta náxop apkenmágkaxa ektémol'a ótsapok, wánxa agkok, aptahak axta seyáneya sepaknegwa'awo apmek ekpayhókxa apkelya'asamakxa s'e: “Náheyé', ko'o sekteme eyeynókxa tén han ektemegwánxa néxa,

APOCALIPSIS 1:19

Etaxés ektahakxa nak aksok apweté: cham'a ekyetna nak kaxwo' tén han ma'a peya sat nahan kataxchek.

APOCALIPSIS 1:2

Apkeltennáha axta Juan ekmámnaksoho agko' ekyókxoho aksok ektahakxa axta apweté, cham'a aptaha nak han apxeyenma m'a amya'a eñama nak Dios, cham'a amya'a apkeltenneykencha'a axta anhan Jesucristo.

APOCALIPSIS 1:20

Cháxa aksok ekyexamaxche xa apwet'a exchek aphágko yaw'a émek ekpayhókxa nak selya'asamakxa, tén han ma'a apwet'a exchek siete chálewaso sawo ekyátekto elyenma; cham'a siete yaw'a nak, ekyetchesamaxkoho m'a Dios apkelásenneykha eláneykha nak ma'a siete apchakneykekxexa nak, keñe m'a siete chálewaso nak ekyetchesamaxkoho m'a kélakneykekxexa.

APOCALIPSIS 1:4

Ko'o Juan, ektáxésesek ko'o siete apchakneykekxexa nak ma'a yókxexma Asia. Kólma kéxegke segméso naksa nak Dios segemleykekxoho, tén han ma'a meyke ektahakxa egwáxok eñama nak ma'a Dios, cham'a apha nak kaxwo', cham'a aphama axta nahan nano' axta, cham'a peya nak han ewata', cháxa eleñama nak han ma'a siete espíritu apheyncha'a nak nápakto' Wese' apwányam Dios aphamakxa xa,

APOCALIPSIS 1:8

Aptahak Wese' Dios ekha apyennakte s'e: “Ko'o sekteme eyeynókxa tén han ektemegwánxa néxa,” cham'a apha nak kaxwo', cham'a aphama axta nahan nano' axta, cham'a peya nak han ewata'.

APOCALIPSIS 10:4

Peyk axta eykhe ko'o ataxaksek ekmassa apkelpáwá xa siete takha' nak, wánxa agkok, ekleg'ak axta ko'o kélpeywa eñama néten. Entahak axta amya'a s'e: “Né etekkesha aksa amya'a aptahakxa nak apkelpakmeyesma xa siete takha' nak, né etaxés nahan.”

APOCALIPSIS 14:13

Keñe axta sekleg'a ko'o kélpeywa eñama néten. Entahak axta amya'a s'e: “Etne aptáxéso s'e: ‘Apkeleñémo agko' kaxwo' énxet'ák peya nak eletsapok eñama apkelyepetcheyo Wese' egegkok. Apkeleñémo agko' sat nahan ma'a egmonye sat’ ” “Nakso', —aptahak Espíritu—, kamaskok sat apkeltamheyncha'a, hakte pasmomchek ma'a ektémakxa axta apkeltamheykha.”

APOCALIPSIS 19:9

Aptahak axta seyáneya Dios apchásenneykha s'e: “Etaxés ektéma nak se'e: ‘Apkeleñémo sat énxet ektaha nak kéláneyeykha yakwayam epásegwók Nekkések Apketkok elyamhopma.’ ” Axta nahan aptahak seyáneya s'e: “Cháxa amya'a ektaha nak ekmámnaksoho agko' eñama Dios xa.”

APOCALIPSIS 2:1

“Etáxéses Dios apchásenneykha nak ma'a apchakneykekxexa nak énxet tegma apwányam Efeso: ‘Keso ektémakxa nak appeywa aphágko nak siete yaw'a apmek ekpayhókxa apkelya'asamakxa, cham'a apweynchamencha'a nak neyseksa chálewaso ekyátekto elyenma:

APOCALIPSIS 2:12

“Etáxéses nahan Dios apchásenneykha nak ma'a apchakneykekxexa nak énxet tegma apwányam Pérgamo: ‘Keso ektahakxa nak appeywa m'a ekyetna nak ánet nekha ekmahanta sókwenakte apagkok:

APOCALIPSIS 2:18

“Etáxéses nahan Dios apchásenneykha nak ma'a apchakneykekxexa nak énxet tegma apwányam Tiatira: ‘Keso apxeyenma nak Dios Apketche s'e, cham'a ekhó nak táxa eyálewe apakta'ák, keñe m'a apmagkok ekhó sawo ekyentaxno kélyamasmol'a neyseksa táxa amonye kélyenmaso;

APOCALIPSIS 2:24

Kéxegke kélheykha nak tegma apwányam Tiatira megkólyetleykekxa nak xa nelxekmowásamáxche nak, megkaltámeyeykegko nak han ma'a apkeltamhomol'a cha'a nápakha énxet aksok ekyexamaxche eñama Satanás, eltennásek ko'o mamoko agkeyásekxak makham kéxegke kéltamheykha ekyentaxno.

APOCALIPSIS 2:8

“Etáxéses nahan Dios apchásenneykha nak ma'a apchakneykekxexa nak énxet tegma apwányam Esmirna: ‘Keso ektémakxa nak appeywa aptaha nak eyeynókxa tén han ma'a ektemegwánxa néxa, cham'a apketsapma axta, cham'a apha nak makham:

APOCALIPSIS 21:5

Aptahak axta appeywa m'a ektaha axta apha néten aptaháno ektakmalma. Entahak axta appeywa s'e: “Elanak ko'o axnagcha'ák ekyókxoho aksok.” Aptahak axta nahan se'e: “Etaxés xa, hakte ekmámnaksoho agko' xa amya'a nak, payhawok nahan kóltehek megkólya'áseyam.”

APOCALIPSIS 22:10

Aptahak axta nahan seyáneya s'e: “Ná ekpós aksa s'e amya'a ekxeyenma nak yakwánxa katnehek egmonye, eknaktáxésamaxko nak se'e weykcha'áhak nak, hakte chágketwokmek kaxwo' ekhem yakwánxa nak kasawhaxkohok katnehek xa.

APOCALIPSIS 22:16

“Ko'o Jesús, eyáphásek ko'o seyásenneykha apkeñama néten yakwayam eltennaksek ekyókxoho apchakneykekxexa énxet ektéma nak xa, ko'o sekteme señama nepyeseksa David aptawan'ák neptámen, ko'o nahan sekteme yaw'a apwányam apteyapmol'a axto'o agko'.”

APOCALIPSIS 3:1

“Etáxéses nahan xép Dios apchásenneykha nak ma'a apchakneykekxexa nak énxet tegma apwányam Sardis: ‘Keso aptahakxa nak appeywa apyetna nak siete espíritus apkeñama Dios se'e, cham'a apyetna nak han siete yaw'a: Ekya'ásegkok ko'o ekyókxoho aksok apkelané nak xép, ekya'ásegkok nahan apketsapma exchep, kélanagkamchek eykhe keynnakték apyempehek neyseksók apha.

APOCALIPSIS 3:14

“Etáxéses nahan Dios apchásenneykha nak ma'a apchakneykekxexa nak énxet tegma apwányam Laodicea: ‘Keso aptahakxa nak appeywa aptaha nak apmámnaksoho s'e, aptaha nak han meyeykháseykegkoho appeywa, ekmámnaksoho agko' nahan etnehek appeywa, aptaha nak han eñamakxa ekyókxoho aksok ektaha axta Dios apkelané:

APOCALIPSIS 3:4

Yetneyk eyke nápakha énxet melpeysegkeso apkelnakta xa Sardis; selxegexma'a sat ko'o atnehek yetlo nelántaxneykekxa apáwa apkelmopé, hakte payhawók elántaxnekxak xa énxet'ák nak.

APOCALIPSIS 3:7

“Etáxéses nahan Dios apchásenneykha nak ma'a apchakneykekxexa nak énxet tegma apwányam Filadelfia: ‘Keso aptahakxa nak appeywa m'a aptaha nak aptakmalma, aptaha nak han apmámnaksoho, cham'a apmeykencha'a nak wese' apwányam David ketchesama átog apagkok, cham'a magmowána nak agápekxa' apmeykesa enxoho m'a, magwanchek nahan agmeykesek apchapeykxo enxoho;