2 TIMOTEO 3:3 - Lengua Sur (Enxet) Nuevo Testamento

³ Metnehek sat apchásekhayo pók, megyepyósek sat nahan elanok pók, apkelya'áseyam ekmaso sat etnahagkok, mopwanchek sat elenmaxakpohok ma'a aksok ekmaso apkelyespagko nak, ellegásesagkohok sat nahan apnámokkok, etaknók sat ma'a ekyókxoho aksok ektakmela nak.

2 TIMOTEO 3:3 ပူးပေါင်းရင်းမြစ်များ

SAN JUDAS 1:18

aptéma axta apkelanagkama s'e: “Etyapok sat énxet sẽsméso m'a eyágketwokmo sat néxa ekhem, wánxa sat elanagkok ma'a aksok ekmaso apkelyespagkamakxa nak.”

ROMANOS 1:31

mopmenyék nahan cha'a elyekpelchágwók, melanagkek nahan cha'a aptahakxa enxoho apkelpeywa, megyásekhók nahan cha'a xama énxet enxoho, eyakmagkásekxak nahan cha'a kéltemésesakxa ekmaso, megkapyósek nahan cha'a elanok pók.

SAN MATEO 10:21

“Yának sat etekyók apkelyáxeg énxet, keñe sat apyepmeyk yának etekyók ma'a apketchek; keñe sat ma'a kélketchek etnekxak apkenmexma apyepmeyk, elnápekxak sat nahan.

2 SAN PEDRO 2:14

Ñohok nahan cha'a katsapok apnenyek apwet'a enxoho kelán'a; megkalleklámeykegkok nahan apkeláneyak melya'asáxma, ñohok nahan cha'a ellekwomhok ma'a énxet'ák elyelkamáxkoho nak apteme melya'áseyam; elya'asagkohok nahan cha'a aptamhágkaxa yepmenyéhok selyakye; appagkanchesegkek nahan Dios yakwayam ellegásesagkohok xa énxet'ák nak.

1 TIMOTEO 3:11

Hawók nahan ma'a kelán'ák apnakteyegka'a nak énxet'ák appasmeykha nak kéltamheykha kélakneykekxexa, kéméxchek nahan katnehek ekha kéláyo, háwe m'a eltennágwayam naksa nátegma, kéméxchek nahan katnehek ma'a ekmowána nak elaneykegkoho ektémakxa, tén han ma'a megkayenseyam nak elané ekyókxoho ektamheykha ektakmela.

SAN MATEO 4:1

Apyentegkek axta Espíritu Jesús yókxexma meykexa énxet yakwayam enxoho keykkónek kelyekhama', natámen xa.

APOCALIPSIS 17:6

Keñe axta sekwet'a ko'o ekyeykesáxma kelán'a m'a Dios énxet'ák apagkok éma apagkok nak ektémol'a hegakhek anmen, tén han éma apagkok ma'a énxet'ák ektaha axta aptekyawa eñama melyenseyam apteme melya'áseyam Jesús. Etlakkasek axta ko'o sekwet'a xa.

APOCALIPSIS 16:6

hakte apyegkenchesegkek axta éma apagkok, xép énxet'ák apagkok xa énxet'ák nak, apyegkenchesegkek axta nahan éma apagkok ma'a énxet'ák ektaha nak apkellegaso xép appeywa. Kaxwo' eyke, apkelágkek xép éma xa énxet'ák nak, hakte payhawok elagkok.”

APOCALIPSIS 13:17

Méko axta kawának kamok ekha ekyanmaga aksok méko enxoho kélkahaso ekwesey m'a aksok nawhak eklo nak, méko axta anhan kawának keyñekxa', esenhan ma'a megkeytna enxoho ekwánxa nak número ekwesey.

APOCALIPSIS 13:15

Xakak axta ekmowána xa mók aksok nawhak eklo ekteyapma axta axayo', yakwayam enxoho kawátekhápok xa kéleykmáseso kélheyaseykegkoho nak émha amonye aksok nawhak eklo, yakwayam enxoho kapakmétek xa kéleykmáseso nak, tén han kának etekyók ma'a apyókxoho énxet ektaha nak melpeykesamo xa kéleykmáseso nak.

SAN JUDAS 1:16

Elpakmésmakha cha'a megkalchek apwáxok ekyókxoho aksok xa énxet'ák nak, ekyókxoho aksok nahan cha'a exénmakha, wánxa aksa apmenyék kalpeykesásekxak apwáxók ma'a apkelmopmenyého apancha'awo' nak. Kaleyxkohok nahan cha'a apkelpeywa, katakmelmakha nahan cha'a appeywa elának apnámokkok yakwayam elmaxnak aksok.

2 SAN PEDRO 3:3

Akke ekyagwánxa agkok ektakmela kaxénmakha kélwáxok se'e: Chágketwokmek sat agkok néxa ekhem, etyapok sat énxet apkeláneyak nak aksok ekmaso apkelyespagkamakxa nak, cham'a énxet'ák segya'áseykmohol'a.

SANTIAGO 2:6

Kélwanyawok eyke kéxegke m'a énxet'ák meyke nak aksok apagkok. ¡kélwese'e neykhe m'a apnaktawáseykegkoho nak kéxegke, cham'a apkelyegeykegkohol'a nahan enaklók kéxegke nápakto' segyekpelchémo!

TITO 2:3

Hawók nahan ma'a kelán'ák elwányam nak, kéméxchek katnahagkok ma'a ektémakxal'a kelán'ák ekteme nak eyáyo Dios. Megkatnehek ma'a eltennágwayam aksa nak nátegma ekmowána amya'a, megkatnehek nahan ma'a anmenáto nak, kéméxchek kaxekmóshok ektakmela ektémakxa námokkok,

TITO 1:8

Wánxa agkok, kéméxchek cha'a emok takha pók exnésók ma'a apxagkok, tén han etnehek ma'a énxet ektakmela nak aptémakxa, cham'a apmopwána nak elanagkohok aptémakxa, kéméxchek nahan etnehek ma'a ekpéwomo nak aptémakxa, etnehek nahan appagkanchásamap Dios, etnehek nahan cha'a meyenseyam apkelané aptamheykha.

1 TESALONICENSES 4:8

Kéxegke ektahakxa enxoho kéltaknagko s'e nelxekmowásamáxche nak, megkóltaknaweyk xama énxet, wánxa kéltaknawé m'a Dios aptaha axta apméso kéxegke Espíritu Santo apagkok.

1 CORINTIOS 7:9

Wánxa agkok, megkólwanchek agkok kelláneykegkoho kéltémakxa kélagko' nak, kóltegye kélnakteyegka'a, ektakmela agko' kóltegyek kélnakteyegka'a yakwayam enxoho megkayekhágwomók agko' kélmáheyo kóllának ma'a aksok kélyespagko nak.

1 CORINTIOS 7:5

Ekeso eñamakxa, kólyahakxoho cha'a kélnakteyegka'a, kélmoko enxoho kólának ma'a nentémakxal'a ekha entáwa. Kélwanchek eyke megkólyepetchaha sekxo' kélmók yakwatakxoho, cham'a ekhawo enxoho mók kélpakmeyesma, yakwayam kóltehek nempeywa nelmaxnagko mók xama ekhem. Natámen akke, kéméxchek kólyepetchekxak makham kélmók, hakte kalanaksek katnehek megkólya'asáxma Satanás, eñama megkólenmáxamáxkoho m'a aksok kélyespagko nak.

SAN JUAN 6:70

Aptahak axta apchátegmowágko Jesús se'e: ko'o axta selyéseykha kéxegke xa doce nak. Wánxa agkok, kelyekhama' eyke kélxama kéxegke.

SAN LUCAS 16:14

Xama axta apkelleg'a énxet'ák fariseos ektaha axta apkelyekhásamákpoho apkelmopmenyého selyakye xa, apya'ásekmek axta apkelleg'a ektahakxa apkeltenneykha Jesús.

SAN LUCAS 10:16

“Enxet'ák ektahakxa enxoho apháxenmo kéltenneykha kéxegke, yeyxhok nahan ko'o xa sekpeywa; énxet'ák aptaknawe enxoho kéxegke, hetaknók nahan ko'o xa; énxet ektahakxa enxoho setaknagko ko'o, aptaknókek nahan ma'a aptaha axta seyáphaso.”

2 SAN PEDRO 2:19

Eltennaksek cha'a kéxegke kélewagko kóllának kélmokókxa enxoho kóllának xa énxet'ák nak, kelmomchek eyke anhan apwáxók aksok apkelyespagkamakxa xa énxet'ák nak, cham'a apkeltémakxa segmaséseykmohol'a; apyókxoho énxet cha'a kamok apwáxok ma'a aksok ekmomakxa enxoho apwáxok.

ROMANOS 1:29

Yeykhágweykmók apkeláneyak ma'a apkeltémakxa megkapéwomo nak, apkeltémakxa ekmanyása, apkeltémo eyeykhasakpohok aksok, tén han ekmaso apkeltémakxa. Apteme nahan apkelyásekkáseykha, apchakhe pók, apkelenmexamap, apkelyexancháseykha pók, apmopwána elanagkok aksok ekmaso, tén han aptekkesáseykha aksa apwesey pók.