2 CORINTIOS 7:9 - Lengua Sur (Enxet) Nuevo Testamento

⁹ payhekxeyk eyke kaxwo' ewáxok; akke keñamak ekpayheykekxa ewáxok ko'o m'a sekwet'a axta ellapwagkásegko kéxegke weykcha'áhak seyapháseso axta, akke keñamak ko'o ekpayheykekxa ewáxok ma'a ektemesáseykxo nak megkólya'áseyam Dios kéxegke xa ellapwámeyak nak. Dios axta apmopmenyého katnehek kéxegke xa ellapwámegko axta, háwe axta negko'o negyentaxnésesamo kélwáxok kéxegke;

2 CORINTIOS 7:9 ပူးပေါင်းရင်းမြစ်များ

SAN MATEO 3:8

Kólteme ektakmela kéltémakxa yakwayam enxoho kataxchek eyámnaksoho kélyakmagkaso kélwáxók.

SAN LUCAS 15:10

Eltennásek ko'o kéxegke m'a apyakmagkasa enxoho apwáxok xama énxet ekmaso nak aptémakxa, kalpayhekxak apwáxók Dios apkelásenneykha m'a néten.”

SAN LUCAS 15:32

Payhawók eyke anlának ektámáxche, tén han kalpayhekxak egwáxok, hakte apxátekhágwokmek kaxwo' apyáxeg apketsapma axta; apxegáneykmek axta, negwetákxeyk eyke kaxwo'.’ ”

SAN LUCAS 15:7

Eltennásek ko'o kéxegke m'a apyakmagkasa enxoho apwáxok xama énxet ekmaso nak aptémakxa, awanhek katnehek elpayheykekxa apwáxók énxet'ák apheykha nak néten, megkaxók ma'a ekweykenxal'a apkelpeykesáseykekxa apwáxók noventa y nueve énxet'ák eltakmela nak apkeltémakxa, cham'a megkeyméxko nak elyakmagkasek apwáxók.

LOS HECHOS 20:21

Eltennasegkek axta ko'o énxet'ák judíos seltémo elyakmagkasek apwáxók, tén han ma'a énxet'ák metnaha nak judíos, tén han seltémo etnehek melya'áseyam ma'a Wese' egegkok Jesús.

2 CORINTIOS 1:12

Yetneyk negko'o xama aksok segmésa nak ekpayheykekxa egwáxok, cham'a negya'áseykegkoho nak negko'o ektakmalma cha'a nentémakxa, tén han mampósamo cha'a nentémakxa keso náxop, ekyagwánxa agkok ma'a nentémakxa nak cha'a negko'o kélnepyeseksa kéxegke. Háwe negko'o sempékesáseyak ma'a ektémakxa nak negya'ásegwayam egagko', wánxa sempékesáseyak ma'a Dios segásekhayo nak.

2 CORINTIOS 2:16

Cháxa aksok ekmátsa ekpakneyam nak, temésesek cha'a ekpakneyam segakhamo m'a énxet'ák peya nak elmassegwók, keñe m'a énxet'ák peya nak elwagkasakpok teyp, temésesek cha'a ekmátsa ekpakneyam ekyennaktésamo egnenyek. ¿Yaksak eyewagko kalának xa nentamheykha nak?

2 CORINTIOS 7:8

Kellapwagkásegkek axta eykhe kéxegke weykcha'áhak sektáxéseso axta, akke kayakhakkásók kaxwo' ewáxok. Yakhápawók axta agkok ko'o ewáxok sekwet'a ellapwagkásegko kéxegke yakwatakxoho m'a weykcha'áhak sektáxéseso axta,