2 CORINTIOS 7:3 - Lengua Sur (Enxet) Nuevo Testamento

³ Háwe yakwayam axénchásekxohok kéltémakxa kéxegke sektaha nak seláneya kéxegke xa, ektemék axta eyke seláneya kéxegke nano' axta, cham'a selásekhayo cha'a ko'o kéxegke, yakwayam enxoho megkamassegwomek negyepetcheykha egmók, megkeyxek ma'a nétsapa enxoho esenhan ma'a mótsapa enxoho.

2 CORINTIOS 7:3 ပူးပေါင်းရင်းမြစ်များ

2 CORINTIOS 11:11

¿Yaksak ektaha sektaha nak sekpeywa xa? ¿Momenyék enxeykel'a ko'o kéxegke? ¡Apya'ásegkok eyke Dios selámenyého ko'o kéxegke!

2 CORINTIOS 12:15

Mamyágwakxék sat amha ko'o m'a ekyókxoho aksok ekyetna nak ko'o, kawomhok sat nahan sekyamasma sekyókxoho, yakwayam apasmok kéxegke. ¿Kasextegwóya sat selásekhayo kéxegke m'a ekyágwokmoho enxoho selásekhayo ko'o kéxegke?

2 CORINTIOS 13:10

Ektáxésesek kéxegke s'e weykcha'áhak nak amonye sekteyánegweykekxoho kéxegke, yakwayam enxoho meynnaktésaxkók amha m'a sekmowána nak alának aksok kélnepyeseksa kéxegke, cham'a segkésa axta Wese' egegkok, háwe eyke yakwayam amasésesók kélteme megkólya'áseyam kéxegke, yakwayam alyennaktésesek kélteme megkólya'áseyam akke.

2 CORINTIOS 3:2

Kéxegke kélagko' kélteme xa weykcha'áhak ekxeyenma nak ekyetna sẽlpasmo negko'o, eyéméxko nak negko'o, cham'a weykcha'áhak eknaktáxésamaxkohol'a kañe' egwáxok, ektémol'a weykcha'áhak apmopwánal'a elyekpelkohok apyókxoho énxet, tén han yepwának elyetsetek.

2 CORINTIOS 7:12

Axta ko'o kaxénak ewáxok énxet apteme axta aptekkeso ekmaso, megkaxénak nahan ewáxok ma'a énxet ektaha axta kéltemeseseykmoho exma, cham'a sektáxésesa axta kéxegke weykcha'áhak, axta eyke keñamak sektáxésesa kéxegke weykcha'áhak yakwayam enxoho katakmelhok ekwetamaxche nápakto' Dios ekyetna kéxegke ekyetnakhayo kélwáxok negko'o eñamakxa.

FILIPENSES 1:7

Payhawók agko' ko'o katnehek ekxeyenma ewáxok kélyókxoho kéxegke xa ektaha nak, hakte awanhok agko' ko'o selásekhayo kéxegke, hakte wákxók nahan kéxegkáxa kélxawé naksa m'a ektémakxa nak segemleykekxoho Dios, cham'a segkésa axta aksa ko'o, megkeyxek ma'a sekha enxoho sẽlpextétamakxa, esenhan selyentama enxoho nápakta'awo' ma'a kelwese'e ekha nak kélyaheykekxoho, yakwayam amyók tén han axének ektaha nakso' ma'a amya'a nelmeyamáxche nak.

1 TESALONICENSES 2:8

cháxa nentemésesamakxa nak han kéxegkáxa xa, yetlo ekyawe nelásekhayo negko'o kéxegke, háwe axta ekwánxa agkok negmámenyého agmések kéxegke tásek amya'a eñama nak Dios, wánxa agkok egmenyék axta nahan magmeyágwakxék negyókxa yakwayam antekyok, kéxegke eñamakxa, hakte awanhok agko' negko'o nelásekhayo kéxegke.