2 CORINTIOS 6:3 - Lengua Sur (Enxet) Nuevo Testamento

³ Magmeyásak cha'a negko'o nentémakxa ekmaso xama énxet enxoho, yakwayam enxoho megkaxénaxchék ekmaso m'a ektémakxa nak negko'o nentamheykha.

2 CORINTIOS 6:3 ပူးပေါင်းရင်းမြစ်များ

SAN MATEO 17:27

Emhok sekxo' ekpayhegwayam nak wátsam ekwányam, ényaw sat sókhaxé neygmen, eltegkes sat ma'a ektaswé amonye enxoho kelasma. Xama sawo selyakye sat étak kañe' awáxok. Kaxhok sat yakwayam agmések selyakye m'a tegma appagkanamap, xép tén han ko'o, yakwayam enxoho móllókasek énxet'ák. Esakxés sat, eyánmagkas sat nahan.

SAN MATEO 18:6

“Kéxegke ektahakxa enxoho kélláneso mey'asáxma sakcha'a apteme nak mehey'áseyam ko'o, tásek kóltetchesek kélyespok meteymog ekyawe yakwayam kaweykesagkok etawanyexa nak wátsam ekwányam.

LOS HECHOS 19:27

Awanchek hentawásesha nentamheykha xa, hakte kamassegwók katnehek ma'a ektémakxa nak cha'a negkexeykekxa aksok nenlané, kamassegwók nahan ekpayhekxo apxénamap ma'a tegma kélpeykesamókxa nak diosa Artemisa, keñe sat kamaskok kélakawo xa, kánéxchek sat katnahak mékoho, cham'a kélpeykesamo nak cha'a ekyókxoho yókxexma Asia, tén han ekyókxoho yókxexma keso náxop.”

ROMANOS 14:13

Ekeso eñamakxa megkatakmela nak antehek nelyamatcháseykha egnámokkok. Kólhésho sat mók kélwáxok yakwayam megkóllának ma'a aksok elánésamo nak mey'asáxma kélyáxeg.

1 CORINTIOS 9:12

Payhawók agkok nahan elmaxnak kéxegkáxa aksok ma'a pók seykha amya'a nak, negko'o eyke ekyagwánxa agkok negmowána ólmaxnak aksok kéxegke. Wánxa agkok, akke agásenneykekxak negko'o xa negmowána nak ólmaxnak kéxegke aksok, nelenmáxexkók axta ekyókxoho aksok, yakwayam enxoho mólya'aksexma m'a ektémakxa nak kéltenneykha tásek amya'a.

1 CORINTIOS 9:22

Ekheyk agkok nahan nepyeseksa m'a énxet'ák elyelkamáxkoho nak apteme melya'áseyam, axnésaxkohok nahan cha'a ko'oxa xa énxet'ák nak, yakwayam enxoho atnesásekxak melya'áseyam. Ekheyásexkók cha'a ko'o m'a apyókxoho énxet'ák nak, yakwayam enxoho alwagkasek teyp nápakha, eñama m'a sektahakxa enxoho.

2 CORINTIOS 1:12

Yetneyk negko'o xama aksok segmésa nak ekpayheykekxa egwáxok, cham'a negya'áseykegkoho nak negko'o ektakmalma cha'a nentémakxa, tén han mampósamo cha'a nentémakxa keso náxop, ekyagwánxa agkok ma'a nentémakxa nak cha'a negko'o kélnepyeseksa kéxegke. Háwe negko'o sempékesáseyak ma'a ektémakxa nak negya'ásegwayam egagko', wánxa sempékesáseyak ma'a Dios segásekhayo nak.

2 CORINTIOS 8:20

Magmenyék negko'o ólxénaxchek ekmaso nentaha nak xa eñama s'e ekxámokma nak negáncheseykekxa aksok.