2 CORINTIOS 13:9 - Lengua Sur (Enxet) Nuevo Testamento

⁹ Ekeso eñamakxa elpayheykxo nak cha'a negko'o egwáxok nentaha nelyelkamáxkoho, cham'a kéltaha enxoho cha'a kélyennakte kéxegke; anlenxanmohok sat nahan negko'o nelmaxnéseso kéxegke yakwayam enxoho katnegwók ekpéwomo kéltémakxa.

2 CORINTIOS 13:9 ပူးပေါင်းရင်းမြစ်များ

ROMANOS 15:2

Negyókxoho negko'o kéméxchek ampeykesásekxak apwáxok egmók, tén han ampasmok, yakwayam enxoho agyanchesesagkohok apteme mey'áseyam.

1 CORINTIOS 1:10

Elyáxeg, yetlo sekxeyenma Jesucristo Wese' egegkok apwesey ko'o, eltamhok kaxhok mók kélpakmeyesma kélyókxoho kéxegke, yakwayam enxoho megkólexpanchesaxche. Kólteme megkólchexémáxkoho, yetlo kélhésamo mók elchetamso kélwáxok ma'a yakwánxa enxoho kóllána'.

1 CORINTIOS 2:3

Ekyelkáxchek axta senegwokmo kélnápakta'awo' kéxegke, elpexyenegkek axta eñama seyeye.

1 CORINTIOS 4:10

Cristo keñamak nelánémaxko negko'o antahak sẽlyéháxma; keñe kéxegke kelánémaxko kaxnak kélya'áseyak, Cristo eñamakxa. Negko'o nenteme nelyelkamáxkoho, keñe kéxegke kélteme ekha kélyennakte. Mólasekhaxchék cha'a negko'o, keñe kéxegke apchekawo cha'a énxet.

2 CORINTIOS 11:30

Yetneyk agkok ko'o xama aksok segkéso eyeymáxkoho sekpeywa axének, keyxkohok sat ko'o sekpeywa axének ma'a ektémakxa nak sekyelkamáxkoho.

2 CORINTIOS 13:11

Elyáxeg, amonye selwateso, emenyék kólmok ektakmeleykha kélwáxok, kóllenxánem kóltehek ekpéwomo kéltémakxa. Kólwaskápekxoho, kólteme megkólchexeymáxkoho, kólteme anhan meyke ektahakxa kélwáxok; exek sat kélnepyeseksa kéxegke Dios aptaha nak eñamakxa segásekhayo tén han meyke ektahakxa egwáxok.

2 CORINTIOS 13:4

Nakso' axta eykhe aptéma máxa apyelkamákpoho Cristo kélyepetchesama axta aksok ektegyeso, wánxa agkok apheyk eyke makham eñama Dios apmopwána. Hawók nahan ektémakxa nak negko'o xa, egwákxók negko'o m'a ektémakxa nak apyelkamákpoho Cristo, wánxa agkok, anxek sat eyke negko'o xamo' Cristo yetlo Dios apmopwána yakwayam ampasmok kéxegke.

2 CORINTIOS 4:12

Keto' cha'a negko'o nentekyómakxa, keñe kéxegke ekyetna ekyennakte kélnenyek.

2 CORINTIOS 7:1

Elyáxeg selásekhayo, cháxa sempekkencháseykekxa axta negko'o appeywa Dios xa; ékeso eñamakxa eyéméxko nak negko'o antehek eyáxñeyo nentémakxa, moghók hempeysegkesek ma'a ekyókxoho aksok ekpeysegkesamo nak negyókxa, tén han ma'a egwáxok; anlenxanmok hana antehek nempagkanchásamáxche agko' Dios, eñama m'a ektémakxa nak cha'a negaye Dios.

COLOSENSES 1:28

Nenlegasegkek cha'a negko'o apwesey Cristo, agméshok nahan cha'a negko'o nempeywa apyókxoho énxet'ák, nelxekmósegkek nahan cha'a apyókxoho énxet'ák ekyókxoho ektémakxa nak negya'ásegwayam, yakwayam enxoho annaklók ma'a aphamakxa nak Dios yetlo ekyennakwayam apteme melya'áseyam eñama apkelyepetcheyo Cristo.

COLOSENSES 4:12

Apcháphásesek nahan ekxeyenma apwáxok ma'a Epafras, aptaha nak han Cristo Jesús apkeláneykha; aptaha nak nahan apkeñama kélnepyeseksa kéxegke. Elmaxnéseshok nahan cha'a kéxegke, yakwayam enxoho keynnakwók kélteme megkólya'áseyam, tén han kólméshok agko' kélwáxok yakwayam kóllának ma'a Dios apmopmenyého nak.

1 TESALONICENSES 3:10

Nelmaxnakkek cha'a negko'o Dios ekyókxoho ekhem tén han ekyókxoho axta'a yakwayam enxoho heghok ólwetekxak kéxegke, tén han agyanchesesagkohok kélteme megkólya'áseyam, cham'a eyéméxchexa nak makham kóltehek megkólya'áseyam kéxegke.

2 TIMOTEO 3:17

yakwayam enxoho yepwának elának ekyókxoho nentémakxa ektakmela m'a ektaha nak Dios énxet apagkok, tén han epenaksohok agko' ma'a apkeláneykekxa nak aptahakxa.

HEBREOS 12:23

kélágketchesekmek nahan ma'a apchaknákxexa nak Dios apketchek eknaktáxésamaxko nak apkelwesey m'a néten, cham'a aptaha nak apmonye'e Dios apketchek. Kélágketchesekmek nahan aphakxa m'a Dios aptaha nak segyekpelchémo negyókxoho, kélágketchesekmek nahan ma'a kélekhéseykemxa nak cha'a aphagák ma'a énxet ektakmela nak apkeltémakxa, cham'a aptemésesama axta apkelpéwomo Dios,

HEBREOS 6:1

Anlenxanmohok hana negko'o ekwokmoho nentaha negwányam, agyenyók sekxo' ma'a émha amonye nelxekmowásamáxche ekxeyenma nak Cristo. Kéméxchek cha'a manlenxanmók negko'o nenxeyenma m'a nelxekmowásamáxche ekmanyehe nak agya'asagkohok, cham'a nenxeyenma nak negyakmagkaso egwáxok, tén han ma'a negyamasma nak nentamheykha segya'asamo nak nétsapmakxa, tén han ma'a mólwateseyam nak nenxeyenma magya'áseyam eñama nak Dios,

1 SAN PEDRO 5:10

Etnésesek sat kéxegke kélpéwomo Dios natámen kéllegeykegkoho yakwatakxoho, elyennaktésesek sat nahan kélteme megkólya'áseyam, etnésesek sat nahan ekha kélyennakte. Cháxa Dios sẽlwoneykencha'a axta eñama ekyawe segásekhayo xa, apkeltamhok axta hegwakxohok negko'oxa m'a ektémakxa nak apcheymákpoho megkamassegwayam eñama negyepetcheyo m'a Jesucristo.