2 CORINTIOS 13:7 - Lengua Sur (Enxet) Nuevo Testamento

⁷ Nelmaxnakkek cha'a negko'o Dios, yakwayam enxoho megkóllanyek kéxegke aksok ekmaso xama enxoho; háwe eyke yakwayam anxekmóshok kéxegke ektakmalma negko'o nenlané nentamheykha, kéxegke yakwayam kóllának aksok eltakmela eyke, ñekhe máxa manláneya enxoho negko'o m'a nentamheykha nak.

2 CORINTIOS 13:7 ပူးပေါင်းရင်းမြစ်များ

SAN MATEO 6:13

Nágyoho aksa hegáhapwak negko'o segyekkónma, wánxa agkok, hegeys negko'o m'a kelyekhama'.’

SAN JUAN 17:15

Maltamhok ko'o elwátésesek xép apheykha náxop xa énxet'ák nak, eltamhok eyke elmeyók neyseksa elenmexeykha m'a kelyekhama'.

ROMANOS 1:28

Mopmenyék elyekpelkohok Dios xa énxet'ák nak. Ekeso eñamakxa apkexaya axta aksa Dios yakwayam kayeykhágwomhok ekmaso elchetamso apwáxók, yakwayam enxoho anhan elanagkok ma'a aksok megkeyméxko nak anlána'.

ROMANOS 12:17

Nágkólhésho mók aptemésesakxa ekmaso kélmók. Kólenxánem cha'a kóllának aksok eltakmela nápakta'awo' apyókxoho énxet.

ROMANOS 13:13

Kólteme cha'a kéltakmelchásamáxkoho, nentémakxal'a neyseksa ekteyapma ekhem, mantehek sat anmenát'ák, mólmahagkek sat cha'a m'a apkelyeykhásamákpexa nak apmayheyak etawagkok aptéyak énxet yetlo ekyennamáxma, tásek manlának cha'a ekmaso nentémakxa mansexta, tén han magyeykhasaxkók ma'a nentémakxa nak, tén han mantehek nelenmexamaxche, tén han mantehek nelyásekkáseykha.

ROMANOS 16:10

Kóltennés sat seyáphásesa ekxeyenma ewáxok Apeles, ekwetamaxkoho axta cha'a ektaha nakso' mey'áseyam Cristo; tén han ma'a ekheykha nak apxagkok Aristóbulo.

1 CORINTIOS 11:19

Megkatnehek kexaha megkólexpanchásamáxche kéxegke yakwayam kólya'ásegwomhok ma'a énxet'ák aptaha nak ekmámnaksoho melya'áseyam Cristo.

2 CORINTIOS 10:10

Yetneyk énxet apxeyenma nak sekmésama cha'a sekpeywa ekyennakte, tén han magweyseykekxo cha'a sekpeywa, cham'a sektáxéseso nak cha'a weykcha'áhak seyaphásesama kéxegke, keñe exnek cha'a sekwokmo enxoho sekyókxoho m'a, méko hetnehek seyáyo, kawanyexkohok cha'a sektahakxa enxoho sekpeywa.

2 CORINTIOS 10:18

Hakte háwe énxet eyeymáxkoho appeywa exénakpekxoho apagko' ma'a ekpayhawo nak kalkohok kélwáxok aptémakxa, akke m'a énxet apxeyenma nak Dios aptaha ektakmela aptémakxa.

2 CORINTIOS 13:6

Nakso' negko'o nentemesásak peya kólyekpelkohok kéxegke nenlaneya negko'o m'a nentamheykha nenteme nak seykha amya'a.

2 CORINTIOS 13:8

Hakte magwanchek negko'o anlának xama aksok ektawáseykha m'a amya'a ekmámnaksoho nak, wánxa aksa cha'a nempasma negko'o m'a amya'a ekmámnaksoho nak.

2 CORINTIOS 13:9

Ekeso eñamakxa elpayheykxo nak cha'a negko'o egwáxok nentaha nelyelkamáxkoho, cham'a kéltaha enxoho cha'a kélyennakte kéxegke; anlenxanmohok sat nahan negko'o nelmaxnéseso kéxegke yakwayam enxoho katnegwók ekpéwomo kéltémakxa.

2 CORINTIOS 6:4

Wánxa agkok, nenxekmósek cha'a negko'o nentaha Dios apkelásenneykha eñama nenlané xa nentamheykha nak, eñama anhan nelenmáxamáxkoho m'a nenlegeykegkoho nak, tén han ma'a ekxákma nak eyéméxchexa aksok egagkok negko'o, tén han ma'a ekyentaxnamo nak negheykha,

2 CORINTIOS 8:21

Cháxa keñamak nenlenxanakmo nak negko'o nenlané aksok ektakmela xa, háwe eyke ekwánxa agkok nápakto' ma'a Wese' egegkok, nápakta'awo' énxet'ák akke anhan nenlanak aksok eltakmela.

FILIPENSES 4:8

Amonye selwateso elyáxeg, kaxén kélwáxok ma'a ekyókxoho aksok ektaha nak ekmámnaksoho, tén han ma'a ekyókxoho aksok eyéméxko nak antehek negáyo, tén han ma'a ekyókxoho aksok ektaha nak elpéwomo, tén han ma'a ekyókxoho aksok ektaha nak eláxñeyo, tén han ma'a ekyókxoho aksok ekleklamókxa nak kélwáxok kataxchek antehek, tén han ma'a ekyókxoho aksok ektakmela nak cha'a ekxénamaxche. Kaxén kélwáxok ma'a ekyókxoho aksok ektakmela nak, eyéméxko nak katakmelek nenxeyenma.

1 TESALONICENSES 5:23

Nelmaxnakkek negko'o Dios segmésamol'a cha'a meyke ektahakxa egwáxok, neltamho etnésesek kéxegke kélpagkanamaxche kélagko', tén han etakmelchesesek ma'a kéltémakxa nak, tén han etakmelchesesek ma'a espíritu kélagkok, tén han ma'a kélhagák nak, tén han etakmelchesesek ma'a kélyókxa, tén han etnésesek meyke kélxéncháseykekxoho kéltémakxa xama enxoho, cham'a apkexyekmo sat Wese' egegkok Jesucristo.

1 TIMOTEO 2:2

Kéméxchek kólmaxnésesek kéxegke apyókxoho kelwese'e apkeláneykha nak apchókxa, tén han ma'a apyókxoho apkelámha apmonye'e nak, yakwayam enxoho katakmelhok negheykha, tén han megkatnegwomóxma negheykha, tén han antehek nempagkanchásamáxche egagko' ma'a Dios, tén han antehek ektakmela nentémakxa nápakta'awo' énxet'ák.

2 TIMOTEO 2:15

Elenxanmoho sat xép etnehek ma'a aptémakxal'a énxet ekha aptamheykha ekleklamol'a apwáxok Dios, cham'a megkagkésol'a apmegkakto xama aksok apkelané, cham'a aptakmelchesamol'a apkelxekmóso apnámokkok amya'a ekmámnaksoho nak.

2 TIMOTEO 4:18

Hemyók sat makham neyseksa ekyókxoho aksok elmasagcha'a nak, hetakmelchesek sat nahan yakwayam hentemekxak ma'a aptémakxa nak Wese' apwányam Dios néten. Apcheymákpoho sat cha'a kóltemésesek Wese' egegkok. Katnahagkok sat.

SANTIAGO 1:12

Apkeleñémo énxet ektaha nak apkelenmáxamákpoho ekyekkónma yetlo apwaskápeykekxoho, hakte apyeyk'ak agkok ektémakxa aksok ekyekkónma, exkak sat ekyennakte apnenyek apxawé naksa, ektaha nak aksok ektakmela, cham'a apxeyenma axta egkések Dios ma'a ektaha nak apchásekhayo.

1 SAN PEDRO 2:12

Kóltakmelchesaxkoho kéxegke nepyeseksa m'a énxet'ák melya'áseyak nak Dios; keñe sat étak ektakmela kéltahakxa kéxegke xa énxet'ák nak, eltemésesek sat nahan apcheymákpoho Dios, cham'a ekwokmo sat ekhem yakwánxa yának Dios óltennaksek negyókxoho ektémakxa aksok nenlané, sagkek eykhe makham apkelxeyenma kéxegke xa énxet'ák nak, máxa elmasagcha'a kéltémakxa aptemesásak.