2 CORINTIOS 11:7 - Lengua Sur (Enxet) Nuevo Testamento

⁷ ¿Sagkek enxeykel'a ko'o sektahakxa seltennáseykha kéxegke tásek amya'a mama nak ekyanmaga xama enxoho? Ektemesásexchék ko'o kónegók yakwayam enxoho kóltehek néten kéxegke.

2 CORINTIOS 11:7 ပူးပေါင်းရင်းမြစ်များ

LOS HECHOS 20:33

Axta ko'o katsapmak egkenyek selyakye xama enxoho tén han ma'a émók nak aksok apagkok;

LOS HECHOS 20:34

kélya'ásegkok ektakmela kéxegke sektamheykencha'a axta ko'o yakwayam enxoho ótak ma'a aksok eyéméxchexa nak, yakwayam enxoho nahan ótaksek aksok eyéméxchexa m'a selxegexma'a nak ko'o.

ROMANOS 1:1

Ko'o Pablo, sekteme Jesucristo apkeláneykha, ektáxesek ko'o keso weykcha'áhak. Ewóneyha axta ko'o Dios, epagkanchek axta anhan, yakwayam hetnésesek seykha amya'a, yakwayam enxoho altennaha amya'a ektakmela eñama nak Dios.

1 CORINTIOS 9:12

Payhawók agkok nahan elmaxnak kéxegkáxa aksok ma'a pók seykha amya'a nak, negko'o eyke ekyagwánxa agkok negmowána ólmaxnak aksok kéxegke. Wánxa agkok, akke agásenneykekxak negko'o xa negmowána nak ólmaxnak kéxegke aksok, nelenmáxexkók axta ekyókxoho aksok, yakwayam enxoho mólya'aksexma m'a ektémakxa nak kéltenneykha tásek amya'a.

1 CORINTIOS 9:6

¿Negko'o enxeykel'a wánxa egagkok Bernabé megkapayhawo hempasmok ma'a neghóxo nentémo xamo' nak magya'áseyam?

2 CORINTIOS 10:1

Ko'o Pablo, eltamhok ko'o kaxének kélwáxok kéxegke ektémakxa axta ménnaktésamakpoho Cristo, tén han ektémakxa axta segásekhayo. Kólxének cha'a kéxegke sektaha ko'o ekyelkamáxkoho ewáxok sekha enxoho kélnepyeseksa kéxegke keñe anhan kólxének cha'a keynnakmakha sekpeywa sekha enxoho makhawo.

2 CORINTIOS 10:16

Egmenyék nahan negko'o kapayheykxak ektémakxa nak nentamheykha tén han anlegaksek tásek amya'a ekweykmoho m'a makhawók agko' kélheykegkaxa nak kéxegke, wánxa agkok, magmenyék eyke negko'o óltemeykha m'a apkeltamhágkaxa enxoho pók énxet'ák, yakwayam enxoho megkaleyxkok negko'o nelpakmeyesma anxének ma'a aptekkeso nak aptamheykha pók énxet'ák.

2 CORINTIOS 12:13

Helemlekxoho aksa kélnathawo enxoho sektahakxa sekpeywa, xama aksok aksa megkaxnawok sekteméseso kéxegke m'a sektemésesamakxa nak cha'a m'a mók apchakneykekxexa nak, cham'a maltémo nak cha'a helpasmok kéxegke.

2 CORINTIOS 2:12

Xama axta sekwákxo tegma apwányam Troas yakwayam altennaha tásek amya'a eñama Cristo, tekkek axta yakwayam alyentamaxkohok alának sektamheykha eñama nak Wese' egegkok.

1 TESALONICENSES 2:9

Elyáxeg, kélya'ásegkok kéxegke ektémakxa axta negko'o nentamheykha, nenlenxaneykmók axta yakwayam antókasaxchek. Nentamheykha axta cha'a negko'o ekyókxoho ekhem tén han ekyókxoho axta'a, yakwayam enxoho manxámásesek kéltahakxa kélxama kéxegke neyseksa nenlegaso amya'a eñama nak Dios.

2 TESALONICENSES 3:8

axta anhan antókasók aksa kéltéyak meyke negyanmagkaso kélxama enxoho. Wánxa agkok, nenlenxáneykmok axta eyke aksa nentamheykha, neltamheykha axta ekyókxoho ekhem tén han ekyókxoho axta'a, yakwayam enxoho manxamásesek kéltahakxa kéxegke kélxama enxoho.