2 CORINTIOS 11:1 - Lengua Sur (Enxet) Nuevo Testamento

¹ Emenyék ko'o hellanha aksa kéxegke sektaha enxoho sekpeywa ektémakxal'a énxet ekyéháxma. Hellanha sat aksa.

2 CORINTIOS 11:1 ပူးပေါင်းရင်းမြစ်များ

SAN MATEO 17:17

Aptahak axta apchátegmowágko Jesús se'e: —¡Enxet apkelya'áseyam kéxegke, kélxegányam nahan! ¿Háxko ekwánxa ekhem kammohok sekha ko'o kélnepyeseksa kéxegke? ¿Háxko sat ekwánxa ekhem kammohok selenmáxamáxkoho kéxegke? Kólyentementa wokma'ák se'e.

LOS HECHOS 18:14

Xama axta apmoko epakmétek Pablo, keñe axta aptaha Galión apkeláneya énxet'ák judíos se'e: —Aksok ekmaso agkok apkelané xa énxet nak, weyxhok xeyk ko'o kélpeywa kéxegke kéltaha nak judíos, cham'a ekpayhawo nak alána';

LOS HECHOS 26:29

Aptahak axta Pablo s'e: —Ekmanyehe agko' kexaha ayakmagkasesek apwáxok, yehémek esenhan, háwe eyke apwánxa apagkok xép apkepmenyého Dios hexnágwakxohok ko'o, akke apmenyék nahan Dios hexnágwakxohok ko'o m'a apyókxoho énxet aphaxnawo nak se'e seltenneykha nak, meyke eyke so ektahakxa nak ko'o selnaktetcheso emék cadenas.

1 CORINTIOS 1:21

Dios, aptaha nak ekha apya'áseykegkoho, apkeltamhok axta mékpelchehek Dios énxet'ák apheykha keso náxop eñama m'a apkelya'áseykegkoho apancha'awo nak; xénchek axta eyke apwáxok elwagkasek teyp ma'a énxet'ák apteme nak apcháyo eñama m'a appeywa nak, neyseksók eykhe eyánemaxche amya'a ekyéháxma xa amya'a nak.

1 CORINTIOS 3:18

Nágkólteméses aksa ekmámnaksoho m'a aksok kélanagkamakxa nak katnék: apkeneykek agkok keytnak apya'áseyak kélxama kéxegke ekhawo ektémakxa nak apkelya'áseyak énxet keso náxop, kéméxchek etnésesakpok máxa meyke apya'áseyak aksok, yakwayam enxoho etnehek ekmámnaksoho apya'áseykegkoho, aptaha enxoho xa.

1 CORINTIOS 4:10

Cristo keñamak nelánémaxko negko'o antahak sẽlyéháxma; keñe kéxegke kelánémaxko kaxnak kélya'áseyak, Cristo eñamakxa. Negko'o nenteme nelyelkamáxkoho, keñe kéxegke kélteme ekha kélyennakte. Mólasekhaxchék cha'a negko'o, keñe kéxegke apchekawo cha'a énxet.

1 CORINTIOS 4:8

¿Kélteméya kaxwo' kéxegke ekxámokma aksok kélagkok? ¿Sawhexkoya ekyetna kéxegke ekyókxoho aksok? ¿Kélhagweykxóya kéxegke kelwese'e megkalmopmenyého nak aksok eleñama nak negko'o? Katnoho anna nakso' kélteme kéxegke kelwese'e, keñe nahan negko'o xa antehek kelwese'e xamo' kéxegke.

2 CORINTIOS 11:19

Kéxegke kéltaha ekha kélya'áseyak, wánxa agkok kélláneyha akke aksa cha'a yetlo kélmáheyo kóleyxhok apkelpeywa m'a énxet'ák elyéháxma nak.

2 CORINTIOS 11:21

Amegkawho eyke cha'a ko'o axének xa, ¡nelyelkáxkók negko'o yakwayam antehek xa ektaha nak! Keleyxkok agkok apkelpakmeyesma xa énxet'ák nak, keyxkohok sat nahan ko'o xa sekpeywa, nempeywa ekyéháxma eykhe xa ektéma nak.

2 CORINTIOS 11:4

Kóllanha aksa anhan cha'a kéxegke yetlo ekpayheykekxa kélwáxok énxet ektahakxa enxoho apwé apkeltennasé apwesey pók Jesús, mexnawok m'a neltennáseykencha'a axta negko'o kéxegke; yetlo kélmáheyo nahan cha'a kólmok takha' m'a espíritu mexnawo nak ma'a Espíritu kélxawáya axta kéxegke, tén han kólmok takha' m'a tásek amya'a megkaxnawo nak ma'a kélmoma axta takha' kéxegke.

2 CORINTIOS 12:11

Ektemegkek axta ko'o máxa seyéháxma, hakte kéxegke axta selyateyeykegkoho atnehek ko'o máxa seyéháxma, kéxegke axta eyke kéméxchek katakmelek sexeyenma ko'o, hakte meheyeykhágweykmohok ko'o m'a seykha amya'a ekha kéláyo nak, ¡énxet mékoho eykhe ko'o!

2 CORINTIOS 5:13

Sẽlyéháxma agkok negko'o, Dios akke keñamak xa. Agkok antahak negko'o sẽlyéháxma, kéxegke eyke yakwayam kapasmok xa.

HEBREOS 5:2

Apwanchek kapyóshok elanok apkemha apmonye appasmo apkelmaxnéseso Dios énxet'ák apagkok ma'a énxet'ák melya'áseyak nak aksok, tén han ma'a énxet'ák ektaha nak megyakhémo apkeltémakxa, hakte hawók ektémakxa apyelkamákpoho ektaha nak appasmo apkelmaxnéseso apnámokkok ma'a ektémakxa nak apkelyelkamákpoho énxet'ák.