1 SAN JUAN 5:9 - Lengua Sur (Enxet) Nuevo Testamento

⁹ Magya'ásekmok cha'a negko'o apkelxeyenma énxet'ák ektaha nak apkelweteykegkoho ekmámnaksoho agko', akke ekyagwánxa agkok ektaha ektakmela agko' ma'a ektémakxa nak apxeyenma Dios, hakte Apketche axta apxeyenmak.

1 SAN JUAN 5:9 ပူးပေါင်းရင်းမြစ်များ

SAN MATEO 17:5

Neyseksa appakmeyesma axta Pedro eyahapwa'a xama yaphopé elyenma xa énxet'ák nak. Keñe axta ektepa kélpeywa neyseksa xa yaphopé nak. Entahak axta kélpeywa s'e: “Keso hatte seyásekhayo nak ko'o s'e, selyéseykha ahagko' axta anhan: kóleyxho appeywa.”,

SAN JUAN 10:38

Élanak agkok ko'o sektamheykha neyseksa eykhe selya'áseyam, nágkólya'asem ma'a aksok selané nak ko'o, yakwayam enxoho kólya'ásegwomhok sektaha ko'o sekyepetcheyo m'a Táta.

SAN JUAN 5:39

Kóltakmelcheshok cha'a kéxegke kéltámesamaxche m'a ektémakxa nak eknaktáxésamaxche Dios appeywa, hakte kélmenyék eykhe kólwetak ekyennakte kélnenyek megkatnegwayam enéxa, eñama kélteme xa; exeyenmék eykhe ko'o xa eknaktáxésamaxche nak,

LOS HECHOS 17:31

Hakte appagkanchek axta Dios xama ekhem yakwánxa etnehek apyekpelchémo ekpéwomo agko' keso náxop eñama m'a énxet ektaha nak apkelyeseykha; apxekmósek axta Dios peya elának xa cham'a apxátekhásekmo axta.”

LOS HECHOS 5:32

Negko'o nentaha negweteykegkoho xa, Espíritu Santo nahan apteme apweteykegkoho, cham'a apmésa axta Dios énxet'ák ektaha axta apkelyaheykekxoho.

HEBREOS 2:4

Dios axta anhan senxekmóso negko'o ektaha ekmámnaksoho xa, yetlo apkelané m'a aksok magkenatcheso nak agweta', tén han yetlo apkelané m'a aksok eltakmela nak, tén han yetlo apkelané m'a ekyókxoho ektémakxa nak aksok sempelakkaso nak agweta', tén han eñama m'a Espíritu Santo, aptaha nak segméso cha'a megkaxnémo mók negmowána, ekhawo m'a ektémakxa axta apmopmenyého elának Dios.

HEBREOS 6:18

Nelxawágkek negko'o nelwaskápeykekxoho, negko'o nentaha axta negketamso yakwayam hegmeyók Dios, nentaha nak han magya'áseyam ma'a nelhaxneykha segméso axta Dios, eñama xa ánet aksok megkamowána nak kayakmagkasók ektémakxa, cham'a mehẽlyexancháseykegkohol'a Dios exének.

1 SAN JUAN 5:10

Negko'o ektahakxa enxoho magya'áseyam Dios Apketche, keytek egwáxok xa ektémakxa nak apxeyenma Dios; keñe m'a énxet ektahakxa enxoho apya'áseyam Dios, máxa apmopwána amya'a etnésesek ma'a Dios, hakte ey'ások ma'a aptémakxa nak Dios apxeyenma Apketche.

1 SAN JUAN 5:8

Espíritu, yegmen, tén han ma'a éma; hawók nahan mók ekxeyenma xa antanxo nak.