1 SAN JUAN 4:9 - Lengua Sur (Enxet) Nuevo Testamento

⁹ Enxekmósek axta negko'o Dios ekwánxa ekyawe segásekhayo, cham'a segaphásesa axta negko'o Apketche apwánxa xama keso náxop, yakwayam enxoho agwetak negko'o ekyennakte egnenyek eñama m'a Dios Apketche.

1 SAN JUAN 4:9 ပူးပေါင်းရင်းမြစ်များ

SAN MARCOS 12:6

“Xama axta apkémékpok makham: cham'a aptaha axta apketche apagko' wese' m'a, aptaha axta nahan apchásekhayókxa apagko'. Axayók axta apcháphásak xa apketche nak, hakte entahak axta elchetamso apwáxok se'e: ‘Yeykpok sat eyke hatte ko'o.’

SAN LUCAS 4:18

“Wese' egegkok Espíritu apagkok ko'o sekxegexma, hakte epagkanchek axta ko'o yakwayam asókasek amya'a ektakmela m'a énxet'ák meyke nak aksok apagkok; Elaphásek nahan ko'o yakwayam altennaksek kélchexeykxo m'a énxet apkelmomap nak, tén han óteyásekxaxma m'a énxet'ák meyke apakta'ák nak; keñe anhan akxeykxak ma'a énxet'ák kélnaktawáseykegkoho nak;

SAN JUAN 10:10

“Exegmak cha'a apmenyexma wánxa aksa etegyaha m'a apmenyexma, tén han etegyaha yakwayam yakhek, tén han etegyaha yakwayam enaktawasha aksok; wánxa agkok, ekxegakmek axta eyke ko'o yakwayam enxoho keytek ekyennakte kélnenya'ák, yakwayam enxoho anhan kayágwomhok agko' ekyetna kéxegke ekyennakte kélnenya'ák.

SAN JUAN 14:6

Aptahak axta apchátegmowágko Jesús se'e: —Ko'o sekteme ámay, ekmámnaksoho, tén han ekyennakte egnenyek. Ko'o sekwánxa ahagkok apkelmeyeykemxa énxet yakwayam elmahagkok ma'a aphakxa nak Táta.

SAN JUAN 3:16

“Awanhek axta apkelásekhayo Dios énxet'ák apheykha nak keso náxop, apmések axta Apketche apwánxa xama apagko', yakwayam enxoho megyetsepek ma'a ektahakxa enxoho apteme mey'áseyam, wánxa aksa étak ma'a ekyennakte apnenyek megkatnegwayam enéxa nak.

SAN JUAN 3:18

“Negko'o ektahakxa enxoho nenteme magya'áseyam Dios Apketche mantehek nensexnánemaxche; keñe m'a énxet ektahakxa enxoho apteme apya'áseyam aptemék apsexnánémap eñama apya'áseyam ma'a Dios Apketche aptaha nak wánxa xama.

SAN JUAN 5:23

yakwayam enxoho kaxhok kélteme kéláyo Dios Apketche m'a ekwánxa nak kélteme kéláyo ko'o Táta. Agkok kóltahak kéláyo Dios Apketche, megkóltahak nahan kéláyo m'a Táta aptaha axta seyáphaso ko'o.

SAN JUAN 6:29

Aptahak axta apchátegmowágko Jesús se'e: —Cha'a apmenyék kóltehek kéxegke megkólya'áseyam Dios ma'a ektaha axta apcháphaso.

SAN JUAN 6:51

Ko'o sekteme xa pan memassegwayam nak apwéweykento axta apkeñama néten; énxet ektahakxa enxoho apto xa pan nak megyetsepek sat. Sekyókxoho ahagko' ko'o m'a pan peya nak agkések kéxegke, yakwayam enxoho egkések elyennakte apnenya'ák apyókxoho énxet'ák apheykha nak keso náxop.

SAN JUAN 6:57

Yetneyk ekyennakte egnenyek ma'a Táta aptaha axta seyáphaso ko'o, Táta anhan keñamak ekyennaktama egkenyek ko'o; ekhawo nahan ektémakxa énxet ektahakxa enxoho apto ahápetek ko'o, étak sat ekyennakte apnenyek eñama ko'o.

SAN JUAN 8:29

Sekxegexma ko'o ma'a aptaha axta seyáphaso; meheyenyewek nahan exakko' Táta, hakte alának cha'a ko'o m'a ekleklamókxa nak apwáxok alána'.

SAN JUAN 8:42

Aptahak axta apchátegmowágko Jesús se'e: —Nakso' agkok kéxegke kélyap ma'a Dios, helásekhohok axta ko'o kéxegke, hakte eñamak ko'o m'a Dios, keso sekwaya nak. Háwe ko'o sekwé ahagko', ekwa'ak axta ko'o aptaha seyáphaso m'a Dios.

SAN JUAN 9:3

Aptahak axta apchátegmowágko Jesús se'e: —Megkañamak ma'a mey'asáxma apagko' nak, megkañamak nahan ma'a megkalya'asáxma nak enchána; Dios apmopwána eyke yakwayam kataxchek ektéma meyke apakta'ák xa énxet nak.

ROMANOS 8:32

Axta emyágweykekxak Apketche Dios segmésa negko'o, apcha'awok axta aksa apmatña negko'o eñamakxa, ékeso eñamakxa peya nak hegmések negko'o Dios ekyókxoho aksok xamo' ma'a Apketche.

HEBREOS 1:5

Hakte metnék yának Dios xama apchásenneykha s'e: “Xép apteme hatte; ektemék kaxwo' xép hatte.” Metnék nahan appeywa Dios exének xama apchásenneykha s'e: “Apyap sat hetnehek ko'o m'a, keñe sat etnehek hatte ko'o m'a.”

1 SAN JUAN 3:16

Negya'ásegkok eyke kaxwo' negko'o ektémakxa m'a ekha nak negásekhayo, hakte apmeyásamákpoho apagko' axta aptemék Jesucristo yakwayam emátog negko'o eñamakxa; ekhawo nahan negko'o xa kéméxchek agmawhok agyenyók negyókxa yakwayam agmátog eñama m'a egyáxeg nentémo xamo' nak magya'áseyam.

1 SAN JUAN 4:10

Keso ektémakxa negásekhayo s'e: háwe negko'o eñama negásekhayo Dios, Dios akke keñamak segásekhayo negko'o, apcháphásek axta Apketche yakwayam enxoho meyakmagkásekxék Dios nentémakxa mólya'asáxma eñama m'a apmeyásamákpoho apagko' axta yakwayam emátog, negko'o segyanmaga.

1 SAN JUAN 4:16

Cháxa keñamak negya'ásegwokmo negko'o segásekha'awo Dios xa, magya'ásekmok nahan. Dios apteme eñamakxa m'a negásekhayo nak, negko'o ektahakxa enxoho nelásekhamaxkoho, negyepetcheyo antehek Dios, hegyepetkohok nahan Dios.

1 SAN JUAN 5:11

Apxeyenmék axta Dios segmésama negko'o ekyennakte egnenyek megkatnegwayam enéxa, cháxa ekyennakte egnenyek ekyetnama nak ma'a Apketche. Cháxa apxeyenma nak Dios xa.

1 SAN JUAN 5:13

Kéxegke ektáxesásak se'e weykcha'áhak nak, kélteme nak megkólya'áseyam Dios Apketche, yakwayam enxoho kólya'asagkohok kéxegke ekyetna ekyennakte egnenyek megkatnegwayam enéxa nak.