1 SAN JUAN 3:6 - Lengua Sur (Enxet) Nuevo Testamento

⁶ Ekhawo ektémakxa nak han negyókxoho nenlenxáneykmoho nak nenteme negyepetcheyo Cristo, manlanyek mólya'asáxma; keñe m'a énxet'ák ektahakxa enxoho apkeláneyak melya'asáxma, melweték ma'a Cristo, melya'ásegkok nahan.

1 SAN JUAN 3:6 ပူးပေါင်းရင်းမြစ်များ

2 CORINTIOS 3:18

Negko'o ektaha nak meyke apáwa apchapma negát, neghawók ma'a ektémakxal'a nelanyantáxama, negmoma m'a ektémakxa nak apcheymákpoho Wese' egegkok, peyk nahan hẽlhésekxohok ma'a aptémakxa nak Cristo, hakte yáwegkek cha'a negko'o ekyetno m'a ektémakxa nak apcheymákpoho Wese' egegkok, Wese' egegkok nahan apkelané xa, aptaha nak han Espíritu.

2 CORINTIOS 4:6

Dios apagko' axta apkeltémo katyapok aksa elseyexma neyseksa ekyaktesóxma, axta anhan apkeltémo katyapok elseyexma egwáxok negko'o m'a Dios, yakwayam enxoho agya'ásegwomhok ektémakxa nak Dios apcheymákpoho elyenmasama nak nápát ma'a Jesucristo.

1 SAN JUAN 2:28

Etchek selásekhayo nak, ektahak kaxwo' seláneya kéxegke s'e: nágkólyensem kélteme kélyepetcheyo Cristo, yakwayam enxoho megkatneykha negko'o egwáxok, cham'a senxekmowáseykpoho sat Cristo, yakwayam enxoho anhan mólmegkayhek negko'o nápakto' Cristo, cham'a apwakto sat.

1 SAN JUAN 2:3

Nelyahakxók agkok negko'o apkeltémókxa nak antehek Dios, egwanchek antemésesek nakso' negyekpelchágwokmo m'a Dios.

1 SAN JUAN 2:4

Aptemék agkok appeywa enxama s'e: “Ekya'ásegkok ko'o Dios”, keñe melyahakxók ma'a apkeltémókxa nak antehek Dios, apmopwána amya'a énxet apteme enxoho xa, megkeytek nahan apwáxok ma'a amya'a ekmámnaksoho nak.

1 SAN JUAN 3:2

Elyáxeg selásekhayo, nentemegkek negko'o Dios apketchek. Eykhe agya'ásegkok makham negko'o yakwánxa hentéhek ma'a natámen sat, negya'ásegkok eyke peya anxohok Jesucristo m'a apwakto sat makham, hakte agwetak sat aptémakxa.

1 SAN JUAN 3:9

Melanyek cha'a mólya'asáxma énxet apteme nak Dios apketche, hakte keytek ma'a nentémakxa ektaha axta apméso Dios; mopwanchek nahan elának mólya'asáxma, hakte Dios apketche xa.

1 SAN JUAN 4:8

Enxet ektahakxa enxoho megyásekhayo pók, mey'ásegkok Dios ma'a, hakte Dios apteme eñamakxa m'a negásekhayo nak.

1 SAN JUAN 5:18

Negya'ásegkok eyke negko'o énxet apteme nak Apyap ma'a Dios melanyek mólya'asáxma, hakte Dios Apketche etakmelchesek, megkatnésesamok nahan exma kelyekhama'.

3 SAN JUAN 1:11

Eyáxeg seyásekhayo, ná étlakxa aksa ekmaso nentémakxa nak, akke étlakxa m'a nentémakxa ektakmela nak. Negko'o ektahakxa enxoho nenlané aksok ektakmela, nentemék negko'o Dios énxet'ák apagkok, keñe m'a énxet apkelané nak aksok ekmaso, meteyk Dios ma'a.