1 SAN JUAN 3:3 - Lengua Sur (Enxet) Nuevo Testamento

³ Negyókxoho ekyetnakxa enxoho xa nelhaxanma nak, nentemesásamáxkoho egagko' antehek negáxñeyo, ekhawo m'a ektémakxa nak megkeypetchegweykmoho Jesucristo xama aksok ekmanyása.

1 SAN JUAN 3:3 ပူးပေါင်းရင်းမြစ်များ

SAN MATEO 5:48

Kólteme kéxegke kélpéwomo, ekhawo aptémakxa nak Kélyap Dios apha nak néten apteme appéwomo.

SAN LUCAS 6:36

Kólteme kéxegke apmopyósa kóllanok kélmók, ekhawo aptémakxa nak Kélyap Dios apmopyósa elanok énxet.

SAN JUAN 17:19

Sekpagkanchásamáxkoho ahagko' ko'o ektahak xép, eñama xa énxet'ák nak, yakwayam enxoho etnahagkok nahan apkelpagkanamap xa énxet'ák nak eñama m'a amya'a ekmámnaksoho nak.

LOS HECHOS 15:9

Axta etnésesók apyeykhamap pók énxet Dios, ekhawo sentemésesamakxa nak han negko'o xa, hakte apchaxñásesek axta nahan apwáxók Dios xa énxet'ák nak eñama m'a melya'áseyam nak.

ROMANOS 15:12

Temegkek nahan apnaktáxeséyak Isaías, aptaha axta Dios appeywa aplegaso s'e: “Etyapok sat aptáwen neptámen Isaí, aptaha axta wese' David apyap, apkemha apmonye sat kóltemésesek, yakwayam etnehek Wese' nepyeseksa pók énxet'ák, sat nahan kañék yakwayam keytek apkelhaxneykha yakwánxa katnehek apmonye'e énxet'ák xa.”

2 CORINTIOS 7:1

Elyáxeg selásekhayo, cháxa sempekkencháseykekxa axta negko'o appeywa Dios xa; ékeso eñamakxa eyéméxko nak negko'o antehek eyáxñeyo nentémakxa, moghók hempeysegkesek ma'a ekyókxoho aksok ekpeysegkesamo nak negyókxa, tén han ma'a egwáxok; anlenxanmok hana antehek nempagkanchásamáxche agko' Dios, eñama m'a ektémakxa nak cha'a negaye Dios.

COLOSENSES 1:5

cham'a kélásekhayo ektekkesesama nak kélhaxneykha yakwayam kólxawak ma'a aksok kéltakmelchesesama nak kéxegke m'a néten. Kéllegayak kéxegke kéltenneykha xa nelhaxneykha nak, cham'a kélleg'a axta kéltenneykha amya'a ekmámnaksoho, ektaha nak amya'a ektakmela agko'.

2 TESALONICENSES 2:16

Nelmaxnakkek negko'o Wese' egegkok Jesucristo, tén han Dios Egyap, neltamho etnésesek kéxegke ekmayheykegkoho kélwáxok, tén han etnésesek kéxegke ekha kélwaskapma, yakwayam enxoho katnehek ektakmalma m'a ekyókxoho kéltahakxa enxoho kélpeywa, tén han ma'a kéllanakxa enxoho, cham'a Dios aptaha nak segásekhayo eñama m'a ektémakxa nak ektakmeleykha apwáxok, tén han segmésama negko'o ektakmelwayam egwáxok megkatnegwayam enéxa, tén han segmésama negko'o ektakmela nak nelhaxneykha.

TITO 3:7

yakwayam enxoho anxawak ma'a ekyennakte egnenyek megkatnegwayam enéxa nelhaxanma nak anxawa', cham'a senxéna enxoho Dios nentaha nelpéwomo eñama m'a segméso naksa nak segemleykekxoho.

HEBREOS 12:14

Kóllenxánem kóltehek meyke ektahakxa kélwáxok nepyeseksa m'a apyókxoho énxet'ák nak, kólteme nahan kélpagkanchásamáxche Dios; hakte méko kawának kótak Wese' egegkok megkólpagkanchásexko enxoho Dios.

HEBREOS 6:18

Nelxawágkek negko'o nelwaskápeykekxoho, negko'o nentaha axta negketamso yakwayam hegmeyók Dios, nentaha nak han magya'áseyam ma'a nelhaxneykha segméso axta Dios, eñama xa ánet aksok megkamowána nak kayakmagkasók ektémakxa, cham'a mehẽlyexancháseykegkohol'a Dios exének.

HEBREOS 7:26

Jesús apteme apkemha apmonye appasmo apkelmaxnéseso Dios énxet'ák apagkok negmámenyého axta cha'a negko'o. Jesús apteme aptakmalma apagko', meyke ekmaso aptémakxa, megkeypetchegweykmohok ma'a aksok ekmanyása sempeysegkesamol'a, kélyetnakhasegkek axta anhan nepyeseksa m'a énxet'ák melya'asáxma nak, kélhésákxeyk axta nahan ma'a ektahakxa nak netno' agko' ma'a néten.

SANTIAGO 4:8

Kólyepetkoho cha'a Dios, keñe sat épetkohok kéxegke m'a Dios. ¡Kólyenyes kélmék kéltaha nak kéllané megkólya'asáxma! ¡kólteme eyáxñeyo kélwáxok kéxegke kéltaha nak kélmáheyo kólásekhohok Dios, tén han kélmáheyo nak kólásekhohok ektémakxa nak keso náxop!

1 SAN PEDRO 1:15

Kólteme ektakmela agko' kéltémakxa, hakte Dios aptaha axta apkelwóneykha kéxegke apteme aptakmalma;

1 SAN PEDRO 1:3

Oltemésesek hana apcheymákpoho Dios, Jesucristo Wese' egegkok Apyap, entemésesek axta negko'o eghaxnancha'ák Dios eñama m'a ekyawe ektakmeleykha nak apwáxok henlano', eñama nahan ma'a apxátekhágwayam axta Jesucristo. Cháxa segmésa nak nelhaxneykha ektaha nak ekmámnaksoho agko' xa,

2 SAN PEDRO 1:4

Axta keñamak sempekkencháseykekxo appeywa Dios xa, cham'a ektaha nak ekyawe agko', ektaha nak han ekmomnáwa agko', yakwayam enxoho kawakxohok kéxegkáxa m'a aptémakxa nak Dios, tén han kólántépok neyseksa m'a aksok ekmaso negyespagko ekmaseseykmohol'a énxet ekyetna nak keso náxop.

2 SAN PEDRO 3:14

Elyáxeg selásekhayo, kóllenxánem cha'a yakwayam enxoho elwetágwatak kéxegke Dios ekyetna meyke ektahakxa kélwáxok, tén han meyke elenchahamaxche kéltémakxa ekmaso, tén han meyke kélsexnánemaxche, neyseksa kélhaxanma katnehek xa.

1 SAN JUAN 2:6

Apxénchek agkok enxama aptaha apyepetcheyo Dios, kéméxchek etnehek ma'a aptémakxa axta Jesucristo.

1 SAN JUAN 4:17

Cháxa ektémakxa nak ektemegweykmo ekmámnaksoho ekyetnama negyeseksa negko'o Dios segásekhayo xa, yakwayam enxoho megkatneykha egwáxok negko'o m'a ekhem nelyekpelchamáxchexa sat; hakte hawók negko'o nentémakxa neyseksa negha náxop ma'a aptémakxa nak Jesucristo.