1 SAN JUAN 3:21 - Lengua Sur (Enxet) Nuevo Testamento

²¹ Elyáxeg selásekhayo, agkok kaxénwákxohok egwáxok eyesagko nentahakxa, keytek negko'o megkatnaheykha egwáxok nápakto' Dios;

1 SAN JUAN 3:21 ပူးပေါင်းရင်းမြစ်များ

1 SAN JUAN 2:28

Etchek selásekhayo nak, ektahak kaxwo' seláneya kéxegke s'e: nágkólyensem kélteme kélyepetcheyo Cristo, yakwayam enxoho megkatneykha negko'o egwáxok, cham'a senxekmowáseykpoho sat Cristo, yakwayam enxoho anhan mólmegkayhek negko'o nápakto' Cristo, cham'a apwakto sat.

HEBREOS 4:16

Agágketchesamhok hana aphamakxa m'a Dios segásekhayo nak yetlo megkatnaheykha egwáxok, yakwayam enxoho hegemlekxohok henlanok negko'o, tén han keytlawhok ektakmeleykha apwáxok hempasmok ma'a eyakhókxa enxoho neltamhókxa hempasmok.

2 CORINTIOS 1:12

Yetneyk negko'o xama aksok segmésa nak ekpayheykekxa egwáxok, cham'a negya'áseykegkoho nak negko'o ektakmalma cha'a nentémakxa, tén han mampósamo cha'a nentémakxa keso náxop, ekyagwánxa agkok ma'a nentémakxa nak cha'a negko'o kélnepyeseksa kéxegke. Háwe negko'o sempékesáseyak ma'a ektémakxa nak negya'ásegwayam egagko', wánxa sempékesáseyak ma'a Dios segásekhayo nak.

1 SAN JUAN 5:14

Magya'ásekmok negko'o Dios, hakte negya'ásegkok negko'o megkatnehek megyaháxenmo Dios aksok nelmaxnagko, cham'a eyakhawo enxoho nelmaxnagko ektahakxa apmopmenyého.

1 SAN JUAN 4:17

Cháxa ektémakxa nak ektemegweykmo ekmámnaksoho ekyetnama negyeseksa negko'o Dios segásekhayo xa, yakwayam enxoho megkatneykha egwáxok negko'o m'a ekhem nelyekpelchamáxchexa sat; hakte hawók negko'o nentémakxa neyseksa negha náxop ma'a aptémakxa nak Jesucristo.

HEBREOS 10:22

Ekeso eñamakxa eyéméxko nak agyo'ókxak Dios yetlo ektakmalma elchetamso egwáxok tén han antehek ekmámnaksoho nenteme magya'áseyam, yetlo m'a megkaxénweykekxoho nak egwáxok ekyetna nensexnánemaxche, tén han yetlo m'a sẽlteméseso nak negáxñeyo eñama sẽlyakpáseso yegmen ektakmela agko' nak.

1 CORINTIOS 4:4

Mehesexnenék eykhe ko'o m'a ektémakxa nak elchetamso ewáxok ekmaso, háwe eyke eñama sexeyenma ko'o Dios sektaha meyke seksexnánémaxche xa. Wese' egegkok akke aptaha cha'a sekpelchémo ko'o.

1 TIMOTEO 2:8

Emenyék ko'o etnahagkok nempeywa nelmaxnagko énxet apheykha nak ekyókxoho yókxexma, tén han elya'aksek néten apmék yetlo eyáxñeyo apwáxok nápakto' Dios, meyke m'a nenlo nak, tén han meyke m'a nelátegmomaxche nak.

ROMANOS 14:22

Cháxa ektémakxa nak ekxeyenma apwáxok xép kéméxchek katnehek nahan ekxeyenma apwáxok nápakto' Dios xa ektaha nak. Apkeleñémo énxet megkasagchamo nak apwáxok kaxénwakxohok apwáxok aptahakxa, cham'a ekxeyenmakxa nak apwáxok ektakmela elána'.

EFESIOS 3:12

Cristo nahan keñamak nentaha negko'o meyke sẽlya'ásekhaxma yakwayam agyo'ókxak Dios, yetlo megkatnaheykha egwáxok eñama m'a magya'áseyam nak Dios.

1 SAN JUAN 2:7

Elyáxeg selásekhayo, háwe axnagkok nelánemaxchexa antehek se'e sektáxésesa nak kéxegke; cháxa nelánemaxchexa antehek kélxawáya axta kéxegke nano' xa, cha'a nano' nelánemaxchexa antehek ma'a amya'a kéllegaya axta kéxegke.

1 SAN JUAN 3:2

Elyáxeg selásekhayo, nentemegkek negko'o Dios apketchek. Eykhe agya'ásegkok makham negko'o yakwánxa hentéhek ma'a natámen sat, negya'ásegkok eyke peya anxohok Jesucristo m'a apwakto sat makham, hakte agwetak sat aptémakxa.

1 SAN JUAN 3:20

egwáxok agkok keñamak negya'ásegweykekxoho eyesagko nentahakxa, Dios akke apteme apwányam apagko' megkaxnawok ma'a egwáxok, apteme nahan apya'áseykegkoho ekyókxoho aksok.