1 SAN JUAN 3:2 - Lengua Sur (Enxet) Nuevo Testamento

² Elyáxeg selásekhayo, nentemegkek negko'o Dios apketchek. Eykhe agya'ásegkok makham negko'o yakwánxa hentéhek ma'a natámen sat, negya'ásegkok eyke peya anxohok Jesucristo m'a apwakto sat makham, hakte agwetak sat aptémakxa.

1 SAN JUAN 3:2 ပူးပေါင်းရင်းမြစ်များ

SAN MATEO 5:8

“Kéleñémo agko' kéxegke kéltaha nak eyáxñeyo kélwáxok hakte kólwetágwók sat kéxegke Dios.

SAN LUCAS 17:30

Sat nahan katnehek apkexyekmo sat ma'a aptaha nak Apketche énxet.

SAN LUCAS 20:36

kamaskok sat apkeletsapa, hakte exnágwakxohok sat Dios apkelásenneykha, Dios apketchek sat nahan etnahagkok eñama m'a apnakxétekhágwayam.

SAN JUAN 1:12

Keñe m'a énxet'ák ektaha axta apchápeykha, ektaha axta anhan apteme mey'áseyam, apxénchek axta ekpayhawo etnahagkok Dios apketchek,

SAN JUAN 11:52

háwe axta apwánxa apagkok énxet'ák judíos apmáheyo etnehek apyanmaga Jesús, axta eyke nahan peyk yanchásekxak ma'a apyókxoho Dios apketchek ektaha nak apkexpakneykha keso náxop.

SAN JUAN 17:24

“Táta, egkések axta ko'o exchep xa énxet'ák nak, emenyék nahan ko'o hexhok xamo' xa énxet'ák nak, cham'a yakwánxa nak axnók ko'o, yakwayam enxoho elwetak ektémakxa nak ko'o seyeymáxkoho, cham'a seyeymáxkoho segkésa axta exchep; hakte eyásekhayók axta exchep amonye elánamáxche axta keso náxop.

ROMANOS 8:16

Epetchekxak nahan eghagak xa Espíritu nak, yakwayam exének nentaha negko'o Dios apketchek.

ROMANOS 8:18

Xénchek ko'o ewáxok ektaha mékoho nenlegeykegkoho sónegwánxa nak, cham'a negyetchásawo enxoho m'a negeymáxkoho eñama nak Dios peya nak hegwatámhok.

ROMANOS 8:19

Kelpekhések kótak kólxekmósek aptaha nak Dios apketchek ma'a ekyókxoho aksok apkelané axta Dios.

ROMANOS 8:29

Apkelpagkanchek axta Dios ma'a énxet'ák ektaha axta apkelyekpelchémo nano' axta, yakwayam enxoho exnágwakxohok ma'a Apketche, yakwayam enxoho etnehek apwányam nepyeseksa apkelyáxeg ma'a Apketche.

1 CORINTIOS 13:12

Kaxwo' eyke yáma negyekpelchágkek negko'o ektémol'a nelanyantáxama ápak, cham'a ekmasextohol'a negyekpelche; Xama ekhem sat eyke katnehek negweté egagko' xa. Háwe ko'o ekyókxoho sekya'ásegwayam se'e kaxwo' nak, xama ekhem sat eyke ay'ásegwomhok ma'a Dios, ekhawo ektémakxa nak sey'áseykegkoho ko'o Dios.

1 CORINTIOS 15:49

Keso ektémakxa nak negko'o neghémo énxet apkelánamap axta xóp, sat nahan katnehek aghágwakxohok ma'a énxet apkeñama nak néten.

1 CORINTIOS 2:9

Wánxa agkok, temegkek eyke eknaktáxésamaxche weykcha'áhak se'e: “Apkelanesákxek axta aksok Dios ma'a énxet'ák apkelásekhayókxa nak, cham'a aksok megkótémaxko nak, tén han ma'a megkañamáxko nak, tén han ma'a megkaxéneykencha'a nak egwáxok”.

2 CORINTIOS 3:18

Negko'o ektaha nak meyke apáwa apchapma negát, neghawók ma'a ektémakxal'a nelanyantáxama, negmoma m'a ektémakxa nak apcheymákpoho Wese' egegkok, peyk nahan hẽlhésekxohok ma'a aptémakxa nak Cristo, hakte yáwegkek cha'a negko'o ekyetno m'a ektémakxa nak apcheymákpoho Wese' egegkok, Wese' egegkok nahan apkelané xa, aptaha nak han Espíritu.

2 CORINTIOS 4:17

Kexyókók ektémakxa nak cha'a nenlegeykegkoho, ñohok nahan cha'a kamaskok. Wánxa agkok, hegmések sat eyke negeymáxkoho megkatnegwayam enéxa nápakto' Dios xa ektaha nak ekyawe agko', megkaxnawok ma'a nenlegeykegkoho nak.

GÁLATAS 3:26

hakte megkólya'áseyam Cristo Jesús keñamak kéltaha kélyókxoho kéxegke Dios apketchek,

GÁLATAS 4:6

Apcháphásek axta Dios Apketche Espíritu apagkok kañe' egwáxok negko'o, hakte nentemék negko'o kaxwo' Dios apketchek; etnehek nahan cha'a Espíritu ewónmakha s'e: “¡Táta!”

FILIPENSES 3:21

cham'a peya nak hegyakmagkasesek negyókxa ekmaso nak, yakwayam enxoho katnekxak negyókxa m'a ektémakxa nak apyókxa eyeymáxkoho. Elának sat Cristo xa eñama m'a apmopwána nak, cham'a apmopwána ekmowána nak kasawhekxohok eláneykha ekyókxoho aksok.

COLOSENSES 3:4

Cristo neykhe xa ektémakxa nak kélyennakte kéxegke. Apkexyekmek sat agkok makham Cristo keso náxop, kéxegke sat nahan kóltehek kélxegexma, kawakxohok sat nahan kéxegkáxa m'a ektémakxa nak apcheymákpoho.

HEBREOS 9:28

ekhawo ektémakxa nak han Cristo ektéma wánxa xama apmeyásamákpekxoho Dios yakwayam enxoho exámhok apmaséseso melya'asáxma énxet'ák. Keñe sat henxekmósakpekxohok makham, háwe eyke kaxwo' yakwayam ey'ótak mólya'asáxma, wánxa aksa yakwayam elwagkasek teyp ma'a énxet'ák ektaha nak apkelhaxanma.

2 SAN PEDRO 1:4

Axta keñamak sempekkencháseykekxo appeywa Dios xa, cham'a ektaha nak ekyawe agko', ektaha nak han ekmomnáwa agko', yakwayam enxoho kawakxohok kéxegkáxa m'a aptémakxa nak Dios, tén han kólántépok neyseksa m'a aksok ekmaso negyespagko ekmaseseykmohol'a énxet ekyetna nak keso náxop.

1 SAN JUAN 2:28

Etchek selásekhayo nak, ektahak kaxwo' seláneya kéxegke s'e: nágkólyensem kélteme kélyepetcheyo Cristo, yakwayam enxoho megkatneykha negko'o egwáxok, cham'a senxekmowáseykpoho sat Cristo, yakwayam enxoho anhan mólmegkayhek negko'o nápakto' Cristo, cham'a apwakto sat.

1 SAN JUAN 2:7

Elyáxeg selásekhayo, háwe axnagkok nelánemaxchexa antehek se'e sektáxésesa nak kéxegke; cháxa nelánemaxchexa antehek kélxawáya axta kéxegke nano' xa, cha'a nano' nelánemaxchexa antehek ma'a amya'a kéllegaya axta kéxegke.

1 SAN JUAN 3:1

Kóllano hana, awanhek segásekhayo Dios Egyap, ékeso eñamakxa neltamhomaxko nak negko'o Dios apketchek, nentemegkek nahan negko'o Dios apketchek. Ekeso eñamakxa mehẽlyekpelchama nak han negko'o énxet'ák ektaha nak apkeleñamakxa apagko' keso náxop, hakte melyekpelchék ma'a Dios Egyap.

1 SAN JUAN 3:10

Kólya'asagkohok cha'a m'a énxet'ák apteme nak Dios apketchek, kólya'asagkohok nahan cha'a m'a énxet'ák apteme nak kelyekhama' étchek, hakte apyókxoho énxet melané nak nentémakxa ektakmela esenhan ma'a megyásekhayo nak apyáxeg aptémo xamo' nak mey'áseyam, háwe Dios énxet apagkok xa.

1 SAN JUAN 3:21

Elyáxeg selásekhayo, agkok kaxénwákxohok egwáxok eyesagko nentahakxa, keytek negko'o megkatnaheykha egwáxok nápakto' Dios;

1 SAN JUAN 5:1

Negyókxoho nenteme nak magya'áseyam Jesús aptaha Mesías, nentemék negko'o Dios apketchek; enxama apchásekhayo enxoho xama énxet ekha nak apketchek, elásekháseshok nahan ma'a apketchek.

APOCALIPSIS 2:28

kelwese'e sat nahan etnahagkok nepyeseksa apyókxoho pók aptémakxa énxet'ák nak yetlo meyke apmopyósa elano', nápakha'a apketkók sat nahan etnésesek ektémol'a ampaxkátek yátegwáxwa apkelánamapla'a yelpa'. Agkések sat nahan kéxegke yaw'a apwányam apteyapmol'a axto'o agko'.

APOCALIPSIS 22:4

Apakta'ák apagko' sat nahan étak Dios ma'a ektaha nak apkelásenneykha, kaxnagkok sat nahan apwesey m'a nápakta'a.