1 SAN JUAN 2:4 - Lengua Sur (Enxet) Nuevo Testamento

⁴ Aptemék agkok appeywa enxama s'e: “Ekya'ásegkok ko'o Dios”, keñe melyahakxók ma'a apkeltémókxa nak antehek Dios, apmopwána amya'a énxet apteme enxoho xa, megkeytek nahan apwáxok ma'a amya'a ekmámnaksoho nak.

1 SAN JUAN 2:4 ပူးပေါင်းရင်းမြစ်များ

SAN JUAN 8:44

Kelyekhama' kélyap kéxegke; cha'a kéleñamak kéxegke m'a, kóllenxanmok nahan cha'a kóllának eyámenyéxa enxoho kóllának ma'a. Ekyetno ekyógkexma axta entemék kelyekhama' sekxo' agko'. Megkameykha cha'a m'a amya'a ekmámnaksoho nak, megkatnehek nahan cha'a ekmámnaksoho ekpeywa. Temék agkok cha'a ekmowána amya'a, katnehek cha'a m'a ektémakxal'a cha'a; hakte ekmowána amya'a m'a, cha'a keñamak negmowána amya'a m'a.

TITO 1:10

Hakte apxámok énxet megkaleklo nak apwáxok nelxekmowásamáxche ektakmela nak, ekyagwánxa agko' nepyeseksa m'a énxet'ák apkelenxáneykmoho nak apkeláneyak ma'a sẽlkahaso kélyenyekhamol'a egyempehek, cham'a énxet'ák apxeyenmol'a aksok ektaha nak mékoho agko', cham'a apkelyexancháseykencha'awol'a énxet.

TITO 1:16

Elxénhok cha'a apkelya'áseykegkoho Dios xa énxet'ák nak, aksok apkeláneyak akke cha'a kañék ekwetamaxche ektaha megkamámnaksoho xa aptamheykegkaxa nak apkelpeywa; asagcha'awo' nahan apkeltémakxa, méko nahan apkelyaheykekxoho, mopwanchek nahan elanagkok nentamheykha ektakmela xama enxoho.

1 SAN JUAN 1:10

Nenxénchek agkok negko'o manláneya mólya'asáxma, máxa antemésesek apmopwána amya'a Dios, megkatnehek nahan nakso' negma m'a ektémakxa nak appeywa.

1 SAN JUAN 1:6

Nenxénchek agkok negko'o nentaha negyepetcheyo Dios, keñe agyepetchesek nahan nenlané m'a nentémakxa ekmaso ekyetchesamaxkoho nak ekyaktesóxma, negmowána amya'a antehek ma'a nentahakxa enxoho nempeywa, háwe nahan katnehek ekmámnaksoho aksok nenlané.

1 SAN JUAN 1:8

Nenxénchek agkok negko'o manláneya mólya'asáxma, magakhémo egagko' antehek nentahakxa nempeywa, megkeytek nahan egwáxok negko'o m'a amya'a ekmámnaksoho nak;

1 SAN JUAN 2:3

Nelyahakxók agkok negko'o apkeltémókxa nak antehek Dios, egwanchek antemésesek nakso' negyekpelchágwokmo m'a Dios.

1 SAN JUAN 2:9

Apxénchek agkok enxama apha neyseksa elseyexma, etaknók eyke m'a apyáxeg aptémo xamo' nak mey'áseyam, makhemek makham apha neyseksa ekyaktesóxma.

1 SAN JUAN 3:6

Ekhawo ektémakxa nak han negyókxoho nenlenxáneykmoho nak nenteme negyepetcheyo Cristo, manlanyek mólya'asáxma; keñe m'a énxet'ák ektahakxa enxoho apkeláneyak melya'asáxma, melweték ma'a Cristo, melya'ásegkok nahan.

1 SAN JUAN 4:20

Aptemék agkok appeywa enxama s'e: “Eyásekha'awok ko'o Dios”, keñe etaknók ma'a apyáxeg aptémo xamo' nak mey'áseyam, apmopwána amya'a énxet apteme enxoho xa ektaha nak. Agkok yásekha'awok enxama apyáxeg aptémo xamo' nak mey'áseyam apwetayo nak apyókxoho, metnehek nahan apchásekhayo m'a Dios méteyo nak apyókxoho.

1 SAN JUAN 4:7

Elyáxeg selásekhayo, kéméxchek ólásekhaxkohok hakte Dios keñamak ma'a nelásekhamaxkoho nak. Apyókxoho énxet apkelásekhamakpoho nak, Dios apketchek ma'a, elya'asagkohok nahan ma'a Dios.