1 SAN JUAN 2:3 - Lengua Sur (Enxet) Nuevo Testamento

³ Nelyahakxók agkok negko'o apkeltémókxa nak antehek Dios, egwanchek antemésesek nakso' negyekpelchágwokmo m'a Dios.

1 SAN JUAN 2:3 ပူးပေါင်းရင်းမြစ်များ

SAN LUCAS 6:46

“¿Yaksak ektaha kéltaha nak sexéna kéxegke s'e, ‘Wese', Wese'’, keñe megkóláneya m'a sektémakxa nak selánagkama?

SAN JUAN 14:15

“Elásekha'awók agkok ko'o kéxegke, kólyahakxoho sat ma'a seltémókxa nak kóltehek.

SAN JUAN 15:10

Kélyahakxók agkok kéxegke m'a seltémókxa nak kóltehek, alenxanmohok sat nahan ko'o xa selásekhayo kéxegke, ekhawo ektémakxa nak ko'o selyaheykekxoho m'a apkeltémókxa nak atnehek Táta, apkelenxanakmok nahan apteme seyásekhayo.

SAN JUAN 15:14

Kéllanak agkok kéxegke m'a seltémókxa nak kóltehek, kélteme kéxegke enámokkok.

SAN JUAN 17:3

Enxet'ák ektahakxa enxoho apya'áseykegkoho exchep aptaha wánxa xama Dios, tén han apya'ásegkoho enxoho m'a Jesucristo aptaha axta apcháphaso exchep, keytek sat ekyennakte apnenya'ák megkatnegwayam enéxa.

2 CORINTIOS 4:6

Dios apagko' axta apkeltémo katyapok aksa elseyexma neyseksa ekyaktesóxma, axta anhan apkeltémo katyapok elseyexma egwáxok negko'o m'a Dios, yakwayam enxoho agya'ásegwomhok ektémakxa nak Dios apcheymákpoho elyenmasama nak nápát ma'a Jesucristo.

HEBREOS 5:9

Xama axta apsawhawo apkelana Cristo m'a yakweykenxa axta elána' eñama apteme xa ektaha nak, aptemék axta eñamakxa apkelwagkásamap teyp megkatnegwayam enéxa apyókxoho énxet ektaha nak apkelyaheykekxoho.

1 SAN JUAN 2:13

Enxet'ák ekha nak apketchek, kéxegke ektáxesásak se'e weykcha'áhak nak, hakte kélya'ásegkok axta m'a énxet aphama axta sekxo' agko'. Kéxegke kéltaha nak kélketkók, kéxegke ektáxesásak se'e weykcha'áhak nak, hakte kélmalanchek axta neyseksa kelyekhama' ekmowána.

1 SAN JUAN 3:14

Negyeykhayak axta negko'o nétsapma negmoma ekyennakte egnenyek, negya'ásegkok nahan negko'oxa xa, hakte nelásekhayók negko'o ẽlyáxeg'a nentémo xamo' nak magya'áseyam. Kéxegke ektahakxa enxoho megkólásekhayo kélmók, máxa kéletsapma makham kóltehek.

1 SAN JUAN 3:19

Agya'ásegwók sat negko'o nentaha neleñama Dios aptaha nak apmámnaksoho eñama nenteme xa, nakso' sat nahan katnehek megkatnaheykha egwáxok nápakto' Dios;

1 SAN JUAN 3:6

Ekhawo ektémakxa nak han negyókxoho nenlenxáneykmoho nak nenteme negyepetcheyo Cristo, manlanyek mólya'asáxma; keñe m'a énxet'ák ektahakxa enxoho apkeláneyak melya'asáxma, melweték ma'a Cristo, melya'ásegkok nahan.

1 SAN JUAN 4:13

Cha'a keñamak ekwetamaxche negyepetcha'awo negko'o Dios ma'a segméso axta Espíritu apagkok, tén han ekwetáxko segyepetcha'awo negko'o Dios.

1 SAN JUAN 4:7

Elyáxeg selásekhayo, kéméxchek ólásekhaxkohok hakte Dios keñamak ma'a nelásekhamaxkoho nak. Apyókxoho énxet apkelásekhamakpoho nak, Dios apketchek ma'a, elya'asagkohok nahan ma'a Dios.

1 SAN JUAN 5:19

Negya'ásegkok negko'o nentaha Dios énxet'ák apagkok, negya'ásegkok nahan eláneykencha'a kelyekhama' ekyókxoho keso náxop.

1 SAN JUAN 5:2

Negya'ásegkok negko'o, kawakxohok nahan nelásekhayo Dios apketchek ma'a negásekha'awo enxoho Dios, tén han nenlana enxoho m'a apkeltémókxa nak antehek.

1 SAN JUAN 5:3

Cha'a negásekhayo Dios ma'a nelyaheykekxoho nak apkeltémókxa antehek; kexyókok ma'a apkeltémókxa nak antehek Dios.

APOCALIPSIS 12:17

Ekeso eñamakxa ektaknókoho agko' axta kelán'a m'a yéwa ekwányam nak, keñe axta elnápexko aksa m'a apkeleymomap nak atawan'ák natámen xa kelán'a nak, axta kelenmexak ma'a énxet'ák ektaha nak apkelyaheykekxoho apkeltémókxa nak antehek Dios tén han ma'a meyenseyam nak apkelxeyenma apwesey Jesús.

APOCALIPSIS 14:12

Sat kañék ekwetamaxche ektémakxa nak apkelwaskápeykekxoho Dios énxet'ák apagkok apkelpagkanamap nak, cham'a melwateseyam nak apkelané apkeltémókxa nak antehek Dios, cham'a meyenseyam nak han apteme mey'áseyam Jesús.

APOCALIPSIS 22:14

Apkeleñémo agko' énxet apkelyenyeso nak apkelnakta, hakte kaphemmok sat yakwayam etawagkok ekyexna m'a yámet ekyennaktésamo nak egnenyek, elepwának sat nahan elántexek ma'a tegma apwányam nak.