1 SAN JUAN 1:4 - Lengua Sur (Enxet) Nuevo Testamento

⁴ Nentahak negko'o nentáxéseso kéxegke xa ektaha nak, yakwayam enxoho kayágwomhok agko' ekpayheykekxa egwáxok negko'o.

1 SAN JUAN 1:4 ပူးပေါင်းရင်းမြစ်များ

SAN JUAN 15:11

“Ektemék ko'o seláneya kéxegke xa yakwayam enxoho kalpayhekxak kélwáxok xamo' ko'o, yakwayam enxoho nahan kayawhok agko' elpayheykekxa kélwáxok.

SAN JUAN 16:24

Akke kólmaxneyk makham kéxegke Táta xama aksok keso kaxwo' nak, eñama nak ko'o sekwesey; kólmaxna, kólxawak sat, yakwayam enxoho kayágwomhok agko' ma'a ekpayheykekxa kélwáxok nak.

SAN JUAN 3:29

Enxet ekha nak appagkanma apteme appagkanamap yakwayam kalyamhápok; exek nahan kaxwé elyamhopma apteme pók ma'a, eñak nahan aptahakxa enxoho appeywa m'a, awanhek nahan katnehek ekpayheykekxa apwáxok apleg'a enxoho aptahakxa appeywa. Cháxa setnahakxa nak ko'o xa, awanho' agko' kaxwo' ekpayheykekxa ewáxok.

2 CORINTIOS 1:24

Móltamhok negko'o óltennasagkohok kéxegke m'a eyéméxchexa nak kóltehek megkólya'áseyam; hakte yennakweykmek kéxegke kélteme megkólya'áseyam, egmenyék eyke ampasmok kéxegke, yakwayam enxoho kalpayhekxak kélwáxok.

EFESIOS 3:19

Emenyék ko'o kólya'ásegwomhok kéxegke xa Cristo segásekhayo ektaha nak ekyawe agko', megkaxnawok ekyawe m'a ekweykenxal'a negko'o ekxeyenma egwáxok, yakwayam enxoho kalánhok agko' kélwáxok kéxegke m'a aptémakxa nak Dios.

1 SAN JUAN 2:1

Etchek selásekhayo nak, ektahak ko'o sektáxéseso kéxegke xa ektaha nak, yakwayam enxoho megkóllanyek megkólya'asáxma. Apkelanak agkok mey'asáxma enxama, yetneyk eyke negko'o énxet negásenneykekxa apwesey Jesucristo, aptaha nak appéwomo, yakwayam henlánekxések nápakto' ma'a Dios Egyap.

2 SAN JUAN 1:12

Xámok aksok yakwayam altennaksek ko'o kéxegke, momenyék eyke atáxésesek weykcha'áhak. Wánxa agkok, emenyék ko'o atyánegwakxohok kéxegke, yakwayam enxoho alpakhetchesaxkoho', yakwayam enxoho anhan kayágwomhok agko' ekpayheykekxa egwáxok nentaha enxoho xa.