1 CORINTIOS 5:3 - Lengua Sur (Enxet) Nuevo Testamento

³ Maxnak eykhe ko'o sekyókxoho kélnepyeseksa kéxegke kaxwo' nak, xénchek eyke ewáxok máxa entahak sekwokmo enxoho sekyókxoho. Yetlo sekxeyenma Jesucristo Wese' egegkok apwesey ekxénak ko'o seltamhókxa kóltemésesek énxet apteme enxoho xa, hakte máxa entahak sekwokmo enxoho sekyókxoho xa.

1 CORINTIOS 5:3 ပူးပေါင်းရင်းမြစ်များ

1 CORINTIOS 5:12

Mehepayhawok ko'o atnehek selyekpelchémo énxet'ák mehentémo xamo' nak magya'áseyam; Dios sat eyke etnehek apkelyekpelchémo xa énxet'ák nak. Akke kéméxchek kéxegke kóltehek kélyekpelchémo m'a egyáxeg nentémo xamo' nak magya'áseyam. Kóltekkes kélnepyeseksa kéxegke énxet apkelané nak mey'asáxma.

2 CORINTIOS 10:1

Ko'o Pablo, eltamhok ko'o kaxének kélwáxok kéxegke ektémakxa axta ménnaktésamakpoho Cristo, tén han ektémakxa axta segásekhayo. Kólxének cha'a kéxegke sektaha ko'o ekyelkamáxkoho ewáxok sekha enxoho kélnepyeseksa kéxegke keñe anhan kólxének cha'a keynnakmakha sekpeywa sekha enxoho makhawo.

2 CORINTIOS 10:11

Enxet apteme enxoho appeywa xa, kéméxchek ey'asagkohok nentémakxa nak cha'a negko'o nempeywa, tén han ma'a nentémakxa nak cha'a nentáxéseso weykcha'áhak negha enxoho makhawo, sat nahan antehek negko'o negheyncha'a enxoho kélnepyeseksa kéxegke xa ektaha nak.

2 CORINTIOS 13:2

Elenxanakmók ko'o sekméso sekpeywa énxet'ák apkeláneykegko axta melya'asáxma nano' axta, tén han ma'a apyókxoho énxet'ák nak, keso sekha nak makhawo kéxegke, ekhawo sektahakxa axta seláneya kéxegke ekwokmo axta ánet sekteme meyk'a; megkapyósek sat alanok kéxegke sektaha sat makham meyk'a kéxegke,

COLOSENSES 2:5

Maxnak eykhe ko'o sekyókxoho kélnepyeseksa kéxegke, xénchek eyke cha'a ewáxok, payhekxeyk nahan ewáxok sekwet'a kéltakmelchesamo kéltamheykha, tén han kéllenxanakmoho kélyennaktésamo kélteme megkólya'áseyam ma'a Cristo.

1 TESALONICENSES 2:17

Elyáxeg, xama axta negkexeykxo kéxegke yakwatakxoho, axta eykhe ólweteykekxak kéxegke, wánxa agkok, xéneykha axta eyke cha'a egwáxok, hakte egmenyék egagko' axta ólteyánegwakxohok kéxegke.