1 CORINTIOS 2:3 - Lengua Sur (Enxet) Nuevo Testamento

³ Ekyelkáxchek axta senegwokmo kélnápakta'awo' kéxegke, elpexyenegkek axta eñama seyeye.

1 CORINTIOS 2:3 ပူးပေါင်းရင်းမြစ်များ

LOS HECHOS 17:1

Axta apkelpéwok apkelxega Pablo tén han Silas ma'a Anfípolis, tén han ma'a Apolonia, apkelwákxók axta m'a tegma apwányam Tesalónica, ekyetnamakxa axta anhan apchakneykekxexa énxet'ák judíos ma'a.

LOS HECHOS 18:1

Apmahágkek axta Pablo tegma apwányam Corinto apkeñama m'a Atenas, natámen xa.

LOS HECHOS 18:12

Wánxa agkok, apchaknákxeyk axta eyke énxet'ák judíos apkenmexa Pablo, kélyentamákxeyk axta anhan sẽlyekpelchémókxa, cham'a aptémakxa axta Galión wese' apwányam apchásenneykha m'a yókxexma Acaya.

LOS HECHOS 18:6

Wánxa agkok, apkenmexchek axta eyke énxet'ák Pablo, apwanyeyha axta nahan; ékeso eñamakxa appaxnexcheyncha'a axta aptaxno Pablo magkenatcheso megkalcha apwáxok aptamhágkaxa énxet'ák. Aptahak axta apkeláneya s'e: —Kéxegke kélagko' sat kañék kélmassegwayam, háwe sat eñama ko'o. Sat ay'ókxak kaxwo' ko'o m'a énxet'ák metnaha nak judíos.

2 CORINTIOS 10:1

Ko'o Pablo, eltamhok ko'o kaxének kélwáxok kéxegke ektémakxa axta ménnaktésamakpoho Cristo, tén han ektémakxa axta segásekhayo. Kólxének cha'a kéxegke sektaha ko'o ekyelkamáxkoho ewáxok sekha enxoho kélnepyeseksa kéxegke keñe anhan kólxének cha'a keynnakmakha sekpeywa sekha enxoho makhawo.

2 CORINTIOS 10:10

Yetneyk énxet apxeyenma nak sekmésama cha'a sekpeywa ekyennakte, tén han magweyseykekxo cha'a sekpeywa, cham'a sektáxéseso nak cha'a weykcha'áhak seyaphásesama kéxegke, keñe exnek cha'a sekwokmo enxoho sekyókxoho m'a, méko hetnehek seyáyo, kawanyexkohok cha'a sektahakxa enxoho sekpeywa.

2 CORINTIOS 13:4

Nakso' axta eykhe aptéma máxa apyelkamákpoho Cristo kélyepetchesama axta aksok ektegyeso, wánxa agkok apheyk eyke makham eñama Dios apmopwána. Hawók nahan ektémakxa nak negko'o xa, egwákxók negko'o m'a ektémakxa nak apyelkamákpoho Cristo, wánxa agkok, anxek sat eyke negko'o xamo' Cristo yetlo Dios apmopwána yakwayam ampasmok kéxegke.

2 CORINTIOS 13:9

Ekeso eñamakxa elpayheykxo nak cha'a negko'o egwáxok nentaha nelyelkamáxkoho, cham'a kéltaha enxoho cha'a kélyennakte kéxegke; anlenxanmohok sat nahan negko'o nelmaxnéseso kéxegke yakwayam enxoho katnegwók ekpéwomo kéltémakxa.

2 CORINTIOS 4:1

Mólháxexchágwokmok cha'a negko'o, hakte Dios axta segásennagko yakwayam anlának xa nentamheykha nak eñama segemleykekxoho.

2 CORINTIOS 4:16

Ekeso eñamakxa mólháxexchágwokmo nak negko'o. Peykhe kamassegwók negko'o s'e ektémakxa nak negyókxa, keñe m'a espíritu ekyetna nak egwáxok ektamhágko cha'a axnagkok ekyókxoho ekhem.

2 CORINTIOS 6:4

Wánxa agkok, nenxekmósek cha'a negko'o nentaha Dios apkelásenneykha eñama nenlané xa nentamheykha nak, eñama anhan nelenmáxamáxkoho m'a nenlegeykegkoho nak, tén han ma'a ekxákma nak eyéméxchexa aksok egagkok negko'o, tén han ma'a ekyentaxnamo nak negheykha,

2 CORINTIOS 7:15

Yágwokmók nahan apkelásekhayo kéxegke Tito, cham'a ekxeyenwákxoho nak apwáxok kélyaheykekxoho kéxegke kélyókxoho nak, keñe anhan kélmoma takha' yetlo ekyawe kéláyo.

2 CORINTIOS 7:5

Móllókaseykmok negko'o nelyampé, eyeynamókxa m'a nelwokmo axta Macedonia, ekyókxoho yókxexma akke negwetágweykmok cha'a negko'o ekyentaxnamo negheykha: nennapéxchek cha'a negko'o m'a ektémakxa nak negyáwa, chekak nahan cha'a egwáxok.

EFESIOS 6:5

Kéxegke kélteme nak kélmomaxche kéltemesáseykha aksa, kólyahakxoho cha'a kéxegke kelwese'e kélagkok apheykha nak keso náxop. Kólteme nahan cha'a kélyaheykekxoho, kólteme nahan cha'a kéláyo, yetlo meyke kélyexamaxkoho xama enxoho, ekhawo m'a kéltémakxal'a kóllának kéltamheykha eñama nak Cristo.