1 CORINTIOS 14:3 - Lengua Sur (Enxet) Nuevo Testamento

³ Keñe m'a énxet ektaha nak apkeltenneykha amya'a eñama nak Dios, ewánegkesesek cha'a apteme melya'áseyam apnámokkok, elwaskakkásekxohok nahan cha'a, elpeykesásekxak nahan cha'a apwáxók.

1 CORINTIOS 14:3 ပူးပေါင်းရင်းမြစ်များ

SAN LUCAS 3:18

Aplegasegkek axta cha'a Juan énxet'ák tásek amya'a cháxa ektéma nak, xámok axta anhan apkeltennáseykha cha'a.

LOS HECHOS 13:15

Apkeltamhok axta elpakmétek énxet'ák judíos apkelámha apmonye'e xa énxet'ák nak, cham'a natámen axta apkelyetsáteyak énxet'ák judíos weykcha'áhak eknaktáxésamaxche nak segánamakxa, tén han ma'a apnaktáxeseyak axta énxet'ák Dios appeywa apkellegaso. Entahak axta amya'a apkeláneyákpo s'e: —Elyáxeg, yetneyk agkok xama aksok yakwayam kólxének, tásek kólxének keso kaxwo' nak, yakwayam enxoho kólának elwaskápekxohok énxet'ák.

LOS HECHOS 14:22

Apkelwaskakkásekxók axta énxet'ák apteme axta melya'áseyam xa yókxexma nak, apkeltennásek axta apkeltamho elenxanmohok apkelyennaktésamo apteme melya'áseyam. Apkeltennásek axta anhan megkatnehek manlegeykegkoho ekyókxoho aksok negmoko enxoho antexek ma'a aptémakxa nak Wese' apwányam Dios.

LOS HECHOS 15:32

Dios appeywa apkellegaso axta anhan ma'a Judas tén han ma'a Silas, ékeso eñamakxa apkelpeykesásékxo axta apwáxók ẽlyáxeg'a eñama m'a apkelpeywa, apkelwaskakkáseykxók axta anhan.

LOS HECHOS 4:36

Ekhawo ektahakxa axta m'a xama énxet apkeñama axta nepyeseksa Leví énxet'ák apagkok apwesey axta José, aptaha axta apkeñamakxa apagko' ma'a egkexe étkok ekwesey nak Chipre, cham'a énxet aptemesáseykxo axta énxet'ák seykha amya'a apwesey Bernabé (nentéma nak nempeywa: “Kélketche sempeykesáseykekxa egwáxok”).

LOS HECHOS 9:31

Méko axta eyke ektahakxa apwáxók apchakneykekxexa énxet ekyókxoho yókxexma Judea, tén han ma'a Galilea, tén han ma'a Samaria. Yáwegkek axta apkelya'ásegwayam eñama nak Dios. Apcháyo axta anhan aptamheykegkok Wese' egegkok Jesús. Espíritu appasmo axta keñamak apxámagko énxet apteme melya'áseyam Jesús.

ROMANOS 12:8

apxakak agkok enxama apmopwána elwaskakkásekxohok apnámokkok, tásek elwaskakkásekxohok. Apmések agkok enxama aksok pók, tásek egkések yetlo meyke ekxeyenma apwáxok mók aksok. Aptemék agkok enxama ekha kéláyo ektémakxa enxoho aptamheykha, tásek etakmelcheshok aptamheykha; enxama ektahakxa enxoho appasmo énxet ekha nak eyéméxchexa aksok, tásek epasmok yetlo ekpayheykekxa apwáxok.

ROMANOS 14:19

Kéméxchek negko'o ólwaskápekxohok anlának ekyókxoho aksok sentekkesesamo nak meyke ektahakxa egwáxok; cháxa egwanchek ólpasmaxkohok agyanchesagkohok nenteme magya'áseyam nentaha enxoho xa.

ROMANOS 15:2

Negyókxoho negko'o kéméxchek ampeykesásekxak apwáxok egmók, tén han ampasmok, yakwayam enxoho agyanchesesagkohok apteme mey'áseyam.

1 CORINTIOS 10:23

Katnohok cha'a amya'a s'e: “Egwanchek anlának negko'o negmokókxa enxoho anlának.” Nakso' xa. Háwe eyke ekyókxoho aksok ekteme ektakmela. Egwanchek anlának negko'o negmokókxa enxoho anlának, wánxa agkok háwe eyke ekyókxoho aksok sempasmo segwánegkeseso aksok eleñama nak Dios.

1 CORINTIOS 14:12

Kólenxánem keytek kéxegke ekxámokma xa kélmowána apméso naksa nak Espíritu, cham'a ekwánegkesesamol'a apteme melya'áseyam Dios énxet'ák apagkok, hakte kélmenyék kéxegke keytek xa kélmowána apméso naksa nak Espíritu.

1 CORINTIOS 14:17

Tásek kexaha eykhe katnehek apméso exchep ekpayheykekxa apwáxok ma'a Dios, wánxa agkok, megkapasmek eyke yakwayam kawánegkesesek apteme mey'áseyam ma'a pók énxet.

1 CORINTIOS 14:26

¿Yaksak eyéméxko anlának kaxwo'? Elyáxeg, kélaknákxeyk agkok kéxegke, kélnápakha apwanchek elmeneykmaksek negmeneykmaso eñama nak Dios, keñe nahan kélnápakha apwanchek elxekmósek apnámokkok, esenhan eltennaha m'a amya'a ektaha nak apya'asáseykegkoho Dios, esenhan elpakmétek ma'a mók ektémakxa amya'a magya'áseyak nak, keñe nahan nápakha exénekxak ektémakxa xa amya'a nak. Ekyókxoho aksok kéllanakxa enxoho, tásek kóllának yakwayam enxoho kaxhok mók kélyancháseykegkoho kélteme megkólya'áseyam.

1 CORINTIOS 14:31

Kéltemék agkok xa, kélxama sat cha'a kélwanchek kólxének amya'a eñama nak Dios, kólyakmagkasaxchek cha'a, cham'a ekpehewakxexa enxoho cha'a yakwayam epakmétek kélxama, yakwayam enxoho kaltámeyagkok kélyókxoho kéxegke, tén han kóltehek kélmayheykegkoho.

1 CORINTIOS 8:1

Kaxwo' peyk axének ko'o ektémakxa m'a nento kélmésol'a aksok kéleykmáseso. Nakso' ektémakxa nak cha'a amya'a s'e: negyókxoho yetnak negko'o negya'ásegwayam ektaha nak ekmámnaksoho; wánxa agkok, hegyánchesesagkohok eyke negeymáxkoho xa negya'ásegwayam nak, keñe m'a nelásekhamaxkoho nak kayánchesamhok cha'a senteméseso mólchexeymáxkoho.

2 CORINTIOS 1:4

Hempeykesásekxak nahan cha'a egwáxok neyseksa ekyókxoho ektémakxa nenlegeykegkoho, yakwayam enxoho negko'o xa agkegwának ólpeykesásekxak apwáxók énxet'ák ektaha nak apkellegeykegkoho, aghéshok negméso ekpayheykekxa egwáxok ma'a ekwánxa axta segméso negko'o Wese' egegkok.

2 CORINTIOS 2:7

Kéméxchek eyke kaxwo' megkólyakmagkásekxék aptemésesakxa, tén han kólpasmok aksa, keyntaxnegwomhok katnehek elapwayam xa énxet nak.

EFESIOS 4:29

Nágkólteme cha'a ekmaso kélpeywa, wánxa agkok kólteme cha'a ektakmela kélpeywa ekmowána nak kapasmok énxet'ák, ekmésamol'a anhan aksok eltakmela eleñama néten ma'a énxet ektahakxa enxoho apháxenmo.

EFESIOS 6:22

Ekeso eñamakxa seyáphasa nak kélhágkaxa kéxegke xa egyáxeg nak, yakwayam enxoho eltennaksek ektémakxa negheykha negko'o, yakwayam enxoho anhan elwaskakkásekxohok kéxegke.

COLOSENSES 4:8

Ekeso eñamakxa seyáphasa nak kélhágkaxa kéxegke xa egyáxeg nak, yakwayam enxoho eltennasha ektémakxa negheykha negko'o, yakwayam enxoho anhan elwaskakkásekxohok kéxegke.

1 TESALONICENSES 2:11

Kélya'ásegkok kéxegke neltamho axta kóllenxanmohok, tén han ma'a nelpeykesáseykekxo axta kélwáxok, ekhawo aptemésesamakxal'a apketchek énxet.

1 TESALONICENSES 2:3

Hakte méko axta negko'o magakhémo ektémakxa neltenneykha, axta nahan óltenneykha aksa yetlo ekmaso elchetamso egwáxok, axta nahan agmáheyok ólyexanchesha xama énxet enxoho.

1 TESALONICENSES 3:2

egyáxeg Timoteo axta eyke eyáphásak ko'o, aptaha nak han sempasmo nenlané nentamheykha eñama nak Dios, cham'a ektémakxa nak nenlegaso amya'a ektakmela ekxeyenma nak Cristo. Eyáphásek axta ko'o xa egyáxeg nak, yakwayam enxoho etnehek meyk'a kéxegke, tén han elyennaktésesek kélteme megkólya'áseyam, tén han yának kóllenxanmoho,

1 TESALONICENSES 4:1

Elyáxeg, neltennásek negko'o kéxegke yetlo nenxeyenma apwesey Wese' egegkok Jesús neltamho kóllenxanmohok kéllané m'a nentahakxa axta nelxekmóso kéxegke, yakwayam enxoho kalkohok apwáxok Dios kéltahakxa (ekhawo xa kéltahakxa nak).

1 TESALONICENSES 4:18

Kóllánesekxa' cha'a apwáxok kélmók eñama s'e amya'a nak.

2 TESALONICENSES 3:12

Kéxegke kélteme nak xa ektaha nak, yetlo nenxeyenma Jesucristo Wese' egegkok apwesey negko'o neltamhok kóltakmelcheshok kéltamheykha yakwayam enxoho kólwetak kélto.

1 TIMOTEO 1:4

yakwayam enxoho anhan yának megyeyxók énxet'ák ma'a amya'a kéltenneykha naksal'a, tén han yának kamaskok apkelanawo énxet'ák ma'a ekwenakte kélnaktáxeséyak axta apkelwesey ẽlyepmeyk nano'. Katekkeshok cha'a apkelátegmomap énxet xa amya'a nak, mehempasmek nahan yakwayam agmok takha' yetlo magya'áseyam ma'a yakweykenxa nak etnehek Dios.

1 TIMOTEO 4:13

Elyetset cha'a exchep ektémakxa nak eknaktáxésamaxche tásek amya'a nepyeseksa énxet'ák, etnéses nahan ekmayheykegkoho apwáxok ẽlyáxeg, elxekmós nahan ekwokmoho sekwakto ko'o.

1 TIMOTEO 6:2

Yetneyk agkok énxet apmomap kéltemesáseykha aksa apteme wese' apagkok ma'a wese' apteme nak mey'áseyam Cristo, kéméxchek meyensemek apteme apcháyo, megkaxének apwáxok ewanyohok eñama m'a aptémo xamo' nak mey'áseyam. Kéméxchek eyánchesamhok aksa aptakmelchesamo aptamheykha, hakte kelwese'e melya'áseyam Cristo m'a kéltakmelchesesamol'a kélláneso aksok, ẽlyáxeg segásekhayo nahan ma'a. Eltennaha s'e, elxekmós nahan apnámokkok:

TITO 1:9

Kéméxchek meyensemek ma'a amya'a ekmámnaksoho nak, cham'a kélxekmósama axta, yakwayam enxoho nahan yepwának elwaskakkásekxohok apnámokkok, yetlo m'a nelxekmowásamáxche ektakmela nak, yakwayam enxoho anhan ellekwomhok énxet'ák apkelxeyenma nak ektaha megkamámnaksoho m'a amya'a nak.

TITO 2:15

Cháxa eyéméxko nak elxekmósek xép énxet'ák xa, tén han elwaskakkásekxohok, egkés nahan cha'a appeywa ekyetna enxoho megyakhémo, yetlo apmeykha m'a ektémakxa nak kéláyo exchep. Neygyoho aksa kólwanyohok xép.

TITO 2:6

Yána nahan etnahagkok apmopwána apkeláneykegkoho apkeltémakxa wokma'ák,

TITO 2:9

Yána sat nahan etnehek apkelyaheykekxoho wese' apagkok ma'a énxet'ák apkelmomap nak kéltemesáseykha aksa, cham'a ekyókxoho aksok apkeláneygkaxa enxoho cha'a; yána etnahagkok eltakmeleykha apwáxók, metnehek nahan apkelátegmoweyak ma'a ektahakxa enxoho amya'a.

HEBREOS 10:25

Magyensemek hana nentaxnegweykekxa m'a negakneykekxexa nak, mantehek ma'a aptamheykegkaxa nak nápakha énxet'ák melántaxnegweykekxa nak cha'a, wánxa agkok, tásek ólyáteyaxkohok negko'o hakte negwet'ak eyágketwokmo apweyktamxa Wese' egegkok.

HEBREOS 13:22

Elyáxeg, eltamhok ko'o megkalleklamagkek kéxegke kélháxenmo s'e sektahakxa nak sekpeywa ekyakwaté sektáxéseso kéxegke yakwayam enxoho kalwaskakkásekxohok.

HEBREOS 3:13

Kólpasmaxkoho cha'a ekyókxoho ekhem neyseksa megkamassegwayam makham se'e “ekhem negwánxa nak”, cham'a ekxeyenma nak han eknaktáxésamaxche, yakwayam enxoho megkalyexanchesha kélxama kéxegke m'a mólya'asáxma nak, yakwayam enxoho nahan metnehek meyke apkelyaheykekxoho.

1 SAN PEDRO 5:12

Silvano ko'o eyásenneykxak setáxésesa ekyakwate s'e sekpeywa nak, cham'a egyáxeg ekxeyenma nak ko'o ewáxok aptaha meyenseyam aptamheykha, yakwayam enxoho altennasagkohok kéxegke m'a aksok kélxaka axta, ektaha ekxekmóso eyámnaksoho m'a ektémakxa nak Dios segásekhayo, yakwayam enxoho nahan altennaksek kéxegke ektaha nakso' xa. Nágkólyensem aksa kéxegke xa ektémakxa nak Dios segásekhayo.

SAN JUDAS 1:20

Elyáxeg selásekhayo, kóllenxanmoho kéxegke kélyennaktésamo m'a ektémakxa nak ekyetno megkólya'áseyam ekpagkanamaxche. Kólmaxna cha'a yetlo appékesáseyak ma'a Espíritu Santo.